Det skal være Modedesign!

2009-04-04T20:55:00.002Z

Ég er á lífi!!

Vildi bara láta vita að ég er á lífi og allt gengur vel. Hef haft nóg að gera, hef unnið mikið undanfarið og er svo byrjuð að undirbúa lokaverkefnið mitt!!

Byrja eftir mánuð á þessu brjálæði og prófið er svo 18.júní.. tískusýningin er svo 25.júní og þá koma mamma og pabbi í heimsókn! Jeij! Það verður gaman! Líka bara að gera sína eigin fatalínu, sem er mjög spennandi!

Já svo er núna páskafrí, en ég varað vinna í dag, á morgun, mán,þri,miðv heilar vaktir og svo er nú sem betur fer lokað nokkra daga, þá get ég einbeitt mér að teikna fatalínuna..

Annars er Dagur á íslandi akkúrat núna, fór í jarðarför á föstudaginn, en er bara stutt og kemur aftur heim annað kvöld.

Núna ætla ég að koma mér í háttinn.. pínu þreytt eftir gærkveldið, fór í opnunarteiti hjá einum kennara okkar sem er hönnuður og varað opna sína eigin búð.. Svo var farið í bæinn og dansað... var ekki sú hressasta í dag.. en þetta var geggjað gaman, og gerist nú ekki svo oft heldur.. ;)

Jess.. svo vona ég að við Dagur náum að búa til nýja heimasíðu bráðlega.. þessi er orðin soldið þreytt..

Ciao

2009-03-04T22:05:00.002Z

Sorrý elsku Kristín mín

Ég veit ég hef ekki bloggað lengi. Ég hef bara haft soldið að gera... ;)

Ég er byrjuð á nýju verkefnið í skólanum og komin hálfa leið með það. Stór fatalína með alskonar vesen, á að skila á föstudaginn 13. eftir viku... þetta er nokkuð stórt verkefni og á ég mikið eftir.

Síðasta verkefnið, Klæðskera jakkinn, gekk mjög vel, náði að klára og gera hlutina vel.

Við Dagur notuðum einn dag í síðustu viku til að breyta öllu húsinu okkar. Ég var komin með pínu ogéð á hlutunum og Dagur fékk þessa sniðugu hugmynd að breyta bara öllu! Svo að við hentum út sófanum sem var hérna í stofunni, settum skrifborðið inní svefnherbergið og færðum "rúmmið" okkar (dýnur) fram í stofuna. Svo fluttum við fataskápana okkar sem stóðu í fremri stofunni og settum þá í "svefnherbergis"-stofuna, hillan sem var þar fór í fremri stofuna. Svo færðum við bara sjónvarpið úr einu horni í það næsta... Þetta kom allt svo vel út að núna er einsog íbúðin hafi öll stækkað, við getum horft á sjónvarpið uppí rúmmi, og við erum með sér vinnuherbergi..!! Very nice! Svo fórum við í IKEA og ég keypti rúmteppi og púða til þess að gera rúmmið pínu flottari, því það sér maður náttúrulega núna. .. en ég er mjög sátt.. =)

Svo vorum við að bóka flug til Berlínar eftir viku, bara frá föstudegi til sunnudags. Ég var nefninlega búin að lofa vinkonu minni svo lengi að koma, hún er nefninlega í Berlín í 2 mánuði, svo að við ákváðum að kýla á það, svo getur Dagur fengið frítt flugið. sem er mjög gott! Eg ætla þá að nota laugardaginn til þess að kaupa efni fyrir lokaverkefnið mitt.. Það er alveg úrval í Kaupmannahöfn, en það kostar alveg sitt.. svo að það er gott að fara eitthvert annað að kaupa efnin..

En jæja, núna ætla ég að fara að sofa.. alveg alein.. Dagur er á næturvakt og kemur fyrst klukkan 8 í fyrramálið.. wellwell.. góða nótt

2009-02-17T20:43:00.003Z

10°stiga frost

Langt síðan ég hef bloggað.. í hvert skipti sem ég fer á bloggið mitt fæ ég bara ógéð.. og nenni ekki að blogga.. en við Dagur erum að vinna í að búa til nýja heimasíðu fyrir mig.. svo að það verður flott þá..

Alltaf nóg að gera auðvitað.. er að klára að sauma Skrædder-jakkan núna, þ.e. svona Klæðskerajakki, svona ekta með axlarpúðum og allskonar drasli inní flíkinni.. svaka fínt..

Er samt nýkomin úr vetrarfríi, það var öll seinasta vika sem ég átti frí frá skólanum, en ég var nú samt að vinna flesta dagana.. Það er gott að fá smá laun næstu mánaðarmót!

Í vinnunni var ég að mála húsgögn, í fjólubláu, bleiku og appelsínugulu.. Bossinn alveg að fríka út..hehe.. þetta voru aðallega borð og svo stóll.. hún notar þetta svo í útstillingu í gluggana. mjög töff sko.!

Svo er líka alltaf að styttast í lokaverkefnið mitt.. og eru allar pælingar á því löngu byrjaðar.. við byrjum eftir 10 vikur og prófið er svo 18.júní.. virðist langt þangað til en það er það ALLS EKKI.. og maður þarf að farað byrja á öllum undirbúningi bara helst núna.. en svo eru auðvitað verkefni í skólanum líka alltaf sem þarf að gera.. töfftöff.. en gaman..

Jæja, núna ætla ég að borða pastað mitt síðan í gær ;o)

Hejhej

2009-02-04T22:19:00.002Z

Feel the Fashion

Nóg að gera að sjálfsögðu. Er á kafi í að sauma "Skrædder jakka" , þar sem allt er voða fínt og flókið og maður þarf að handsauma alveg slatta. owell.. Annars er ekki mikið að frétta, ég er alltaf jafn mikið að frjósa í húsinu mínu.. Dagur var næstum búin að fá pláss hjá geggjuðum ljósmyndara, en hann gat svo ekki fjárhagslega verið með nema... svo að.. en næstum!

Núna er Copenhagen Fashion Week, og eru þá tískusýningar úti um allt, stórskermir um alla borgina, fullt af fashion folks á götunum og svo allir hönnuðirnir og flottu fötin náttúrulega... Ég fer í smá "kampavíns boð" hjá einum hönnuði annað kvöld, svaka fancy. og svo er það brunch með stelpunum úr skólanum á föstudaginn og sjá allar tískusýningarnar.. brjálað stuð.. hlakka til!

En já, annars er bara nóg að gera auðvitað, mörg verkefni í gangi.. maður meikar ekkert og svo er allt í rústi hérna heima í kofanum.. en ég hlakka til vorsins! já og svo er nú líka allt að fara að stað í hausnum mínum með lokaverkefnið.. það þarf maður að undirbúa algjörlega sjálfstætt heima.. og svo byrjar allt á fullt í lok apríl.. svo er próf 18.júní og tískusýningin 25.júní.. crazycrazycrazy

Jæja, knús úr kuldanum ;)

Allir hér eru bara; ,, Svo að þið eruð komin með lesbískan forsætisráðherra?" ... öhm. já.. fólki finnst það mjög töff hér..

2009-01-21T15:55:00.002Z

VANHÆF RÍKISSTJÓRN !!!!

Ég mótmæli héðan frá! Ég er með ykkur!!! Nú þarf að farað gerast eitthvað!!

Þessir helvítis aumingjar eiga að farað skrifa nöfnin sín á legsteina og láta jarða sig!

Ég botna ekki í hrokanum í þessum gæjum!! Ef þeir væru hér í Danmörku þá væri búið að sprengja upp bílana hjá þeim öllum saman! FYRIR LÖNGU SIÐAN!!! Hvað er að?

Oj ég er í vondu skapi.

Hef samt nóg að gera. Skila verkefni á morgun. 2 kjólar. Hef lítið sofið í vikunni, saumað fram á nótt. Nú þarf ég að vera kreativ að teikna og búa til möppu... Skítkalt í húsinu! Er í 2 lopapeysum, slopp, ullarsokkum og inniskóm! Frost. en ekkert röfl.. út með ykkur að mótmæla!!!!!!!

Ég myndi mótmæla ef ég væri stödd á íslandi!!

Baráttuknús frá köben!

2009-01-14T18:17:00.002Z

Komin aftur í Baunalandið

Jæja þá verður maður að fara að láta heyra í sér aftur. Við komum til köben aftur á sunnudaginn sl. um kvöldið. Þá var byrjað að fara í 7-11 að kaupa sér samloku í kvöldmat, brauð og mjólk til að eiga heima.. Svo þegar heim var komið var húsið klakafrosið! Það var alveg ógeðslega kalt og byrjuðum við strax á því að botna alla ofna og kveikja upp í kamínunni.. svo var það bara 2 lopapeysur yfir hvoraðra og tvo lopasokka.. úff.. svo fór ég að læra..

Það var ekkert svo auðvelt að vakna í skólann daginn eftir, en það tókst.. En var ég ekki sátt með eitt atvik sem gerðist þar um morgunin.. eftir allan þennan kulda sem hefur verið hérna úti hefði maður nú haldið að öll dýr væru steindauð, en nei.. Þar sem Lísa er, þar eru köngulærnar..!!! Þegar ég kóm út af klósettinu hleypur ekki bara ógeðsleg könguló á móti mér en sér mig og snýr um á 180 og hleypur burt undir fataskápinn minn.. hún var svo fljót ég náði ekkert að drepa hana.. ojbara.. var ekki sátt með byrjunina á þeim degi.. þessi helvítis dýr eiga að vera dauð núna!

Wellwell.. Svo er bara allt farið á fullt í skólanum.. Ætla að gera 2 kjóla sem ég á að skila á fimmtudaginn í næstu viku.. svo ekki langur tími, en ég næ því alveg.. maður er að læra á hverju kvöldi, bara vera duglegur.

Jæja, hef ekki mikið meira að segja í bili. En mig langar alveg rosalega að þakka fyrir mig, það var æðislegt að hitta ykkur öll og gott að koma í heimsókn, og auðvitað frekar erfitt að þurfa að fara aftur.. Það er ekkert gaman að kveðja.. allsekki..

En ég er mjög ánægð með tímann sem ég var á íslandi =) og hlakka til að koma næst, hvenær sem það verður.. Vona að fólk fari ekki of ílla í kreppunni, hún er nú rétt að fara að byrja.. En ég hvet alla til að fara og mótmæla á Austurvelli á laugardögum. ég fór einusinni og finnst mér skömm ef fólk fer ekki að láta sjá sig þarna.. Það verður eitthvað að gerast þarna..og það gerist ekkert ef allir sitja bara heima hjá sér á rassgatinu að röfla yfir ástandinu, ÚT með ykkur!!!

Knús til ykkar allra :*

Lísa litla

2008-12-27T02:33:00.002Z

Erum á Íslandi

Ég ætla bara stutt að segja frá því að við erum nú komin á klakann, komum fyrir viku síðan og erum búin að hafa það æðislega gott hérna.

Jólin eru búin að vera yndisleg og fengum við alveg heilt fjall af jólagjöfum. =)

Nú er Tóbías vinur frá Þýskanlandi kominn og verður hér næstu 4-5 daganna og ætlum við að sýna honum Ísland.

Ég er með íslenska símanúmerið mitt hérna og má fólk endilega bjalla í mig. Við verðum alveg til 11.januar svo að það er alveg tími til þess að hitta slatta af fólki!

En já, annars er þá bara smá bloggpása á meðan við erum hérna heima..

Knús

Lísa

ps: endilega hringið ;o)

2008-12-14T19:16:00.004Z

Ég er að koma eftir 4 DAGA!!!!!!!!!!

Julefrokost - vinna- sauma - vinna- laga til - vinna- sauma- PAKKA !!!!!!!

Ég kem ég fimmtudaginn!!!

Það var Brjálað stuð á föstudaginn! Júlefrokost með skólanum, vondur matur, mikið áfengi, mikið stuð, mikið dansað!! =)

Lísa í jólastuði! ;)

knús!
SEE YA =)

2008-12-09T19:59:00.002Z

AÐEINS 9 DAGAR!!!!

Já! Halló! þetta líður hratt!!

Já. það er nú ekkert spennó í fréttum svosem.. lá seinustu 4 dagana heima í rúminu með tannvesen! Fór til tannsa á fimmtudaginn og þær sögðu bara, jájá, þetta er ekkert mál, borum og setjum fyllingu.. Svo heyri ég þær tala um Plan A og Plan B sín á milli.. og ég bara humm...? heyrðu svo segja þær bara Heyrðu vinan, skemmdin er búin að dreifa sér svo langt inní tönninni, þú verður að fá "Rodbehandling" NÚNA! e-ð í sambandi við rótina.. svo segja þær að þær geta ekki klárað þetta, eða hvað sem þær voru að gera, og setja uppí mig gervi fyllingu og segja mér að ég eigi að koma sem fyrst og fá tíma hjá eina karlmanns tannlækninum sem vinnur á stofunni, þar sem hann er víst sá eini sem getur framkvæmt þessa aðgerð..

Svo gáfu þær mér sterkar verkjatöflur og sögðu mér að taka þær um leið og deyfingin fer þar sem verkirnir gætu orðið miklir... ég bara.... já,... ókei... takk...?!

Svo að 2 dögum seinna, á laugardag, fór ég um morgunin til tannsa, ég var svo stressuð ég náði varla andanum, þar sem ég heyrðu hryllingssögur af þessu "rodbehandling" kvöldið áður..

Svo sest ég í stólinn, ég titraði öll af hræðslu.. svo kemur kallinn. Ég segi honum að ég hafi verið að velta því fyrir mér hvort það sé ekki auðveldari og kannski betra að taka bara tönnina!

Hann velti því fyrir sér, tók svo nákvæma röntgen mynd og sættist svo að lokum á hugmyndina mína, þar sem annars yrði þetta frekar mikil aðgerð á tönninni...

Svo fæ ég deyfingu og hann byrjað að slípa burt kantanna á tönninni.. svo kemur hann með hryllilega töng og ætlar að toga tönnina. Mér fannst ég finna til verkja svo að ég vældi e-ð, og fékk auka deyfingu.. svo var bara togað og togað en tönnin vildi ekki út.. frekar ógeðslegt...

Að lokum kom hún auðvitað út...

Svo sögðu þau mér að taka því rólega, gáfu mér fleiri verkjatöflur og létu mig svo borga 1100dkr fyrir þetta... !!!!

Þegar ég var næstum komin heim, var að stíga úr lestinni fór allt í einu allt að vera voðalega skrítið.. allt voðalega mjúkt og heyrði voða vel.. þegar ég var svo komin heim uppí rúm lá ég og ofandaði, með hjartsláttinn á fullu og var einsog ég væri á dópi.. ég var alveg drulluhrædd við þetta!! eg lá alveg heillengi og gat ekkert sofnað, var alveg í ruglinu! mjög óþægilegt..

Svo var það náttúrulega allt blóðið, flökurtleiki, hungurverkir, svimi og hausverkur.. alveg geggjað skemmtilegt...

EN þetta er búið, eða tönnin er allavega farin, búin að kosta mig 2000dkr, en ég á 2 litlar skemmdir eftir, sem á eftir að kosta um 2000 í viðbót.. stuð.. en mig langar bara svo að drífa þetta af og ekki hugsa um þetta meir!

Ógéðis tannlæknasögur..

Skemmtilegu fréttirnar eru þær AÐ ÞAÐ ERU BARA 9 DAGAR ÞANGAÐ TIL ÉG KEM HEIM!! Og ég er nú búin að kaupa flestar jólagjafir, svo er það bara pakka, klára að sauma kjólaverkefnið og vinna líklegast alla daga þangað til ég fer.. úps..

En ég hlakka svo að sjá ykkur öll rúsinukrútt!! =D

Núna ætla ég að fá mér meira Cocio og sauma! =)

knús

2008-11-30T19:09:00.002Z

18 dagar!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Nú fer aldeilis að styttast í þetta!!
Úff ég hlakka svo til!! Líka 1. í aðventu í dag! vei!

Var samt að vinna allan daginn.. opið alla sunnudaga núna náttúrulega.. Samt peningar!
Fékk ágætis útborgað núna, enda búin að vinna einsog brjálæðingur!! En stór hluti af laununum mínum mun fara í tannlæknakostnað!!
Ég fór nefninlega í frítt tjékk hjá tannsa til að fá að vita hvernig ástandið væri á tönninni minni.. og ég er með 2 skemmdir, bjóst við 12, en ók. en hún kom með svona yfirlit hvað allt heila klabbið mun kosta og er það 2500-4000 DKK!! ekki ókeypis þetta!
Og svo var pæling hvort það yrði ekki ódýrari að láta gera þetta heima um jólin.. en þá er líka annað, gæti verið að ég geti ekki beðið svo lengi.. tönnin mín er náttúrulega alveg í rusli og ef það brotnar meira af henni þá getur það orðið mjög slæmt!

Svo að ég verð bara að láta mig hafa það.. leiðinlegt að launin mín fara í e-ð svona.. en svona er nú það..

Annars var ég í Júlefrokost hjá bekkjarsystur minni og mætti bara meira en helmingurinn þangað og var borðað saman jólamat á danska vísu!
Svo þróaðist þetta bara í mjög skemmtilegt partý og að lokum var haldið niðrí bæ. Mjög skemmtilegt kvöld. Við komumst að því að við ættum að djamma meira saman við stelpurnar. Það finnst mér líka. Ég er nú samt að vinna allar helgar, svo að það er nú ekki alltaf beint í boði.. samt synd, skemmtilegt fólk!

En svo á ég eina hryllingssögu að segja líka!!! Þegar ég var heima í gærkveldi, ein, bara að hafa það kosí. Smurði mér svaka feita brauðsneið með smjöri og lifrakæfu og settist fyrirframan tölvuna og fór að borða.
Eftir svona 2 minutur sé ég ekki bara RISASTÓRA KÖNGÓLÓ SKRÍÐA ÞVERT UPP ERMINA MÍNA Á SLOPPNUM MÍNUM!!!!!!!!!!!!!!!!!! Ég fékk svo mikið sjokk að ég notaði brauðsneiðina til að kasta henni frá mér og hún lenti beint á lykjaborðinu á tölvunni og hljóp svo yfir það og týndist í draslinu á skrifborðinu!!!! Ég stóð og öskraði eins og brjáðlæðingur í nokkrar mínutur!!! Og fór svo að hágráta!!! ég var í svo miklu sjokki ég vissi ekkert hvað ég ætti að gera!! Svo reyndi ég að finna hana tilað drepa hana en hún var týnd!! Ég flippaði svo út ég vil ekki segja það!!

Hringdi í Dag uppí vinnu og hann gat róað mig aðeins niður og bauð mér að koma til sín. Ég lét ekki segja mér það tvisvar og flúði heimilið mitt!
Mér finnst þetta svo ógeðslegt og óréttlátt! Þessi helvítis kvikyndi eiga löngu að vera dauð og frosin í hel!! Anskotans ógéð. Svo dreymdi mig að sjálfsögðu bara matraðir í nótt!!

Ojbarasta. og ég veit ekkert hvort að svona Therapi myndi hjálpa.. en það er greinilegt að þetta er fóbía hjá mér, og ekki bara einhver smá. En þetta er bara gjörsamlega svo ógeðslegt. Svo finnst mér það líka svo leiðinlegt því þetta væri alveg ástæða fyrir mig að flytja héðan. Sem er synd því þetta er svo geggjað lítið hús sem við búum í.. en maður lifir ekki bara með verstu fóbíuna sína í húsinu sínu..

úff.. meika ekki að hugsa um þetta meira..

góða aðventu ;)

jólaknús frá köben

2008-11-25T19:24:00.001Z

Hvað er ást í hugum ungra barna?

Gefðu þér 3 mín. til að lesa þetta. Það er alveg þess virði. Fagfólk lagði spurninguna fyrir hóp af 4 – 8 ára börnum, "Hvað þýðir Ást?"

Svörin voru fjölbreyttari og dýpri en nokkurn grunaði. Hvað finnst þér?:

'Þegar amma mín fékk liðagigtina gat hún ekki

beygt sig niður til að lakka táneglurnar lengur.
Svo að Afi minn gerði það alltaf fyrir hana jafnvel

eftir að hendurnar hans fengu liðagigt líka. Það er Ást.'
Rebekka 8 ára

'Þegar einhver elskar þig, segja þeir nafnið þitt öðruvísi.
Þú bara veist að nafnið þitt er öruggt í munninum á þeim.'
Billy – 4 ára

'Ást er þegar stelpa setur á sig ilmvatn og strákur setur á sig rakspíra

og þau fara út og lykta af hvort öðru.'
Karl – 5 ára

'Ást er þegar þú ferð út að borða með einhverjum og hann gefur þér frönskurnar

sínar án þess að láta þig gefa sér nokkuð af þínum eigin.'
Chrissy – 6 ára

Ást er það sem lætur þig brosa þegar þú ert þreytt.'
Terri – 4 ára

'Ást er þegar Mamma gerir kaffi handa Pabba,og hún tekur sopa áður en hún gefur honum það til að vera viss um að bragðið sé í lagi.'
Danny – 7 ára

'Ást er þegar þið kyssist öllum stundum. Síðan þegar þið eruð þreytt á að kyssast viljið þið enn vera saman og tala meira.
Mamma mín og Pabbi eru þannig. Það er ógeðslegt þegar þau kyssast'
Emily – 8 ára

'Ást er það sem er með þér í stofunni á Jólunum ef þú stoppar að taka upp gjafirnar og hlustar.'
Bobby – 7 ára (Vaá!)

'Ef þú vilt læra að elska meira skaltu byrja á vini sem þú hatar,'
Nikka – 6 ára
(við þurfum nokkrar milljónir af Nikkum á þessa jörð)

'Ást er þegar þú segir strák að þér finnist skyrtan hans falleg,

og þá gengur hann í henni alla daga.'
Noelle – 7 ára

'Ást er eins og lítil gömul kona og lítill gamall maður sem eru

enn vinir jafnvel eftir að þau kynnast hvort öðru svo vel.'
Tommy – 6 ára

'Þegar ég var með píanótónleikana mína, var ég á sviði og ég var hrædd.

Ég leit á allt fólkið sem horfði á mig og sá Pabba minn veifa og brosa.

Hann var sá eini sem gerði það. Ég var ekki hrædd lengur'
Cindy – 8 ára

'Mamma mín elskar mig meira en nokkur annar.
Þú sérð engan annan kyssa mig góða nótt á kvöldin.'
Clare – 6 ára

'Ást er þegar Mamma gefur Pabba besta hlutann af kjúklingnum.'
Elaine - 5 ára

'Ást er þegar Mamma sér Pabba illa lyktandi og sveittan

og segir enn að hann sé myndarlegri en Robert Redford.'
Chris – 7 ára

'Ást er þegar hvolpurinn þinn sleikir þig í framan

eftir að þú skildir hann eftir einan allan daginn.'
Mary Ann – 4 ára

'Ég veit að stóra systir mín elskar mig vegan þess hún gefur mér

öll gömlu fötin sín og verður að fara í búðina og kaupa ný.'
Lauren – 4 ára

'Þegar þú elskar einhvern, fara augnhárin upp og niður

og litlar stjörnur koma út úr þér.' (þvílík sýn)
Karen – 7 ára

'Þú ættir ekki að segja "Ég elska þig" nema þú meinir það.

En ef þú meinar það áttu að segja það oft. Fólk gleymir.'
Jessica – 8 ára

Og að lokum:

4 ára gamall drengur átti gamlan herramann að nágranna sem hafði nýlega misst konuna sína.
Þegar hann sá gamla manninn gráta, fór litli drengurinn inn í garð herramannsins, klifraði upp í kjöltu hans og bara sat þar.

Þegar móðir hans spurði hann hvað hann hafði sagt við gamla manninn svaraði hann: "Ekkert. Ég bara hjálpaði honum að gráta"

Það er fyrst þegar ekkert er eftir nema Guð, að við gerum okkur ljóst að Guð er allt sem við þurfum.

Förum með örstutta bæn í huganum fyrir hvort öðru og höldum hamingjusöm og full ástar út í lífið.

Ég fékk þetta email frá frænku minni Guðný og mér fannst það svo sætt ég ákvað að skella því hérna inn.. =)

2008-11-21T19:34:00.002Z

4 vikur!!! =)

Jáajá. í fréttum eru helst; veikindi.. er nýstigin á fætur, var veik alla síðustu helgi, hálsbólga, kvef hausverkur og beinverkir. allur pakkinn bara. Núna, rúmri viku síðar, er ég enn að berðast við kvefið, mjög pirrandi að vera svona stíbblaður..

En já, annars erum við byrjuð á nýju verkefni í skólanum, það er galaklæðnaður, flestar ætla að gera síðkjóla held ég, en ég er búin að ákveða að gera stuttan kjól. Við áttum að velja okkur byggingu sem inspiration og sýna það skýrt í flíkinni.. ég var í 4 daga í veikindunum að velta fyrir mér fullt af byggingum en ákvað svo bara í mjög spontant Chrystler building í New York. Og þar sem sú bygging kemur alltaf fyrst í introinu í þáttunum Sex and the City, ákvað ég að hafa kjólinn líka pínu "Carry- inspired", og ætla þessvegna að hafa hann stuttan líka.

Annars er maður bara að vinna alla daga.. líka helgina, laug+sunnudag.. maður þarf á peningunum að halda. Annars er Dagur líka duglegur að taka myndir og hefur verið með nokkra kúnna. Parið sem kom með nýfæddu telpuna sína var svo rosalega ánægt að þau komu með stóra rauðvínsflösku og súkkulaði sem þakkir þegar þau sóttu útprentuðu myndirnar! Gaman að því. Kallinn er að standa sig í þessu! =)

Jæja, svo er það smá bjór og pizza hérna í kvöld, Dagur er með Gunna vin sinn í heimsókn. Gaman að fá fólk hingað. Erum ekkert búin að fá gesti í litla kofann okkar :)

Jábs, svo eru það bara 4 vikur eftir!! get ekki beðið!! gjörsamlega get það ekki!! ;P

Knús og kossar

Lísa

2008-11-12T18:47:00.002Z

5 vikur!!!

Nú er ég búin að kaupa 2 jólagjafir! Jeij!
Það er búið að skreyta Illum og aðeins í Magazin. Það er svoo flott það er alveg ótrúlegt! Maður kemst strax í svona jóla-tilhlökkunarfíling þegar maður labbar inn í Illum. Þar ljómar allt hreinlega. Yndislegt! Svo er restin að borginni öll að koma! En þegar það er búið að skreyta Kongens Nytorv og Nyhavn þá eru komin jól! Það er alveg breathtaking fallegt að sjá höfnina í jólaljósum.. get ekki beðið! =)

Annars er ekki mikið að gera í skólanum þessa vikuna. Erum í "Advancered tilskæring" sem þýðir um það bil- flókin sníðagerð. Erum að læra það allra flóknasta, flottasta, og skrítnasta.. sem er ekki notað mikið, en verður að vera með til að gera föt sérstök.

Í dag vorum við reyndar í teikningu og áttum að hanna herra fatalínu fyrir vetur 09-10, á einum degi!! Það var ekkert smá erfitt!! Maður var alveg tómur í byrjun en svo kom þetta smátt og smátt.. við fengum eina A4 síðu með allskonar myndum og áttum að velja eitthvað út frá henni sem inspiration. Ég gerði svona mjög Japanska Herrafatalínu. baggy-pants, hettupeysur, skrautlegar skyrtur og allt soldið litríkt., mjög Japan Streetstyle'ish ... mjög gaman samt að prufa þetta, fysta skiptið sem ég er að hanna herraföt. og kennaranum leist alveg vel á þetta. Honum fannst líka mjög gaman að vera kvikyndi við okkur stelpurnar og láta okkur fá svona verkefni, en hann er sjálfur hönnuður um þrítugt og mjög hress gæji.

Jæja núna er ég að hita kjúklingaleggi í ofninum, 4 lítil stykki. Dagur er á kvöldvakt þessa vikuna svo að ég borða bara litla skammta í kvöldmat. ;)

Jess.. gott í bili...
....................................fyrirutan............................... soldið.....

Ég þarf að fara til tannlæknis!!! =(
ég vissi að ég væri með smá skemmd í einni tönninni minni, en er aldrei með tannpínu.. EN síðustu helgi brotnaði stykki af tönninni-þar sem holan er!!!!
Og nú veit ég að ég get ekki dregið þetta lengur.. En sjitt!!! ég hef bara engan veginn efni á því að fara til tannlæknis hérna núna!!! einmitt rétt fyrir jól!! Ömurlegt! Ég fékk númer hjá 2 tannlæknum bekkjarsystra minna í dag en ó gvuð ég þori ekki að hringja og panta tíma! Ég þooli ekki að fara til tannlæknis!! Sérstaklega þar sem ég veit að ég er allavega með 2 skemmdir og tönnin þarna gæti verið dauð- svo það þarf að taka hana!! :s ...... =(

not very happy about that..... :/

annars kveðja og knús
Lísa

2008-11-10T20:35:00.002Z

38 dagar

Já það styttist í heimferðina! aðeins 5 og hálf vika! Ótrúlegt hvernig tíminn líður! Samt á ég alveg eitt erfitt verkefni í skólanum, sem tekur s.s. 4 vikur. Það er semsagt svona samkvæmiskjóll.. alveg svaka læti.. en það verður bara gaman!

Ég átti alveg ágætis helgi. Á föstudaginn kom jólabjórinn út í Danmörku og þá fara allir danir í bæinn að drekka jólaölið! Við máttum nú ekki missa af því svoað ég fór heim eftir vinnu að skipta um föt og hitti svo Daxa í bænum og svo vini hans.

Tuborg jólatrukkarnir keyrðu um bæinn, fullir af bláum jólasveinum og sveinkum sem voru að keyra á milli barinna og gefa jólabjór! Algjör snilldar hefð! Við keyptum okkur nú bara jólabjórinn í 7/11 þar sem hann er fáranlega dýr á börunum. Hann smakkaðist bara mjög vel! Við vorum nú ekkert lengi í bænum, enda þurfti að passa pínu upp á mig því ég var að fara að vinna daginn eftir..

Svo eftir vinnu á laugardaginn fórum við í mat hjá Niels og Tove, nágrannar okkar sem eiga húsið. Þar fengum við alveg æðislegan mat! Steiktar kantarrellur í rjóma sem forrétt, nautakjöt með allskonar meðlæti, þar á meðal grasker úr garðinum sem var æðislega gott! og svo ís og exotíska ávexti í eftirrétt. Góður matur og gott spjall. Æðisleg hjón. Mjög fyndin líka.

Jæja já, svo eru komnar jólavörurnar í flestar búðirnar. Ég var líka að taka upp jólavörur í búðinni um helgina.. mig langar svo að fara að skreyta hérna heima og hlusta á jólalög! En þar sem Dagur bannar mér að setja á jólalög fyrir 1.des, og við eigum ekkert jólaskraut, þá er það frekar erfitt.. er samt búin að skoða allskonar jólaskraut í Tiger og Söstrene Grene og ætlum við kannski að splæsa í e-ð smotterís jólaskraut, það verður nú að vera pínu huggó hérna! =)

En jæja, nóg í bili!

=)

2008-11-06T22:35:00.003Z

6 vikur!!!

Í dag skilaði ég verkefninu mínu, fatalína fyrir fyrirtæki. Þetta var alveg heljarinnar vinna á bakvið þetta. Vann að möppunni konstant i viku, og áður náttúrulega allt konseptið. Svo aðfaranótt miðvikudags var ég til klukkan 5 um morguninn til þess að reyna að klára möppuna. Því að á miðvikudaginn þurfti ég að fara í bæinn til að láta prenta hana fyrir mig, og svo nota miðvikudagskvöldið til að setja hana saman. Það tókst allt saman. Skilaði möppunni í dag og fékk góða dóma. Er sjálf mjög sátt við útkomuna, líka vegna þess að þetta er í fyrsta skiptið sem ég set alla möppuna saman í tölvunni og læt prenta fyrir mig, í A3 stærð.

Núna er verið að halda upp á þetta með rauðvín og ostum.. namm.. Gott rauðvín sem við fengum gefins um daginn og góður franskur Brie, sem var á tilboði í Føtex ;)

Gott að geta slappað af í smá tíma og ekki hafa eitthvað verkefni hangandi yfir sér!

Þó að ég sé mjög mikið að pæla í jólagjöfum undanfarið og hangir það mjög yfir mér, og mun að sjálfsögðu gera það þangað til ég er búin að finna gjafir handa öllum!

En já annars eru akkúrat 6 vikur í dag þangað til ég kem heim! Hlakka mjög mikið til að komast á klakann þetta skiptið!

En núna ætlum við Dagur að fara að spila Yatzy og hafa það kozy!! =)

knús á klakann ;o)

2008-10-31T20:40:00.002Z

7 vikur þangað til ég kem heim!!! =)

Jæja. Ekkert merkilegt svosum gerst í vikunni. Fór ekki í skólan í gær því ég var drullu slöpp. Píndi mig allan miðvikudaginn en var alveg að drepast í hausnum, var með hita og flökurt, svona mígrene einkenni má segja. Er betri í dag en samt smá hausverkur ennþá. En það þýðir ekkert að pæla í því.

Er búin að vera að að gera vinnuteikningar í tölvunni síðan að ég kom úr skólanum. Þetta er fyrir fatalínu-verkefnið sem á að skila á fimmtudag í næstu viku. Þessar vinnuteikningar eru alveg svakalega mikilvægar og er eins gott að vera bara drullu góður í þeim. Í öllum stóru tískufyrirtækjunum eru bara teiknaðar vinnuteikningar af öllum flíkum, en ekki það sem heitir tískuteikningar.. Mér finnst þær samt alltaf skemmtilegastar að teikna.. ;o) Þar getur maður flippað soldið og sýnt hvað maður getur, en vinnuteikningarnar eiga að vera svo nákvæmar og akkúrat og ekkert flipp í því að sjálfsögðu.

Við fórum í heimsókn í fyrirtæki sem heitir IC Companies, sem eiga mörg tískufyrirtæki, eins og t.d. InWear, Marlene Birger, Designers Remix og mörg fleiri. Og fengum við að tala við Chef-designerinn hjá Matrinique, sem er herrafatalína. Mjög töff og lærðum margt að því að fá að heyra hvernig þetta er allt gert í alvöru Í STÓRA HEIMINUM.

Svo var bossinn minn í vinnunni að segja að hún vildi endilega að ég myndi hanna meira með henni, ekki bara aukahluti heldur líka föt, kjóla og s.fr.v.. sem er bara mjöög gott fyrir mig og er ég mjög ánægð með það. =)

En ég er líka að vinna mjög mikið.. Það verður að vera, til þess að geta lifað hérna.. En við erum ekki að svelta! No worries! Það er bara sparað mjög vel á öllu, eldum og frystum og svoleiðis. Sniðugt og ódýrt. En ef maður pælir í því að þá er rosalega dýrt að kaupa sér mat. Ef ég kaupi mér jógúrt í hádegismat þegar ég er í skólanum eða vinnunni þá er það alveg um 6,5 dkrónur.. Og ég hef aldrei pælt í því að jógúrt sé matur sem er dýr, en mér finnst það bara núna verð ég að segja. 5-7 krónur bara fyrir svona lítið jógúrt.. En já, ég spara líka mjög mikið alltaf aðra hverja viku, þegar Dagur er á kvöldvakt. Þá kemur nefninlega oft fyrir að ég fæ mér engan kvöldmat, eða þá bara brauð , eða e-ð úr frystinum. Það er mjög sniðug leið til þess að spara, og þetta eru náttúrulega 2 vikur í mánuði! ;)

Eitt er líka alveg á hreinu. Ekki mun ég bæta á mig einu einasta grammi! Hehe, en það er svosem fínt. Svo lengi sem ég grennist bara ekki. En þá get ég kannski notað korselettið um jólin sem ég saumaði í ágúst. Það er nefninlega alveg hræðilega þröng, og á náttúrulega líka að vera það! En já, þetta er stuð. Vinna á morgun allan daginn og svo nota kvöldið og sunnudaginn tilað gera teikningar. Dagur er á Rauða Kross námskeiði alla helgina svo ég ætti að geta einbeitt mér fullkomlega að því.

Jæja núna er komið nóg í bili. Þetta var aðeins lengri blogg en síðast, svoað Kristín nú geturu kommentað aðeins meira! ;o)

Luv frá Lisu

2008-10-28T21:43:00.002Z

Icelanders are NOT terrorists!

Ég kvet alla til þess að skrifa undir á þessari síðu: www.indefence.is og sendið "póstkort" líka ef þið nennir. Margir búnir að senda.

Annars er bara allt sæmó í fréttum. Nóg að gera í skólanum og vinnunni að sjálfsögðu. Verkefnaskil í næstu viku.. það verður stressstressstress. eða svona líklegast.. Fatalínan er ákveðin, seinustu efnin að skríða saman en litaval stendur erfitt eftir... nei, nú er ég að ljúga. það er þú það sem er þokkalega auðveldast fyrir mig.. á bara eftir að velja detail-colour..

Í gær áttum við Dagur "afmæli". 3 ár trúlofuð! Tíminn er fljótur að líða. Mér finnst svo stutt síðan að við trúlofuðumst.. En já. það var nú ekkert haldið neitt fancy upp á það. fjárhagurinn leyfir það ekki beint. Svo að við borðuðum gamalt lasagna, sem við hituðum upp, en það var svo mikið frost-vatn í því að ég eiginlega gat ekki borðað það. En svo fórum við í bæinn í göngutúr og tókum aðeins myndir.. settumst svo á kaffihús og fengum okkur einn kaffi og kökusneið. Mjög kózý. =)

Svo fer vikan bara í það að vinna, bæði ég og Dagur, og teikna fram eftir kveldi...

En já núna ætla ég að læra..
munið að skrifa undir á www.indefence.is og látið ganga.

2008-10-23T18:41:00.002Z

þreyta hvað?!

Jæja já. við erum byrjuð á fullu í nýja verkefninu í skólanum. Valdi mér fyrirtæki, 'Soaked in luxury' heitir það. Það er svona ágætlega vel vandaðar tískufatnaður með markhópinn kvk frá 25ára. En markmið fyrirtækisins er að hafa verðlagið ekki of hátt eins og er nú á öllum stöðum ef maður ætlar að kaupa sér flott design. En ég er bara byrjuð að skyssa og velja mér þema, sem er eldgamla bíómyndin My Fair Lady, með Audrey Hepburn. Æðisleg mynd, æðislegir kjólar, æðislega fyndin. =)

En ég er samt búin að vinna alla daga eftir skóla og er ég farin að finna fyrir mikilli þreytu núna. Meira að segja komin með bauga! Það hefur nú ekki gerst áður! En þetta eru náttúrulega langir dagar, í skólanum frá 9-14:30, vinna kl. 15-19, taka lestina -komin heim rétt fyrir átta, borða kvöldmat. Svo er klukkan bara að verða níu og þá á ég eftir að gera slatta fyrir skólann. Og núna bætist líka á undirbúningur fyrir tískusýninguna okkar sem er næsta vor.

Í gær fór ég t.d. á fund Eftir vinnu með 2 stelpunum úr bekknum og grafískum hönnuði, ég er semsagt í "Grafík-grúppunni" sem þýðir að við sjáum um lúkkið á Plakötum, miðum, bæklingunum, flyerum og fleiri hlutum.. Svo núna þarf ég að taka saman það sem við komumst að á fundinum, skrifa niður og senda á allar bekkjarsysturnar.. svo þarf ég líka að skyssa fyrir skólan og fleira... en ég nota tímann til þess að blogga.. hehe.. svona er þetta alltaf..

En nú er klukkan níu, ég hef alveg 2 klukkutíma þangað til ég dett í sundur af þreytu.. en Dagur var að koma með kaffibolla til mín svo að ég helli bara smá koffeíní í mig. Svo eldar hann líka næstum alltaf kvöldmatinn.. hann er er svo duglegur ég fæ alveg samviskubit. :P

En já, það er líka vinna á morgun eftir skóla og allan laugardaginn.. og næstu viku líka slatta.. þetta er eina leiðin til þess að lifa af.. ekki getum við millifært pening.. Verð að vinna eins mikið og ég meika.. Það er reyndar búið að vera fínt uppí vinnu.. Hef breytt öllu í búðinni, stillt upp öllum nýju vörunum og gert þetta allt mjög huggulegt, alein semsagt. Og hef bara fengið hrós, svo að þetta hlítur að vera í lagi þetta sem ég er að gera. Svo var ég líka að hanna svona klúta, eða trefla-slæður, veit ekkert hvað maður kallar þetta á íslensku.. en you get the point. og er gellan ekki bara búin að senda sniðin strax á saumastofuna takkfyrir! Það verður spennandi að sjá hvernig þetta kemur út!

En jæja, nóg komið í bili.

Vona að kreppan sé ekki að fara of illa með ykkur... ;)

2008-10-19T18:35:00.003Z

Warwick Avenue

Jæja. nóg komið af neikvæðu þunglyndis bloggi. Taskan mín hefur ekki fundist enn og krónan er ekkert á leiðinni að lagast en Fuck it. Ég er á lífi og sólin skín, eða hún gerði það í dag allavega. Haustið hérna úti er enn og aftur mjög fallegt tímabil. Eins og í fyrra eru tréin byrjuð að falla gul og rauð lauf og eru allir vegir og stígir teppalagðir af litríkum laufblöðum. Mjög fallegt að sjá í morgunsólinni.

Við Dagur skruppum til Noregs að heimsækja pabba hans í Stavanger síðustu helgi. Hann kom nú reyndar fyrst fjúgandi til Köben til þess að "sækja okkur",svo ég geti fengið að fljúga frítt. Ég hafði aldrei komið til Stavanger áður, en oft til Noregs þegar ég var lítil telpa. Þar sem mér fannst eiginlega fyndnast við þennan bæ var hvað hann minnti mig mikið á Hafnarfjörðinn, heima á klakanum. Einhverja hluta vegna fannst mér allt minna mig á hann, nema þar voru tré, sem finnast náttúrulega ekki á íslandi, sem mér finnst mikil synd...

En Stavanger er virkilega fallegur bær og gæti ég svosem alveg hugsað mér að búa þar. Miðbærinn er krúttlegasti miðbær sem ég nokkurntímann hef komið í! Göturnar eru allar pinkulitlar og þvers og kross og maður veit ekkert hvaða verslun er bakvið næsta horn!

Annars einkenndist ferðin aðallega af góðum mat, göngutúrum og afslöppun. Sem við virkilega þurftum á að halda. Æðislegt að fá að sofa út og bara labba niður og beið morgunverðar hlaðborð eftir manni þar.

Við komum aftur heim á mánudeginum fyrir viku og var ekkert annað en unnið í haustfríinu. Maður verður að gera sem mest af því til þess að geta lifað hérna. Ekki getur maður nú notað peninginn sinn sem liggur heima í bankanum.

En á morgun byrjar skólinn aftur og nýtt og spennandi verkefni. Það er fatalína sem við eigum að hanna útfrá fyrirtæki sem er til í alvörunni. Sem sagt að hanna fyrir haust '09 alveg eins og maður sé hönnuðurinn í fyrirtækinu. Og þetta á allt að vera brjálað professional og hlakka ég mjög til að læra þetta allt.

Svo er ég líka farin að hlakka svolítið til jóla. Já ég er btw búin að bóka ferðina heim!! =D Flýg heim 18.des(þegar Dagur á afmæli) og tilbaka til DK 11. janúar. Svo að þetta verður frekar löng heimsókn og mun ég missa af fyrstu vikunni í skólanum. En mér finnst það bara algjörlega þess virði! Ef ég sé fjölskyldu mína bara 1 sinni á ári þá ætla ég að vera eins lengi hjá þeim og ég kemst upp með.

En jæja veriði sæl að sinni. =)

2008-10-07T21:23:00.003Z

..ekki hægt að treysta neinum í þessum heimi..

Töskunni minni stolið og heimurinn að fara til fjandans....

Var að vinna á mánudaginn. Fór úr skólanum 14:30 með fulla skólatösku með dóti og aðra tösku fulla af efnum og hálfsaumuðum jakka.

Mætt uppí vinnu kl.15:05. Fór strax að afgreiða nokkra kúnna. Lítið að gera en samt nokkrir kúnnar sem þarf að spjalla við..

Kl.15:45 ætla ég að ná varasalva í töskuna mína og finn hana ekki. Fattaði ekki alveg hvert ég hafði sett hana en þarf að farað afgreiða kúnna..

Stuttu seinna fer ég að leita að töskunni út um alla búðina og skil ekki hvað er í gangi.

Þegar ég finn hana ekki fer það að renna upp fyrir mér að það gæti einhver hafa stolið henni en vill ekki trúa því strax. ..

Húsvörðurinn gengur framhjá og ég kalla á hann. Segi honum að töskunni minni hafði verið stolið en ég hafði ekki hugmynd hvenær eða hvernig það gerðist.

Hann fer strax um allt mollið að leita.

Þegar ég geri mér grein fyrir öllu sem var í töskunni leið mér virkilega ílla.

Taskan var horfin og með henni allt. bókstaflega allt sem ég þarf.

Ég hringdi og lét loka báðum dönsku kortunum mínum sem voru í töskunni og hringdi svo í lögguna og tilkynnti að tösku minni væri stolið.

Allir í verlsunum í mollinu hjálpuðu mér að leita og reyndu að hughreysta mig með því að í Danmörku er fólk mjög duglegt við að skila inn hlutum sem þau finna á götunni til lögreglunnar... svo það er eina einasta vonin mín að þjófurinn hafi hent töskunni minni á þannig stað sem hún mögulega sjáist...

Það sem var í töskunni minni:

-Efni fyrir jakkann sem ég er að sauma og á að skila núna á föstudaginn

-peningaveskið mitt : DK-kort, MasterCard, 2 íslensk debet kort.danskt sjúkratryggingarkort, evrópskta sjúkratryggingarkortið, skólaskirteini, nokkur meðlimakort, kvittanir, gamlar passamyndir, frímerki, nafnspjöld og fleira... ásamt u.þ.b. 5-7 danskar krónur.....

-teikningar og skyssur, 2 mánaðar vinna

-allir pappírar frá skólanum

-skóla verkefni

-Dagbók með vinnutímunum mínum frá miðjum september ásamt mörgum mikilvægum dagsetningum..

-vinnuskór

-peysa

-snyrtidót

-ofnæmistöflur

-pennaveski með rándýrum pennum og sérstökum tússlitum (60dkr stykkið!)

-súkkulaði

-nestisbox

og örugglega fullt af ómerkilegu smádóti...

ALLT þetta er einskis virði fyrir þjóf, en allt mikils virði fyrir mig...

ég er svo sár og svekkt og reið... ég get ekki skilið hvað fær fólk til þess að stela..

Þá hefði hann/hún mátt stela allt úr helvítis búðinni eða ræna úr kassanum.. en að fara á bakvið afgreiðsluborðið og teygja sig í níðþunga og risastóra skólatösku starfsmanns.. það bara get ég ekki skilið..

Ég og Dagur löbbuðum í rúman klukkutíma eða meira um Vesterbro þegar ég var búin að vinna og kíktum í allar ruslatunnur, öll horn, öll port, undir og í allt. En mér var svo íllt í fótunum að ég gat ekki gengið meira. vár náttúrulega með aukaskó í töskunni minni.. en það var líka svo mikið myrkur svo við fórum heim og ég sat allt kvöldið vonlaus uppí rúmmi með tárin í augunum...

Ekkert annað en ömurlegt.. hef ekkert meira að segja.. nema, það er ekki hægt að treysta neinum í þessum heimi lengur...

Heimurinn er að fara til fjandans..

(ég er ekki að deyja úr þunglyndi hérna, ég er bara svo sár...)

2008-09-30T20:45:00.005Z

Danska krónan 20!

Þegar ég hugsa um hvernig gengið er orðið í dag verð ég rosalega reið. Reið útí Ísland, reið út í íslenslendinga og reið út í helvítis íslensku krónuna. Þetta er bara hætt að vera fyndið.

Þegar ég var að velta því fyrir mér að fara í nám í Danmörku fyrir 2 árum síðan kostaði það 1,5 milljón og mér fannst það nú mikill peningur. En eins og sagt er, er nám fjárfesting, fyrir lífið.
Námið mitt kostar í dag 3 milljónir. Tvöfalt meira. Og þetta þarf ég að borga til baka til LIN alla mína ævi, bara vegna þess að **** íslenska krónan féll.
Ég hugsaði allataf að ég myndi farai í áframhaldandi nám eftir þetta. Ég vissi ekki nákvæmlega hvað það yrði, en maður tímir því nú ekki núna.

Ef ég og Dagur værum ekki bæði að vinna núna, með skóla, og þjéna danskar krónur, veit ég ekki hvernig maður færi að. Ég ætlaði nú að fara að minnka vinnuna og hætta eftir jól svo ég geti einbeitt mér meira að skólanum en ég geri það ekki með þessu framhaldi...

Besta ákvörðun sem við Dagur tókum saman í vor var að hann myndi hætta í lífefnafræði og fara að vinna á spítalanum. Ef hann hefði haldið áfram í þessu námi veit ég ekki hvernig hlutirnir myndu líta út hjá okkur núna.

Ég bara spyr mig hvað ef þetta heldur bara áfram?

Mér verður bókstaflega flökurt við tilhugsunina.

2008-09-28T12:43:00.003Z

Drømmekage

Voðalega er maður orðin latur við að blogga. Enda er nú alltaf nóg að gera svo sem. Fyrir viku skilaði ég korselettinu í skólanum. Það gekk bara mjög vel og betur en ég bjóst við. Ég endaði á því síðasta daginn að kenna hvernig maður ætti að sauma síðustu skrefin, þar sem ég var pínu á undan hinum. Mér fannst þetta reyndar bara mjög sniðugt því nú er ég 100% klár a því hvernig maður saumar korselett, sem er nú ekki það einfaldasta í heimi. Stálstífur, túbubönd, 3 lög af mismunandi efnum eða fleiri og það er einsgott að hafa öll snið á hreinu. Míllimeter skiptir sköpum!

Svo á föstudaginn voru skil uppí skóla og teknar myndir af okkur. Það var nýji ljósmyndarinn og heimasíðugerðarmaðurinn hann Dagur Snær. Hann er núna í meira sambandi við kennarana mína heldur en ég. Ótrúlega fyndið, en satt!

Um kvöldið hélt Kaia bekkjarsystir svona innflutningspartý með Sirkus-þema og fór ég klædd sem "Tropical Bird". Hinar stelpurnar voru í fyndnustu búningum sem ég á ævi minni hef séð, og erfitt að lýsa, svo að ég ætla bara að sleppa því. Ef e-r er með danskt sjónvarp og hefur séð auglýsingarnar frá Squash, þá voru þær semsagt einsog gæjarnir; "Squash-buddies". En þetta var líka hið skemmtilegasta partý bara! Fuullt af fólki og 95% í búningum! Þeir sem ekki voru í búningum fóru yfirleitt fljótt því þeir voru svona "útundan" hehe..

Núna er ég byrjuð á nýju verkefni sem er sportjakki, eða Parkajakki, ef fólk veit hvað það er. Og eru 2 vikur eftir af því og svo er Efterårsferie! Það er semsagt hausfrí í eina viku og erum við að spá í að heimsækja pabba hans Dags í Noregi! Þar getum við þá slappað af í eina góða helgi. Þangað til verður bara skóli stress og vinna.

Í dag á ég reyndar frí. Frá vinnu og skóla. Fyrsta skipti í langan tíma og er ég að njóta þess að slappa af og gera ekki neitt. Ég reyndar bakaði köku í gær eftir að ég kom úr vinnunni! Ég fór í nettó og gat ekki annað en keypt þetta fallega Drømmekage mix sem var á tilboði uppí hillu, sem er semsagt Sjónvarpskaka eða eitthvað í þá áttina.mjög góð allavega! Svo að í gærkveldi og í dag er ég bara búin að háma í mig köku, kexi, nóa kroppi og kaffi. Hef allavega fengið matarlystina aftur! Hef verið fáranlega lystalaus seinustu mánuði og þar af leiðandi líka grennst, sem er neikveitt í mínu tilviki. Ég hefði samt fáranlega mikið vilja fá einhvern í kaffi og köku til mín, mömmu og pabba, ömmu, stelpunum.. úff.. hef alveg soldið saknað fólksins undanfarið. Get ekki beðið eftir að komast heim um jólin. Þó ég sakni íslands í sjálfu sér ekki neitt, þá er það bara fjölskyldan og vinirnir.. bara það að geta ekki skotist til ömmu í kaffi eða morgunmat hjá mömmu og pabba... og kaffihús með stelpunum.. úff..

En það er ekkert hægt að gera í því. Maður verður bara harðari og harðari, steinn.enda sem grjót. hehe..þannig er það bara.. maður venst þessu. Enda ekki annað hægt. Við erum nú hvort sem er ekki að farað flytja til íslands næstu áratugina. Ef við flytjum nokkurntímann aftur til islands. Það verður bara að koma í ljós. Eins og er sé ég, og við, það ekki fyrir mér, enda hef ég vinnulega séð ekkert að gera þar. ..

jæja núna ætla ég að fá mér meiri köku og horfa á mjög skemmtilegan brúðkaupsþátt í sjónvarpinu og stelpast. Dagur er bara búin að vera á námskeiði hjá Rauða Krossinum alla helgina, fra 9 til 9! En hann er að fá fullt af kökum og nammi að borða þar líka svo ég vorkenni honum ekki neitt ;P

Jam, við heyrumst folks!

knús frá køben

2008-09-14T16:22:00.000Z

Langt síðan já. Margt gerst..

Stelpurnar mínar voru í heimsókn hérna hjá mér fyrir viku. Þær komu á fimmtudeginum, 4/9 og fóru á miðvikudeginum næstum viku seinna. Þetta var alveg frábært að fá þær í heimsókn. Ég bara sakna þeirra meira núna en ég gerði áður.. :‘( Húsið var alveg í rústi og sólarhringnum var algjörlega snúið á hvolf, en þetta var bara æðislegt! Á föstudeginum komu mér stelpurnar á óvart með þemakvöldi, sem var semsagt „ljótu-fata-djamm“ og vorum við allar í skrautlegum kjólum með fjaðrir og einstaklega hallærislegar semsagt. En djammið var alveg frábært! Við komum heim um hálf átta næsta morguninn.. hehe.. allir í lestinni á leiðinni í vinnunna, nýkomin úr sturtu og fín. En við í brjáluðum búningum ílla lyktandi komandi heim úr bænum.. þetta hefur ekki gerst í möörg ár hjá mér. Enda getur maður þetta heldur ekki beint oft.

Jájá svo var tekinn einn dagur í að versla og fara fínt út að borða og svo fórum við líka í dags-ferð til Svíþjóðar, Malmø. Það tekur 35min með lestinni héðan. Mjög fallegur bær. Alveg varð ég skotin í honum.

Jájá, svo er ég á fullu í skólanum að sauma korselett núna. Soldið flókið fyrirbæri, en þetta gengur. Á að skila á föstudag. Þá er líka innflutnings-grímu partý hjá Kaiu bekkjarsystur, það verður líka skrautlegt held ég. =)

Svo bara styttist í jól og maður er farin að pæla í ýmsu hérna.. flugmiði heim, jólagjafir o.s.fr.v..

En núna ætla ég að halda áfram að sauma og vinna smá auka hérna heima með korselettið svo að þetta gangi allt smooth fyrir sig í vikunni.. ;)

Jæja hef þá ekki meira að segja að sinni..

Ciao amigos

Já og Góða ferð mamma og pabbi :*

2008-08-25T18:46:00.006Z

Jámm

Jæja þá er fyrsta skólavikan búin og margt búið að gerast. Ég lærði
slatta á tölvunámskeidinu og get alveg dundað mér í Illustrator að teikna
vinuteikningar eða búa til lógó eða nafnspjöld, mög töff.
Svo fór ég loksins og keypti mér Overlock saumavélina SINGER, ekki Bernina, og hún er bara æði! Settist strax og fór að sauma þegar ég var komin heim með hana.
Hún var samt eiginlega Allt of þung fyrir mig að bera alla þessa leið, og komst ég að því þegar ég labbaði inn í húsið að það var svona merki á kassanum sem var kall að bera kassa og rautt strik yfir.. hvað sem það nú nákvæmlega á að þýða veit ég ekki,
en meiningin viriðist vera að maður á ekki að bera kassan.. well, that was too
late.. En ég var ennþá með harðsperrur 5 dögum seinna.. it was worth it..

Já svo átti gamla geitin afmæli á fimmtudaginn, og er ég orðin einu ári eldra,
sem gerir 22 ár. Afmælisdagurinn var bara mjög afslappaður. Ég nennti ekki að
baka kvöldið áður, þar sem ég var að vinna, en það er siður hérna að koma með
köku í skólann þegar maður á afmæli..
En ég fór bara út í búð og keypti fullt af kexi, kökum og ostum. Stelpurnar voru að sjálfsögðu mjög ánægðar með það!
Svo fékk ég afmælissönginn á dönsku sunginn fyrir mig í fyrsta skipti í lífi
mínu, og úff.. hann er frekar sérstakur.. samt nice.. svo fékk ég svona
danskan kanelsnúð frá Hege vinkonu og krúttlegt kort frá Kaiu, algjörar
rúsinur. Svo eftir skóla kíktum við aðeins í búðir og ég keypti mér nokkrar
afmælisgjafir á útsölunni ;o)
Á leiðinni heim stoppaði ég við í vinnunni hans Dags og borðuðum við saman smá kvöldmat og svo fékk ég afmælisgjöf frá honum sem voru æðislega fallegir perlu eyrnalokkar! Hann kallaði þá svona leikhús eyrnalokkar, og passar það mjög vel, en þeir eru gullfallegir, eru samt silfraðir. ;) Svo um kvöldið chillaði ég bara heima með rauðvínsglas og stelpumyndir! :p Jájá. En á laugardaginn hélt ég svo smá sfmæli s og innflutningspartí. Það mættu ekki svo svakalega margir þarsem við vorum líka í
bænum kvöldinu aður og allir bara þunnir! Uss.. en það voru samt þau
skemmtilegustu hérna svo það var mjög fínt!
Í dag kom svo nýr kennari, eða semsagt fatahönnuður sem kennir okkur næstu 4 vikurnar. Og það sem við munum þurfa að gera að Korselett með hand- draperingu.. sem er mjög erfitt og mikil handavinna.. En hún hefur semsagt unnið alla sína ævi við að hanna svoleiðis flíkur og er algjör snillingur í þessu fagi. Núna er hún að gera brúðarkjóla.
Svo að þetta er alveg mjög spennandi að læra svona draperingu, en úff, það er
ekki svo létt.
En já annars er Dagur búinn að fá vinnu við skólann minn sem Fotograf og ætlar hann einnig að búa til nýja heimasíðu fyrir skólann.
Það eru allir mjög ánægðir með það því að þegar maður fer á heimasíðu skólans að þá er einsog skólinn sé ekki lengur til, bara dauður, þarsem heimasíðan er bara svo
hundgömul og ljót. Svo að það er geggjað. Nóg að gera hjá maninum mínum hehe..

Jæja já svo styttist í elsku litlu krúsi rúsínu dúllurnar mínar en þær koma
bara Í NÆSTU VIKU!!!!!!! Ég trúi því varla en það er satt! Algjör snilld! Og
þær eru að koma allar fjórar svo að það verður MEGA fjör hérna í þessa 6 DAGA
sem þær verða!! Oooh. Hlakka svo til! =D

vííííí =)

2008-08-18T18:55:00.002Z

Skóla hvað?

Jæja þá er skólinn byrjaður aftur og alvaran hefst.. eða þannig.. Þetta var mjög fínn fyrstur skóladagur. Erum á tölvunámskeiði þessa vikuna og byrjuðum aðeins að læra inn á Illustrator í dag. Það var nú samt mun meira spjallað en lært.
Það er búið að gera nokkrar fallegar breytingar í skólanum, eins og ný borð allstaðar, nýjar gardínur og allskonar smá atriði, sem skipta samt miklu máli þar sem þetta er svo pinku lítill skóli. Svo var það bara vinna eftir skóla, eða reyndar fór ég með 2 norsku píunum í H&M að kaupa ekki neitt og svo kaffihús, svo vinna. Svo er maður komin heim í ískaldan kofann og byrjar á því að kveikja á kamínunni.

Á morgun ætla ég svo að láta reyna á það að kaupa Overlock saumavél eftir skóla, en ég hef reynt að fara í allt sumar, en það mislukkaðist alltaf hjá mér, oftast vegna vinnu. En ég fékk s.s. fyrirfram afmælispening sem ég ætlaði að nota til að kaupa mér þessa vél-Þarsem ég Ætlaði að sauma í sumar-Þar sem ég átti bara að vinna lítið-En ég var í fullu starfi og hafði engan tíma til þess að sauma neitt!

En jæja, svo ætla ég að halda smá partí á laugardaginn, sem verður svona afmælis-innflutningspartí. Vona bara að liðið mæti, á byrgðir af áfengi! ;o)

Svo er hann Dagur minn svaka duglegur að taka myndir þessa dagana. Búinn að taka myndir af 2 óléttum konum og more to come! Og svo er hann náttúrulega bókaður í brúðkaup í vetur. Svaka stuð hjá honum. Svo fer hann nú vonandi að fara að skella allar þessar myndir sínar á netið svo fólk geti skoðað þær! Heyriru það Dagur! ;*

Já Mídía vinkona og Tóbí komu frá Þýskalandi í heimsókn á laugardag og gistu hjá okkur eina nótt. Það var alveg frekar mikið stuð að fá þau hingað. Þau voru líka að fíla litla húsið okkar í tættlur. Sátum til klukkan 2 úti í garðinum að spjalla og drekka bjór. Og með smá varðeld að sjálfsögðu líka. Svo var farið að verða pínu kalt og við héldum gleðinni áfram inni. En næsta dag héldu þau afstað til Svíþjóðar þar sem þau ætla í frí.

En þetta var bara ágætis blogg í bili. Heyrumst! =)

2008-08-07T12:44:00.005Z

Til hamingju með afmælið elsku pabbi minn! =)

Jæja já. Allt að gerast bara. Eða ekki... ekkert svo mikið reyndar.

Maður er bara að vinna, svo kemur maður heim og reynir að taka upp úr kössum, laga til, þrífa könguló vefi og bíða eftir Degi til að fjarlægja allar köngulærnar. Við (ÉG) erum núna 4x búin að lenda á frekar nasty köngulóm. (fyrir utan allar þær 100 "venjulegu")
Sú fyrsta skreið á milli pappakassanna í forstofunni, stutt eftir að við vorum flutt inn. Ég fríkaði náttúrulega út, þar sem búkurinn á henni var stærri en littli puttinn minn, ógeðslega feit, og með 12 feitar lappir. Ég reyndi nú að gleyma þessu atviki eins mögulega hratt og ég gat.

Svo einn daginn þegar ég kem heim úr vinnunni, en Dagur er ennþá að vinna, ætlaði ég í sturtu, ég ákvað að opna gluggann inn á baði, en það endaði með minnisleysi í svona 2-3 minutur.
Ég fékk bara áfall! Altíeinu stóð ég inní stofu og vissi ekkert hvernig ég komst þangað! En þá var sem sagt örugglega stærsta könguló sem ég á ævi minni hef séð, með berum augum-ekki í búri í dýragarði, í glugganum í baðherberginu mínu!

Þegar ég náði að vakna frá þessu áfalli átti ég nú svoldið erfitt með að labba í átt að baðherberginu, en ég vissi að ég skildi gluggann eftir opinn- þetta eru s.s. tvöfaldir gluggar hérna, og hún var á milli þeirra- ekki tvöfalt gler- tvöfaldir gluggar. Og ef ég næði ekki að loka innri glugganum þá ætti ég í sjéns að hún færi á flakk um baðherbergið og myndi fela sig einhverstaðar í þessu fallega dökkbrúna-rauða flísalagða baði með viðarplötur á veggjunum.
Ég myndi nú ekki lifa það af að vita svo ekki hvar hún væri. Svo að ég tók mig saman og gékk í átt að henni. Hjartað mitt sló svo hratt og ég svitnaði eins og ég væri á hlaupabretti í ræktinni. Samt hreyfði ég mig í slow-motion. Þegar ég kom nær og nær og sá hana ekki varð ég alltaf hræddari að hún væri farin úr glugganum. En svo var ég komin alveg að glugganum og sá rétt svo í einn fótlegginn hennar flýtti ég mér að loka vel fyrir gluggann og hljóp í burtu!!
Svo var sent sms tilkynning hvaða verkefni Dagur ætti von á þegar hann kæmi heim, og ég hélt í mér næstu 5 klukkutímana!
Svona til þess að fólk geri ekki grín að mér, þá var þetta virkilega stór könguló! Ég er að tala um svona bíómymda könguló með hár á fótleggjunum og búkurinn jafn stór og hönd á 5 ára krakka!

Meira segja Dagur sagði að þessa vinkona mín væri alveg svolítið Mega. En hann var samt svo duglegur að drepa hana þegar hann kom svo heim, en það er ennþá stór blóðklessa í glugganum, og glugginn á baðinu hefur ekki verið opnaður síðan!

Svo hafa verið önnur 2 atvik. Eitt þegar ég var að laga til inn í svefnherberginu og koma hlutum fyrir. Skreið ekki bara feit og fín könguló þvert yfir rúmmið okkar beint fyrir framan mig!!! Þvílík ókurteisi! Og sú könguló var á stærð við 2kall danskar, nema hún var ekki með gat í miðjunni.
Þessi var samt frekar að flýta sér og hljóp frá koddanum mínum yfir á hinn helminginn og stansaði svo. Þá hljóp ég fram og reif í ryksuguna en þegar ég kom tilbaka var hún horfin. Ég var einmitt ekkert sérstaklega hress með það, og þar sem ekkert ljós var í herberginu þá og það var að koma myrkur úti, reyndi ég bara að fjarlægja sem flest úr herberginu og bíða að sjálfsögðu eftir Degi.

Seinasta atvik er ekkert spennandi, en það gerðist beint fyrir aftan mig, á miðju stofugólfi. Við vorum að laga til eitt kvöldið. Færa til hluti og svoleiðis. Þegar ég sný mér við og labba frammhjá blett í gólfinu. Þar sem það eru svona stórir brúnir blettir allstaðar í þessum við í gólfinu þurfti ég að fara mjög nálægt til þess að komast að því að þar var staðsett könguló á við 5kall danskar, og heldur ekki með gat. En sem betur fer var hann Spiderman á svæðinu til þess að bjarga mér samstundis og komst ég mjög fljótt yfir það þá.

Ég vona svo innilega að þessum atvikum fer fækkandi. Er ekki mikill aðdáani. Ég get lifað við þessar mjólöppuði ópalbúkuðu köngulær sem eru í öllum hornum. Þær eru heldur ekkert á miklu flakki og ekkert mál að rífa í ryksuguna ef þær eru fyrir mér. En hinar. nei takk.

En svona er þetta. Það eru alltaf kostir og gallar. Í gömlu íbúðinni gátum við stundum ekki sofið fyrir látum í nágrönnum, löggunni, slökkvibílum, óeiruðum eða ég veit ekki hverju. Hérna kemur maður heim í rólegt hverfi, sefur einsog steinn alla nóttina. Getur farið út í garð lagt sig í sólbað, talað við kanínur og hænsni, eða fengið sér epli,rifsber,bromber,rabbabara, jarðaber, (ég get talið endalaust áfram) og kveikt í kamínunni þegar manni er kalt. Þetta er líklegast eini gallinn myndi ég segja. Og ég verð að læra að lifa við þessi kvikyndi.

Jæja, var þetta ekki fróðlegt bara. Hvað lærum við af þessari sögu? Ekki heimsækja Lísu og Dag ef þið eruð hrædd við skordýr. ;o) þó að köngulær flokkast reyndar ekki sem skordýr, heldur tilheyra þær þeim flokki liðdýra sem nefnast áttfætlur en aðalflokkar liðdýra eru krabbadýr, margfætlur, áttfætlur... ef þið hafið áhuga að lesa ykkur til um það þá er hægt að lesa ýmislegt fróðlegt á Wikipediu um köngulær.. ;p

Jæja, það er örugglega hægt að lesa milli lína og sjá að ég hef ekkert að gera akkúrat núna og mér leiðist. Ég á nefninlega frí í dag og ætla ekki að gera neitt. Það er frekar heitt úti, en það er svo rakt að manni líður einsog maður sé í ógeðslegu gufubaði, svo ég hef lítinn áhuga að fara út núna. En að sjálfsögðu er nóg hægt að gera hérna inni. Ég verð bara að pína mig.

Jæja, ef fólk er ennþá að lesa þessa færslu, þá segi ég bara til hamingju, og verðlaunin eru þessar myndir hér fyrir neðan! Enjoy!

vores lille hus

Dagur að slá grasið

Herra Hani

hús

blóm

við

Farvel guys

2008-07-26T16:56:00.003Z

Sumarsæla

Það er helst í fréttum, ekkert. Nema steikjandi hiti. =D

Ég var bara að vinna í vikunni en átti frí fimmtudag og föstudag! Og Akkúrat þá kom þetta líka geggjaða veður! Þá var sko tímanum nýtt í sólböð, en ekki að taka upp úr kössum! Þetta var alveg yndislegt! Gat setið hérna útí garðinum mínum á náttfötum/bikíní að borða morgunmatinn minn og sóla mig. Brenndist nú reyndar soldið, þrátt fyrir sólarvörn!!

En já, þetta er búið að vera dásamlegt hjá mér, en ekki alveg jafn yndislegt hjá Degi mínum. Hann er nefninlega búinn að vera að taka myndir fyrir þetta companý, og er búin að vera á fullu að vinna myndirnar, taka fleiri myndir, og rífast við kellinguna sem á fötin. Svo er hann náttúrulega líka í 100%starfi uppá spítala. Bara búið að vera vesen hjá greyinu. En þetta fer að verða búið.

Á morgun er planið hjá okkur að vakna snemma og fara eitthvert út í góða veðrinu. Höfum ekki haft mikin tíma saman undanfarið. Enda erum við bæði að vinna á mismunandi vöktum.
Í dag fór ég eftir vinnu,kl.17.00 í garð sem er í Vesterbro, rétt hjá þar sem ég er að vinna, og ákvað að skoða hann aðeins. Ég var svo heppinn að gæjinn á Juice-barnum í mollinnu gaf mér svona fullt af ferskum ávöxtum í boxi, þar sem hann hefði annars þurft að henda þeim, held ég. Svo að ég settist bara á bekk, skoðaði litlu andarungana að leika sér í vatninu, dúfur að para sig, og ég borðaði mína ávexti. Alveg dásamlegt.
Ég meikaði nú samt ekki að sitja lengur en hálftíma því að sólin var svo súperdúper sterk og ég var ekki með sólarvörn á mér. ;)

Jæja núna ætla ég að fá mér pastasalatið sem ég gerði gær í kvöldmat og taka upp úr kössum í kvöld :)

Kærlig hilsen hjemm
Lisa

2008-07-21T19:47:00.002Z

3 Vikur bloggleysi

úps.

En þetta eru búnar að vera mjög busy 3 vikur! Við fluttum þann 13. í húsið okkar. Leigðum svona lítinn flutningabíl í sólarhring og fórum heilar 3 ferðir með allt draslið okkar út í húsið! Við fengum virkilega mikla hjálp frá tendgó, sem komu 11.júli og hjálpuðu okkur að pakka restinni og svo bera alla kassanna, húsgögnin og allskonar drasl sem leyndi sér í öllum hornum.
Það er nú búið að taka upp úr flestum kössum, en það er ennþá allt í drasli! Ég er búin að vera að vinna líka á fullu, en fékk seinustu helgi frí og naut þess með tengdó, og að sjálfsögðu Degi. Veðrið var nú ekkert spennandi, alltaf að skiptast á sólskíni, skýjum og rigningu, en það hefði nú samt geta verið verra. Og það var farið út að borða, en mest eldað heima reyndar, ljúffengar steikur af allskonar gerðum og svo eitt stykki sjávarrétta pasta. Svo var farið á ljósmyndasýningu í Svarta Demantinum, reyndum urðum við stelpurnar úti og litli kúturinn, hann Arnar Helgi líka. Þá var bara sest út og drukkið kaffi og borðaðar kökur. Á laugardaginn fórum við í Carlsberg verksmiðjuna, sem var bara þó nokkuð áhugavert og bjórinn einnig mjög góður sem við fengum að smakka!
Svo komu þau þrjú til okkar í morgunmat nokkra daganna og er það siður sem ég gæti alveg vanist við. Mjög kósý, og einnig mjög heilsusamlegt!
Svo er ég bara að vinna, fæ samt 2 daga í þessari viku frí, en ég verð að nota þá til þess að taka upp úr kössum og koma öllu fyrir.

Já, b.t.w. við erum alveg rosalega sátt hérna og okkur líður mjög vel í þessu litla húsi!!! Ég hlakka til að koma heim eftir vinnu, labba í gengum skóginn frá lestarstöðinni og heim, 4 mínutur, sérstaklega þegar sólin skín yfir tréin þegar ég er að labba yfir hæðina, og einsog í dag, nýslegið grasið, yndisleg lykt! I love it! Svo kemur alltaf kisa nágrannans hlaupandi og tekur á móti manni, algjört krútt. Svo á morgnanna heyrir maður hanann gala, og fer ég alltaf að hlægja þegar ég heyri í honum. Hann er einsog hann sé með whyski rödd, svona hás, en galar samt svona nokkrum sinnum á morgnanna, algjört krútt.

En já við erum ekki búin að taka neinar myndir núna, en það kemur, þegar allt er orðið fínt hérna og við búin að koma okkur 100% fyrir.

Bestu kveðjur á klakann og takk fyrir mig ;*

Núna er best að kíkja á Facebook og MySpace, svoað fólk viti að maður sé á lífi.. eða þannig.. ;)

2008-07-03T20:37:00.003Z

Úti: 30° og sól- Inni: 45° og loftleysi

Vikan hjá mér er búin að einkennast af mikilli vinnu... og.. ..engu öðru. Ég byrjaði jú á mánudaginn og mætti um hádegið í nýju búðina í glænýrri verslunarmiðstöð í Vesterbro.

Þar mætti svo yfirmaður minn, s.s. sú sem á búðirnar og er að hanna fötin. Hún sýndi mér nokkra hluti þarna, hvernig ég ætti að gera upp, og svo var hún farin eftir háltfíma (busy woman). Svo var ég skilin eftir ein frá kl.14-19. Já, frekar ótrúlegt, en satt! En þetta reddaðist alveg og var uppgjörið með því einfaldasta í heimi.

Næsta dag mætti ég svo aftur um tvöleytið, þá fór stelpan sem opnaði heim, en ég var aftur ein, en að sjálfsögðu mun öruggari með hlutia.

Svo í gær og í dag var ég ekki bara að opna og loka, 10-19 takkfyrir, alein,takk. En þetta er nú ekki einsog þetta á að vera, málið er að það eru 2 stelpur í fríi akkúrat í þessari viku, Roskilde, og þessvegna er ég að taka svona vaktir akkúrat núna.

En ég fékk nú skemmtilegt verkefni til þess að dunda mér við þegar ekkert er að gera (sem er um 85% dagsins, þetta moll er gjörsamlega tómt!- það nennir náttúrulega engin að versla þegar það er 30stiga hiti úti og sólskín. ) en allavega verkefnið er að ég á að teikna upp hugmyndir og hanna nokkrar tegundir af púðum, svona punt-púðum, sem þær ætla að setja í framleiðslu í haust. Þessi búð selur nefninlega ekki bara föt, heldur líka skó og allskonar fylgihluti, blómavasa, skartgripi, og allskonar furðulega hluti. En þetta er mjög kózý og krúttleg verslun, og kúnnarnir sem koma eru einnig mjög kózý, ef þið skiljið hvað ég meina. ;)

En já, svo verð ég að sjálfsögðu að vinna á morgun, en kannski fæ ég frí eftir hádegi, en ekki get ég farið að gera e-ð skemmtilegt með Daxa, neinei, hann er búinn að vera á kvöldvöktum alla vikuna, og er frá 15-23, sem þýðir að við sjáumst eekki neitt, nema svona klukkutíma, ef ég fer seint að sofa.

Jájá, en ég ætla nú ekki að kvarta, ég fæ borgað fyrir þetta, veit ekki hversu mikið, en það eru allavega danskar krónur, og það skiptir öllu máli. Fyrirutan það fæ ég nú svo örugglega fleiri skemmtileg verkefni til að vinna með.

Þetta er orðið alltof langt og leiðinlegt svo að ég kveð að sinni

Vona að þið hafið gott sumar þarna uppi :)

2008-06-27T13:18:00.003Z

Komin í sumarfrí!

Tískusýning

Tískusýningin á mánudaginn s.l. gékk alveg rosalega vel. Æðislega gaman að upplifa svona sýningu frá byrjun til enda. Svakalegt stress samt. Við nemendurnir sáum um að skipta um fötin á módelunum á milli þess sem þær fóru að dilla sér upp á siðinu. Mér persónulega fannst mörg módelin allt of ungar, en þær voru allt frá 13-15 ára, en 17 ára var örugglega meðaltalið. Þær stóðu sig samt alveg mjög vél.

Sýningin byrjaði á okkur á 1. ári og var það ég sem startaði showið barasta! ;) Svo komu stelpurnar á 2.ári en fórum við allar líka upp á svið og tókum einn rúnt á catwalkinu.

Eftir sýninguna heyrðum við að fólki hafi fundist við á 1.ári standa okkur betur, þá hönnunnarlega séð, sérstaklega vegna þess að við vorum með meiri liti, en stelpurnar á 2.ári notuðu allt of mikið svart, svart, með svörtu.

Svo fékk ég á þriðjudaginn umsögninga mína fyrir árið og prófið, þetta kemur í stað fyrir einkunnir, en það getur verið erfitt að gefa einkunn fyrir svona fög. Í umsögninni stóð allt bara jákvætt, og er búin að vera að gera góða hluti á árinu og ætti að halda áfram svona! (í stuttu máli...)

Svo eru aðrar gleðifréttir þær að ég sótti um vinnu í lítilli fataverslun hér ofar í götunni okkar-nær þangað sem við erum að fara að flytja. Málið var það að við Dagur fórum í göngutúr um daginn að litla húsinu okkar og þá sá ég auglýsingu í glugganum; þar stóð að þeim þarna vantaði starfsmann í 5-15 tíma á viku í allskonar störf. Mér datt nú helst í hug að þetta væri að taka upp úr kössum og verðmerkja og svoleiðis. Ég fór svo þarna upp daginn eftir og spurði hvernig þetta væri, og stelpan þar sagði að þetta væri nú e-ð misjafnt en það væri best að ég skrifaði umsögn sem að yfirmaður hennar gæti farið í gengum. Svo að ég gerði það, en fékk ekkert svar í marga daga, svo að ég hélt að þær voru bara búnar að ráða í starfið. Svo á mánudaginn, hálftíma áður en tískusýningin átti að byrja, var hringt í mig og spurt hvort ég gæti komið í viðtal daginn eftir. Ég gerði það, og bjóst alveg við því að fá vinnunna, ég hef þannig áhrif á fólk að það segir sjaldnast nei við mig, nei grín... ;p

Þær tvær sem eiga búðina, töluðu svo við mig í smá tíma, byrjuðu að segja frá því hvernig þetta væri hjá þeim og hvað mitt jobbið væri.

Svo sögðu þær að ég þyrfti að geta byrjað á mánudaginn, og því að ég sagði já, fékk ég vinnuna. Ég var sú fyrsta sem þær kölluðu í viðtal, vegna þess að þeim fannst ég svo sæt á myndinni sem ég sendi með umsögninni, alltaf kostur að geta brosið. ;)

Svo mér til mikillar gleði, spurðu þær aðeins út í hvað ég væri búin að læra í skólanum mínum í vetur, og þær vildi líka endilega að ég tæki þá þátt í að hjálpa þeim, þegar lítið er að gera í búðinni, að hanna flíkurnar, búa il snið og teikna o.s.fr.v..

Þetta mætti þá kallast líka svona praktík-pláss, sem einmitt nokkrar af bekkjarsystrum mínum eru að fara í í súmar, þá vinna og sjá allt sem hönnuður er að gera. Munurinn hjá mér er sá að ég fæ borgað fyrir að hjálpa þeim með það, en ef ég væri að fara í praktík einhverstaðar þá fengi ég ekki borgað fyrir það!

Svo að það er allt mjög jákvætt og skemmtilegt og gott hérna núna, svo er Dagur að taka myndir af módelli í næsta herbergi fyrir danskt leður-jakka kompani, sem vantaði ljósmyndara. Mér heyrist hann vera að láta hana hoppa akkúrat núna, og það hristist allt í íbúðinni.. híhí :P

Jæja, svo styttist bara í að við flytjum í litla húsið okkar og þarf ég að fara að byrja að pakka bara NÚNA!

Kossar og knúsar heim :*

2008-06-22T14:34:00.003Z

Tískusýningin á morgun!!!

Jæja ja, Maggi bróðir kom hingað til okkar á fimmtudaginn og er búið að vera mikið fjör síðan! Fimmtudagskvöldið var bara tekið í spjall og svoleiðis en föstudagurinn fór í alveg meiriháttar djamm! Það er alveg frekar langt síðan að ég fór svona í bæinn að skemmta mér!

Svo í gær var nú ekkert farið neitt snemma á fætur, en fyrripartinn var líka bara rigning og þrumuveður og læti! Svo kom sólin aftur og við fórum aðeins út að rölta og gáfum öndunum brauð. Um kvöldið fórum við að horfa á leikinn Holland -Rússland, fyrst á kaffihúsinu hérna rétt hjá, en þar var frekar fámennt og lítil stemming svo að í hálfleiknum skelltum við okkur í bæinn! Náðum meirað segja inn á aðalpöbbinn rétt áður en Rússar skoruðu, og fólk var ekki sátt.

Við plönuðum nú kvöldið ekkert en vorum í svo góðu stuði og enduðum á því að vera til 4 um nóttina í bænum!

Planið fyrir kvöldið í kvöld er frekar rólegt, ætlum að elda góða danska purusteik! Svo þarf ég að taka til allt og undirbúa, því á morgun er TÍSKUSÝNINGIN STÓRA!!! Þetta verður langur og spennandi dagur!

En núna ætla ég fyrst að vaska upp og gera allt klárt fyrir matinn.

Heyrumst folks =)

2008-06-16T21:25:00.003Z

Styttist í allt :)

Jæja þá. Það er nú ekki mikið að frétta héðan eins og stendur.
Módelin fyrir tískusýninguna komu í dag í svona fitting. Mátuðu öll fötin okkar til að sjá hvort allt passi og fari hverju módeli fyrir sig.
Ég átti að fá 2 dökkhærðar píur vegna þess að það passaði svo vel við sterku litina í fötunum mínum, svo endaði ég bara á að fá eina skolhærða og eina rauðhærða píu fyrir sýninguna.
Svo eigum við að laga þær flíkur sem þarf fyrir sýninguna. Þessi módel eru nú flest allar meira og minna tannstönglar og allar fíkur hanga utan á þeim eins og illa gerðir pokar, svo að margar þurfa að þrengja fötin fyrir sýninguna. Ég þarf einsgott bara að þrengja eina flík, sem er frekar einföld. einsgott.
Svo eigum við að vera með alla fylgihluti á hreinu fyrir sýninguna, skartgripi, töskur, hárskraut o.s.frv. en var ég nú sem betur fer búin að kaupa flest allt í París! Þarf samt að sauma smá hárskraut núna, það er það eina.

Já svo kemur hann Maggi bró á fimmtudaginn og hlakka ég mjög til að fá hann hingað. Hann hefur ekki komist hingað út að heimsækja mig síðan ég flutti svo að ég hef þá e-ð skemmtilegt að gera um helgina, kannski líka gott að ég sé ekki að hanga ein heima og stressa mig á tískusýningunni.

Svo eins og ég skrifaði síðast þá fáum við að flytja inn fyrr í litla húsið okkar, eða s.s. 13. júlí, og verða þá akkúrat tengdó í heimsókn og vilja þau endilega hjálpa okkur að flytja, sem hentar alveg einstaklega vel og gerir allt processið svolítið skemmtilegra.

Jessjess. alltaf nóg að gera =)

farvel

2008-06-14T10:31:00.002Z

Búin í Prófinu !!!

Það er nú soldið síðan, en ég kláraði þetta blessaða "próf" semsagt á þriðjudaginn. Ég er eiginlega bara búin að slappa af og sofa síðan, endurhlaða batteríin, þau voru komin langt í mínusinn.!

En svona til þess að útskýra betur hvernig þetta próf var, að þá er það eiginlega meira einsog kynning, á fatalínunni sem við höfum unnið að í síðastliðnu tvo mánuði(og þó, þetta hefur nú hangið í hausnum á mörgum síðan um jól!)

Prófið var þannig að maður kom inn með 2 módel sem voru klæddar í þær flíkur úr fatalínunni sem maður saumaði upp fullkomlega. Inni sátu 3 prófdómarar, sem hjá fyrsta árs nemendum eru bara 1 kennari við skólann, 1 gestakennari(ungur hönnuður) og ein kelling í eldri kantinum, einnig hönnuður. Þau sátu svo og hlustuðu á mann, tala um fatalínuna, inspiration, litaval, efnisval og svo framvegis. Svo spurðu þau líka út í allskonar hluti.

Mér gékk ágætlega vel að blaðra þarna í þennan hálftíma sem ég var þarna inni, á dönsku notabene! Og voru öll viðbrögð hjá þeim 3 bara jákvæð. Þeim leist vel á fatalínuna í heildina, þeim leist vel á þær flíkur sem ég saumaði, 6 talsins, mappan kom þeim á óvart (og spurðu meiraðsegja hvernig ég gæti mögulega toppað hana fyrir næsta ár!) og í heildina var allt 100%jákvætt, 0% neikvætt. Þannig að ég er í góðum málum og hlakka til að fá einkunina mína, þar sem auðvitað gæti alltaf leynst einhver suprise gagnrýni. En þetta gékk nú ekki svona vel hjá öllum bekkjarsystrum mínum, svo að þessi jákvæðu viðbrögð halda sér vonandi á einkuninni minni!

Nú tekur við:

-laga til íbúðina , svona alvöru
-byrja að pakka! (já btw við fáum að flytja fyrr inn í húsið, 13.júlí!!)
-búa til nýja heimasíðu og setja inn myndir af fatalínunni
-leita mér að vinnu
-Svo kemur Maggi stóri bró á fimmtudaginn í næstu viku til mín!!

-TÍSKUSÝNING ÁRSINS, 23.júní

Nóg að gera framundan, en samt ekket miðað við það sem er nýafstaðið!! ;)

Að lokum ætla ég að óska elsku bestu krúsídúllunni minni henni Kristínu til hamingju með afmælið í fyrradag, ég er nú meiri aulinn að hafa gleymt því!

knús og kossar heim á klakann! :*

2008-06-04T13:50:00.005Z

KISS TÓNLEIKAR!!!!!

Já alveg rétt, í gær var ég ásamt Degi og 5 karlmönnum yfir fertugt á KISS tónleikunum hérna í Köben! Djöfull voru þetta geggjaðir tónleikar!!! Ég hefði ekki trúað því hvað þetta væri mikill stemmari! Við Dagur náðum að troða okkur alveg fremst og gat ég meira að segja með mínum 1 1/2 meter að hæð séð þetta allt helvíti vel! Meira að segja benti sjálfur Gene Simmons á okkur og ullaði-og að sjálfsögðu ulluðum við tilbaka! :þ
Ég var nú ekki kafmáluð með stjörnu í andlitinu en ég fór nú í smá rokk búning, svört í kringum augun og með greiðsluna hans Simmons náttúrulega!
Þetta var alveg brjálað bara! Og ekkert smá show! Alveg svakalegt! Ég er ennþá með alveg frekar hátt suð í eyrunum eftir þetta og allar sprengingarnar sem voru upp á sviðinu!

Já þetta var alveg hin hreinasta snilld verð ég að segja!

En já núna tekur við teiknitímabilið mikla! Ég þarf að farað setjast niður og klára möppuna mína fyrir þriðjudaginn, því þá er próf. Ég er nú búin að sauma allt og taka myndir svo að ég einbeiti mér núna bara að möppunni.

Svona var stemmingin þarna í gær!!!

Takk fyrir mig!

2008-05-28T11:32:00.005Z

Ein ég sit og sauma...

Þetta er bleikur heimur

2008-05-19T21:12:00.010Z

Et lille hus!

Fyrir þá sem ekki voru búin að frétta það, þá fengum við Dagur loksins íbúð eftir langa og erfiða leit!
Okkur var boðið að skoða íbúð á laugardaginn, en áttum samt ekki að gera okkur of háar vonir. Þegar við vorum mætt þarna á svæðið var þetta ekki íbúð heldur lítið hús í garði hjá eldri hjónum.
Þetta svæði heitir Bronshøj, eða s.s. Husum og er þetta svona villu-íbúðarhverfi, voðalega krúttleg hús, rólegt, rétt við skóg og á, en líka 3 mínutur frá lestarstöðinni. Þetta er í strætó ca. 12 min lengra frá -þar sem við búum núna, en með lestinni þaðan erum við í 15 min í bæinn. Við flytjum þarna inn 1.ágúst.

Húsinu fylgja svaakalega margar og skemmtilegar sögur, en erum við búin að fá að heyra nokkrar af þeim.
Húsið var fyrst byggt 1928 og var þá 49ferm., svo hefur verið byggt við húsið og er örugglega 50-60 ferm. núna, ef ekki meira. Parið átti heima þarna þegar þau voru ung, eignuðust börn og ákváðu svo að byggja sér bara stærri hús á lóðina! Það er bara svona mjög stórt en venjulegt einbýlishús. Eftir að börnin þeirra fengu öll að búa í litla húsinu hvert fyrir sig, fóru þau að leigja það út.

Húsið er s.s. í garðinum hjá þeim en er sér inngangur og meira að segja sér innkeyrsla að því. Allt í kring eru allskonar kryddjurtir, ávaxtatré, allskonar blóm og tré, já og vel á minnst, kanínur og hænsni líka! Og voru báðar kanínumömmurnar að eignast unga, ein í gær og ein fyrir 3.vikum!

1975 var þetta litla sæta hús í danska blaðinu Bo Bedre. Það voru teknar myndir af húsinu og fólkinu inn í því og viðtal við parið að sjálfsögðu. Þetta var algjört hippahús á þeim tíma, enda ekta hippar í húð og hár þetta par. Þær eru mjög skondnar myndirnar í þessu blaði.Í dag er þetta nú ekki svo hippalegt lengur.

Hjónin eru rosalega hjálpsöm og vilja hjálpa okkur eins mikið og hægt er, með hvað sem er. Maðurinn er nú algjör snillingur í höndunum og bauðst til dæmis til þess að smíða rúm fyrir okkur ef okkar kæmist ekki fyrir, en sjáum nú til með það. ;)
Þau geta ekki beðið eftir að fá að kynnast okkur og held ég að þetta eigi eftir að vera hin skemmtilegasta reynsla að búa þarna!

þetta er mynd að utan af húsinu í dag

þarna á bakvið eru kanínurnar og hænsnin

og þetta er önnur kanínumamman, hún á 4 unga sem líta nákvæmlega eins út og hún!

bros og gleði frá Köben =D

2008-05-14T11:18:00.003Z

Gulur tvinni

Ég hef ekkert merkilegt að segja frá núna, en ætla bara að láta vita af mér.
Veðrið er búið að vera æðislegt núna í 2 vikur, en búið að kólna aðeins í dag og í gær, maður getur ekki alveg farið út að hjóla á bikiní toppnum lengur..

Dagarnir núna einkennast aðallega af saumaskap. Nóg að gera þegar maður er svona undir tímapressu!
Annars ætla ég aftur að auglýsa tískyusýninguna okkar, hún er 23.júní, á mánudegi kl.16. (þetta er frídagur hérna úti, held ég), bara svona ef fólk vildi koma að kíkja, kannski get ég líka reddað frímiðum. Annars eru þetta um 600 manns sem koma á sýninguna.

Svo er hérna bara ein mynd af mér að gefa gæsunum okkar brauð..

farvel

2008-05-12T10:30:00.002Z

Elsku mamma mín
Gleðilegan mæðradag!

2008-05-08T21:26:00.002Z

Saumaskapur og sólskín

Það er allt farið á fullt í saumaskap, sniðagerð og efniskaupum fyrir fatalínuna mína. Teikningar eru allar klárar og kominn góður svipur á þetta allt saman. Á morgun koma 3 módel og máta allar prufuflíkurnar sem við erum búnar að sauma. Það er loksins líka komin mynd á stóru Tískusýninguna sem verður jú í lok júni. Stelpurnar á öðru ári sjá um að skipuleggja hana að mestu leyti, en það er búið að vera allt í mjög lausu lofti þangað til núna bara.
Mikil spenna, steikjandi hiti og svitalykt í loftinu!

Í dag tók ég mér rúman klukkutíma í hádegishlé og fór og hitti Daxa í háskólagarðinum. Borðaði hádegismat og baðaði mig í steikjandi sólinni, en það var alveg vel yfir 20°gráður í dag! Svo var farið aftur upp í skóla að sauma fram á kvöld.

Yndislegt!
I love it

knús og kossar heim :*
Lísa

2008-04-29T19:07:00.007Z

Nú byrja lætin! ;)

Jæja, þá er nú nóg búið að vera að gera. Ég kláraði jakkann minn í síðustu viku og sýndi á fimmtudaginn ásamt möppu.
En það var ekkert grín að gera þessa möppu! Ég fékk nú eins gott frí á miðvikudeginum þar sem ég var eiginlega búin að sauma jakkann, átti bara eftir að handsauma nokkur smáatriði. En ég byrjaði kl. 10 um morgunin á miðvikudaginn að teikna og teikna og teikna...

Svo er nú allskonar vinna í kringum teiknigarnar, t.d. skera þær mjög nákvæmt út, skanna þær inn í tölvuna, og svo vinna einhverjar í tölvunni. Svo þarf að líma þetta allt og setja upp flott í möppunni. Klukkan 5 um morgunin var ég loksins búin, eftir stanslausa 19 klukkutíma vinnu.
19 KLUKKUTÍMAR STANSLAUST. Samt var ég búin að teikna í marga klukkutíma kvöldin áður! Ég fékk mér nú reyndar 25 min, pásu þegar ég fékk mér kvöldmat með Degi. Gvuð minn góður. En já, svona er þetta bara næstum alltaf deginum áður en maður skilar, maður heldur alltaf að maður sé búinn að gera svo mikið, en það er svo mikið í restina sem hlaðast upp.

En allavega! Þá gékk mér mjög vel að sýna og fékk ekkert nema jákvætt að heyra frá kennaranum og gestakennara. Ég fékk meira að segja nafnið "Stof-guide" s.s. efnis-guide, (guide:leiðbeinandi) vegna þess að þeim fannst mjög töff hvernig ég gat sett saman og blandað mismunandi munstruðum efnum í sterkum litum þannig að það varð virkilega flott og ekkert of mikið. Ég var bara helvíti sátt við það nafn!

Núna er ég byrjuð á fatalínunni sem er til prófs og tískusýningar í sumar. Búin að teikna, velja flest efnin, á samt eftir að teikna meira, og svo saumaaaa! Við byrjum í næstu viku á sniðunum, og svo tekur bara við saumaskapur og allt fyrir tískusýninguna og prófið..

Svo að næstu dagar sem ég hef núna verða þeir "rólegustu" næstu 2 mánuði, eða þangað til að þetta verður allt búið, 23.júní! Ég fæ alveg léttan hnút í magann þegar ég hugsa um þetta, en þetta verður bara gaman, Stress just makes me think more clear! Mér fannst þessir 19 klukkutímar bara mjög skemmtilegir, þó þeir voru nú soldið harðir, en það verða pottþétt svona sólarhringir næstu vikur, því get ég lofað.

En fyrir utan skólann þá er bara geeggjað veður hérna. Síðustu helgi tókum við vorhreingerningu á íbúðina og allt lagað til og skipulagt, þarf samt að klára slatta. Svo á laugardaginn núna fer Dagur að vinna í fyrsta skipti, það verður sko spennandi hjá honum!

Jæja, sumarknús frá køben :*

Hérna er ég í jakkanum mínum uppí skóla

2008-04-22T14:44:00.004Z

Sólskín og freknur =D

Já hérna í Danmörku er ekkert nema bara fráábært veður! Sumarið bara komið!-enda er sumardagurinn fyrsti á fimmtudaginn! ;)

Um helgina síðustu fórum við með Dabba í háskólagarðinn og lágum þar og slöppuðum af í sólinni, svo var hjólað í østerbro og keyptur kúluís í bestu ísbúðinni í köben!
Svo hjóluðum við heim og undirbjuggum matinn, sem voru feiitir hamborgarar og pylsur og fórum við með allar græjur í garð sem liggur hérna 5 min frá okkur og grilluðum þar. Alveg yndislegt!

Svo á sunnudaginn fór hann Dabbi aftur frá okkur og við Dagur fórum út að hjóla í Frederiksberg Have. Það er magnaður garður sem liggur beint við Zoologisk Have, sem er stóri dýragarðurinn hérna í köben.
Við röltum þarna um garðinn og svo hittum við bara á nokkra fíla takk fyrir! Já, ég sagði FÍLA! Það er nefnilega ný búið að byggja stærri bú fyrir fílana í dýragarðinum, og það vill svo til að maður getur farið bara inn í Frederiksberg garðinn og skoðað fílana gratís þaðan megin frá! Alveg snilld. Svo fundum við okkur kózý stað í garðinum og tókum upp teppið og lögðumst í grasið. Picknick og allar græjur voru að sjálfsögðu líka með, heimasmurðar samlokur, kex og svoleiðis dúttl.

Þegar við vorum komin heim um kvöldið var ég bara orðin algjört freknufés og Dagur orðinn sunny-boy (svona ljóshærðir gæjar sem eru brúnir ;))!

Í gær skutluðumst við Dagur svo i 1 klukkutíma í Kongens Have í smá sólbað eftir skóla, alveg frábært. Þessu get ég alveg vanist! Bara vera á fullu á morgnanna í skólanum, taka sér frí eftir hádegi og leggjast út í sólbað, og halda svo bara áfram um kvöldið!

Vinkonan er náttúrulega líka byrjuð að hjóla í skólann, ég er svo DUGLEG, ekki bara kemst maður í ágætis form, heldur er maður líka úti í sólinni allan tíman. Ég er bara alveg komin með ágætis lit í framan! Búin að losa mig allavega við Lík-lúkkið sem er búið að vera allan veturinn á mér. Maður þarf alltaf að smyrja sig alla með kinnalit í allt andlitið svo að fólk fatti að maður sé á lífi!

Jája, fyrir utan sumarfréttirnar er ég bara á fullu að teikna og svoleiðis. Var að klára að sauma jakkann minn í dag svo að ég þarf ekki að mæta í skólann á morgun! Yndislegt. Hinsvegar þarf ég að gera möppuna í kvöld og á morgun, og það tekur líka rosalega langan tíma.

En já þetta var helst í fréttum í dag.

Sumarkveðjur

Lísa frekna =)

2008-04-16T17:11:00.005Z

Fuglasöngur og sólskín

Já nú er hann Dabbi litli vinur í heimsókn. Hann kom í gær um hádegið og eru þeir feðgar búnir að mála bæinn rauðan. Ég er byrjuð að sauma jakkann á fullu.. þetta verður stress segi ég..alltof stuttur tími. en já.. hef ekkert merkilegt að segja svosum, en ætla að setja fleiri Parísar-myndir hérna fyrir neðan bara, svona fallegt uppfyllingar-efni. ;) nei, ég var að fá myndavélina hjá Andreu, þar sem mín var bíluð fékk ég að taka myndir á hennar vél.. svo að enjoy, =)

Jæja. .gaman að heyra í ykkur

farvel :*

2008-04-13T18:17:00.001Z

Korter í sumar.. ;D

Jæja, þá er maður búin að róa sig niður eftir Parísarferðina og alvaran tekin við. Aðeins of mikil reyndar, helginni minni var eytt í ekkert annað en hrein veikindi. Það var bara kvefpestin tekin á hardcore mátann. Hiti, beinverkir, hausverkur og að sjálfsögðu kvef stífl og hnerr.. ;)

Á föstudaginn fór ég reyndar, svona til algjörar tilbreytingar, ( !!! ) í bæinn með norsku bekkjarsystur minni, Hege. Hún kom fyrst hingað heim og við fengum okkur nokkra bjóra saman, og hún fékk að smakka allt íslenska áfengis safnið okkar, sem er nú ekki lítið. Um miðnætti hoppuðum við svo í strætó í bæinn og hittum kærastann hennar og vin hans á Muse, sem er bar, sem víst ófáir íslendingar þekkja. Það var mjög skemmtilegt að komast aðeins út svona og gera e-ð svona um helgar en bara að læra, horfa á sjónvarpið eða spila Yatsy, sem er reyndar mjög fínt! ;)

Nú er bara allt að fara í fullan gang með næsta verkefni, sem er jakki. En við höfum bara 2 vikur til þess að sauma hann og gera möppuna og allt þetta dunderí. Ég vona bara að ég verð hressari á morgun og geti farið í skólann!

Jæja stutt blogg í þetta sinn..

Kvejður á klakann :*

2008-04-07T21:13:00.002Z

Bonjour París! - le ferðasaga!

Mánudagur

Ferðin byrjaði á mánudeginum í síðustu viku. Þá var farið á fætur klukkan 4 og komið út á völl rúmlega fimm. Allur hópurinn mætti ásamt kennaranum og manninum hennar. 21 stykki talsins.

Við flugum í 2 hressa tíma og vorum lent í París um hálf tíu leytið. Farangur skutlað í rútuna og svo fengum við smá túristahring á leið upp á hótelið. Borðuðum öll saman hádegismat á pínku litlu frönsku kaffihúsi og svo var haldið af stað.

Fyrst löbbuðum við um hverfið og upp að Sacre Caeur, sem er gífurlega falleg kirkja. Göturnar fyrir neðan kirkjuna einkenndust aðallega af efnabúðum of all kinds! Ég hef aldrei séð svona marga efnabúðir! Endalaust margar! Við tókum stutt hlé, skellt í sig tvöföldum expresso og svo fórum ég og Hege, norska vinkona mín, og skelltum okkar á hestbak á litlu fallegu hringekkjunni á torginu fyrir framan kirkjuna. Það var sko fjör!

Svo héldum við hópurinn áfram og við hoppuðum í metró lestina í bæinn. Þar var farið með okkur í svona gígantísk stórar verslunarmiðtöðvar, ein af þeim hét Galerie Lafayette. Þetta var æðislega falleg bygging með öllum helstu merkjunum í heiminum. Hópurinn splittaðist allur og fór ég með norsku stelpunum. Við röltum nokkra hringi í þessu molli en áttum nú eiginlega ekkert heima þarna. Fallegt að skoða, en margfalt fyrir ofan okkar prís-limit! Svo að við þrjár löbbuðum bara út og skoðuðum nokkrar byggingar þar í kring sem voru rosalega fallegar! Svo fundum við flott kaffihús og settumst þar og fengum okkur að snæða. Jóghúrt og expresso.

Um kvöldið ætluðum við svo út að borða en við vorum allar svo ónýtar og þreyttar að það var bara drukkið franskt hvítvín uppi á hótelherbergjunum og borðuð jarðaber!

Þriðjudagur

Kl. 09:30 sharp var haldið af stað í metró og í bæinn, í þetta sinn var það Avenue des Champs-Élysées. Fyrst voru teknar hópmyndir við Sigurbogann og svo rölt niður alla fallegu Champs-Élysées götuna. Svo skiptumst við öll í hópa og fórum að skoða ekta stóru designer-búðirnar sem eru þarna allstaðar í hliðargötunum, eins og Christian Dior, Chanel, Prada, MiuMiu, Cavalli, og svo framvegis. Við fórum inn í 2 eða 3 af þessum búðum og svo löbbuðum við bara um og skoðuðum byggingar og Eiffelturninn í fjarlægð. Svo áttum við smá tíma og settumst aðeins á kaffihús, þá var það jóghúrt og expresso aftur hjá mér. Þegar við hittum svo hópinn aftur löbbuðum við í gegnum fallegan garð og svo framhjá mörgum fallegum bygginum sem við vissum ekkert hvað voru. Svo sýndi kennarinn okkar staðinn sem hún var að vinna á þegar hún bjó í París, mjög flott svona designer-búð.

Eftir rölt og skoð fórum við í mjög töff búð sem heitir Colette, þar sem var allskonar töff dót, bækur, tónlist, föt, og fleira. Svo var tekinn hádegismatur sem er best að vera ekkert að fjalla um, var mjög ósátt og svikinn. Svo settumst við nokkrar bara á kirkjutröppur og sóluðum okkur.

Svo skoðuðum við nokkrar rándýrar en flottar efnabúðir, þar voru öll merkjaefnin, alveg crAazy dýrt! Pompidou, Forum des Halles og Second-Hand hverfi voru tekin á einu bretti og svo gátum við nokkrar ekki meira og tókum taxa upp á hótel.

Kvöldið var tekið rólegt, sólbaði upp á þakinu með bjór og vín, með alveg æðislegt útsýni yfir alla París!

Miðvikudagur

Þá var farið beint upp að einum af byggingum Louvré og fórum á rosalega flotta fata-sýningu, með kjólum frá sautjánhundruð og súrkál! Verst var bara að maður gat ekkert lesið sig til um hlutina því það stóð allt bara á frönsku!

Eftir sýninguna ákváðum við íslendingarnir þrír að stinga af því að við nenntum ekki að bíða eftir öllum hópnum í 2 tíma til að fara svo að skoða 2 rándýrar búðir með hnöppum . Svo að við keyrðum burt í taxa á rosalega góðan Sushi stað og fengum okkur hádegismat. Svo fórum við í svona heildsölu-hverfi þar sem hún Andrea þekkti sig vel til. Þar fara semsagt allar verslanirnar og versla á heildsöluverði í verslunum til þess að selja í verslunum sínum. Got it?

Þar má venjulegt fólk ekkert versla, því þar er náttúrulega allt miklu ódýrari en í bænum, en við sníktumst þarna og gátum keypt helling. Í einni búðinni þurfti Linda svo reyndar að gefa upp nafn á búðinni okkar og þá var „ANDREA“ það einasta sem kom uppúr Andreu, og sú búð er viturlega til á Íslandi. ;)

Ég gat keypt hitt og þetta fyrir tískusýninguna sem verður hjá okkur í sumar og svo líka smótterí fyrir mig, bleika kápu og bleika tösku, svoo fallegt!

Dauðþreyttar eftir göngu og verlsunarflipp fórum við svo upp á hótel. Þá var planið að allar ætluðu saman á voðalega flottan cokteil bar í bænum sem hét Buddha-Bar. Næstum því allar fóru og sáum við þennan geggjaða bar sem var með risastóra Búddha styttu í miðjunni af staðnum! Þar fengu sér flestar cocteil eða bjór, en ég týmdi því nú ekki alveg, 17 evrur fyrir 1 drykk finnst mér aðeins og mikið. En eftir drykkinn fórum við allar aftur tilbaka í hverfið sem hótelið okkar er, rétt hjá Moulin Rouge, btw, og fórum þar á pöbbarölt. Fyrst hlupum við nokkrar og fengum okkur kvöldmat á svakalega flottum stað sem heitir McDonalds, kvöldmáltið fyrir 3 evrur kalla ég gott! En jæja svo voru pantaðir cocteilar á allt liðið og fékk ég mér einn rosalega góðan Mohito. Kvöldið var svo bara hið skemmtilegasta með mörgum skemmtilegum og óskemmtilegum uppákomum, en ég var alveg stillt og prúð að velja tónlistina fyrir liðið á staðnum, barþjónarnir höfðu bara gjörsamlega engan tónlistar smekk.

Klukkan 3 lokaði svo staðurinn og fóru flestar heim en nokkrar fóru á diskotek í bænun.

Fimmtudagur

Diskotek já? Svakaleg þynnka einkenndi hótelið þann dag. Margar hverjar komust ekkert út úr herbergjunum sínum, bara lágu með ælufötu undir koddanum, svo lekkert! Meiraðsegja eldri dömurnar í bekknum voru alveg ónýtar. Ég samt dreif mig út rétt um hádegi og fékk Hege með mér, hún var alveg ónýt og gafst upp. Á leiðinni til baka á hótelið hitti ég Susan bekkjarsis sem var að koma úr apóteki að kaupa verkjatöflur fyrir herbergisfélagann sinn. Við tvær héldum svo saman í allar efnabúðirnar í hverfinu fyrir ofan okkur og gátum keypt þó nokkuð mörg efni! Mjög sátt. Svo rákumst við á Kaiu og fékk ég þær til þess að fara með mér að skoða Notre Dame því að mig langaði svo að sjá það. Við hoppuðum í metró og fundum leiðina þangað, stoppuðum við á kaffihúsi á smá snarl og expressó og svo fórum við að skoða kirkjuna. Gvuð hvað þetta er gífurlega falleg bygging! Ég var svo sátt að ég fékk að fara þarna. Þegar að við vorum búnar að labba í gegn og skoða allt í kring kom upp sú pæling með Eiffelturininn. Ég benti á að það ekki er ekki dýrt að taka taxa og þá þyrftum við ekki að labba og finna lestarstöð. Svo að úr því varð ferð upp að Eiffel Tower. Það var svo gullfallegt sumarveður þarna og allt að blómstra og það var gífurlega freistandi að fara upp í turninn. Svo að við létum verða úr því bara á staðnum. Susan stakk okkur af því að hún hafði farið áður þarna upp en ég og Kaia fórum alla leið upp á topp. Það tók nú sinn tíma að bíða í öllum biðröðunum en guð minn góður hvað þetta var æðislegt! Á leiðinni upp fékk ég nú alveg hellur í eyrunn og þegar upp var komið þorði ég varla að stíga út úr lyftunni. En þetta var geggjað!! Talandi um ást í París! Skil það vel! Það var einsog við Kaia vorum bara alveg in love þarna uppi að horfa á sólina setjast! Þetta var nú meiri upplifunin! Algjör fegurð!

Þegar við vorum komnar svo niður aftur í algjörri Parísar-vímu drifum við okkur með metró upp á hótel því að við vissum að allir væru að bíða eftir okkur, planið var að fara fínt út að borða seinasta kvöldið. Við vorum 7 sem röltum frá einum stað til annars og hvergi voru laus sæti. Svo í fjarska sáum við æðislega fallegan lítinn veitingastað með blómum allt utanum húsið. Við fórum þar inn en engin sæti laus. Við löbbuðum af stað en svo kom þjónninn hlaupandi á eftir okkur og sagði að borð myndi losna eftir 10 mínútur ef við nenntum að bíða, sem við gerðum. Svo pöntuðum við allar glæsilegan mat, hlógum einsog vitleysingar og drukkum vín. Mjög góður endir á frábærum degi!

Föstudagur

Þessi dagur var í stuttu máli bara ömurlegur, sváfum í 2 tíma, fórum með rútu út á völl kl.6, vorum komin allt of snemma of þurftum að bíða í 1 ½ tíma til að tjekka okkur inn. Eftir það þurftum við að hanga í lélegustu skemmu af flughöfn sem ég hef séð(helvítis Sterling) og allt var bara drasl og allt of dýrt.

Ég nýtti mér þennan tíma til þess að sofa á bekkjum hér og þar, á gólfinu hér og þar, og alla leiðina heim í flugvélinni. Var alveg ónýt. Svo var ég komin heim um 1-2 leytið, fékk með rúnstykki að borða með Daxa mínum og svo lagði ég mig uppí rúm. Ég vaknaði næsta dag klukkan 10, fór í sturtu og lagði mig aftur upp í rúm til 12 eða svo.. ;)

Fyrir utan föstudaginn var þetta æðisleg og velheppnuð ferð! Ég er mjög skotinn í París og hlakka ég til að fara þangað næst og skoða meira!

Au revoir!

2008-04-07T21:04:00.004Z

Parísarmyndir

Fyrst set ég hérna inn nokkrar myndir frá París!

Svo kemur færslan, en hún er frekar löng..

ég fyrir framan kirkjuna Sacré Caeur

hópmynd fyrirframan sigurbogann

ég og Hege að fíla okkur í botn á hringekkjunni

ég og Kaia fyrirframan Notre Dame

útsýnið af þakinu á hótelinu

ég og Hege á þakinu

ég og blómavasinn á flottu kaffihúsi

Au revoir!

2008-03-30T18:18:00.003Z

París á morgun!!

Nóg hefur verið að gera hjá mér síðustu vikuna. Byrjuð á nýju collection, en klára það eftir parísarferðina.

En já ég fer til Parísar á morgun með skólanum mínum!! Ég hlakka rosalega til! Verst bara að ég hefði viljað vera með meiri pening, en út af bölvaða genginu á bölvuðu íslensku krónunni er það ekki í boði. Anskotas vesen. En ég á nokkrar evrur til þess að kaupa kannski flott efni í næstu verkefnin mín.

Annars er ekkert búið að gerast í sambandi við kæruna okkar út af íbúðar svindlinu, það verður samt líklegast í þessari eða næstu viku sem við eigum að bera kennsl á fíflið uppá löggustöð og svo sjáum við til hvað gerist...

Í gærnótt var klukkunni breytt í sumartíma hérna úti og núna er klukkan 20:05 og ennþá bjart úti. Æðislegt. Svo í dag var alveg ágætis veður, um 10 gráður en þó mikill vindur. Í parís á að vera milli 10-15 gráður alla vikuna og sól og skýjað til skiptis. Það kemur bara í ljós! Samt svo spennó! Ég hef aldrei farið til Parísar áður. En við erum alveg með dagskrá alla daga frá morgni til kvölds, nema á fimmtudaginn þá fáum við frí eftir hádegi. 19 stelpur á öllum aldri, 1 hress kennari + eiginmaður hennar á þriggja stjörnu Hóteli rétt hjá Moulin Rouge , þetta verður baara fjör!!

En já ég verð að fara virkilega snemma að sofa í kvöld því ég þarf að vakna fyrir kl.4 í nótt og taka strætó og metró út á flugvöll. Svo er þetta bara rúmur klukkutími í flugvélinni, og svo tekur við göngutúrar og skipulagt plan fyrir allan daginn til kl.18 eða svo. Also langur dagur!

Svo kem ég aftur heim á föstudaginn. Því miður um hádegi, sem þýðir að við fljúgum snemma frá París og getum ekkert notað daginn þar, en það verður að hafa það!

Au revoir!

Lisa

2008-03-24T18:57:00.003Z

Gleðilega páska

Já þá er best að byrja að blogga aftur. Var í viku fríi en á samt erfitt með að fara að blogga um það sem gerðist fyrir viku síðan. Þeir sem eru búnir að lesa bloggið hans Dags eru líklegast meðvitaðir um hvað gerðist.

En málið var svo að á föstudaginn fyrir rúmri viku síðan fórum við að skoða íbúð í østerbro. Hún var 60fm og á helmingi lægri leigu en þessi sem við erum nú í. Mér fannst það nú fyrst e-ð grunsamlegt og hélt að íbúðin væri kannski ílla með farinn og lægi við stóra umferðargötu en þegar við skoðuðum hana var hún bara í fínasta standi og urðum við roosalega hrifin af henni. Gæinn sem var að flytja út sagði okkur að það væru samt 95%líkur á því að íbúðin væri farin, s.s. var annað par út í banka að athuga með lán, því þau áttu ekki alveg fyrir útborgun á tryggingunni. Við sögðumst eiga pening og gætum borgað gæjanum strax þar sem við eigum okkar sparifé. Hann sagði ókei; skoðið íbúðina bara alveg eins og þið viljið, takið bara ykkar tíma í þetta, en málið er bara, sá sem kemur fyrstur með peningana fær íbúðina.

Við spurðum hann út í bankareikning til þess að leggja inn á hann, en þá sagði hann okkur sögu um fyrrverandi leigjenda sem skrifaði undir leigusamning hjá honum og ætlaði svo í banka að millifæra á hann en gerði það aldrei, og lenti í lögfræðingum og lögreglunni og alles bara.

Svo að við sögðumst ætla aðeins að pæla í þessu, fórum í smá göngutúr að hugsa um þetta. Íbúðin var klárlega ódýrari, á betri stað, og miklu flottari en þessi sem við erum með. Svo að við prufuðum að labba í bankann og spurðum hversu mikið var hægt að taka út í reiðufé af Master-cardinu okkar, og við gátum tekið út alveg fyrir tryggingunni og fyrstu leigu af íbúðinni, svo að við létum bara verða af því. Við röltum með tæpar 10.000 danskar krónur í vasanum á bleikum skýjum aftur tilbaka í íbúðina og sýndum honum. Hann var bara mjög hress og sagði að við værum á undan hinum svo að við fengum þá bara íbúðina. Við settumst niður og skoðuðum leigusamninginn og fórum í gegn öll atriði og skrifuðum svo undir 2 samninga, við fengum annan.

Jesper, einsog hann heitir, sagði okkur að myndi láta okkur fá kvittum og lyklana kl.6 við íbúðina sama dag, hann þyrfti að fara að fara á fund eða e-ð í bankanum, skutla dótinu sínu e-rt og fá e-ð dæmi í sambandi við lyklana og við myndum fá þá 3 lykla að íbúðinni. Þeir Dagur skiptust á símanúmerum til þess að vera í bandi seinna. Svo fór hann með okkur og sýndi okkur kjallarageymsluna, hjólageymslu og allt bakdyra megin. Svo tókum við í höndina á þessum virkilega kurteis og almennilega manni og gengum á leið heim.

Rétt fyrir 6 um kvöldið hringir Jesper svo í okkur og segðist vera að vesenast út um allan bæ með allt dótið sitt og væri orðinn dauðþreyttur og vildi fara heim til konunnar sinnar, og spurði Dag hvort það væri ekki í lagi að þeir væru í bandi á laugardeginum eða eftir helgi.

Á laugardeginum og sunnudeginum reyndum við að hringja í hann til þess að tjekka hvort við gætum fengið lyklana sem fyrst en hann var þá með slökkt á símanum sínum.
Mamma og pabbi komu sunnudagskvöldið og sótti ég þau á flugvellinum. Æðislegt að fá þau hingað, sérstaklega pabba, því hann hafði ekki komið áður hingað.
Á mánudaginn fórum við svo í bæinn í grenjandi rigningu og fengum okkur smørrebrød á Litla Apótekinu. Við 3 héldum í Fields því það var ekkert gaman að vera úti í rigningunni. Dagur fór í skólann sinn en ákvað svo að kíkja á íbúðina og sjá hvort hann hitti ekki bara á Jesper.

Enginn svaraði dyrabjöllunni en einn glugginn stóð opinn og Dagur náði svo í 1 nágrannan. Hann sagði að hann væri ekkert svo viss um að Jesper mætti sjálfur leigja út íbúðina, hann hljóti að hafa misskilið e-ð, og benti Degi á að hringja í Ejendommen, sem á blokkina. Þeir segja svo við Dag að Jesper hefði ekkert leyfi til þess að leigja út sjálfur þessa íbúð, og að ejendommen væri komin með nýjan leigjenda. Dagur fer beint upp á löggustöð og þá erum við nr.3 sem fíflið hann Jesper var að svindla á, og kannski fleiri á leiðinni. Alveg frábært. Svo finnst hálfvitinn ekki og er örugglega búinn að eyða öllum peningunum.

Við fórum á miðvikudagsmorgunn upp á löggustöð í skýrslutöku og svo förum við aftur í næstu viku til að bera kennsl á mynd af fíflinu, ásamt öllum hinum sem lentu í þessu. Svo að þá er einsgott að þessi hálfviti finnst og verður dæmdur, hvort sem við fáum peningana til baka eða ekki.

Lífið gat ekki verið svo gott við mann, að Dagur fengi flotta vinnu og við fengum okkar draumaíbúð á sama degi, neinei, það er víst ekki hægt.

Annars voru mamma og pabbi hérna hjá okkur og var það frábært,veit ekki alveg hvað við hefðum gert hérna yfir páskana ef þau hefðu ekki verið hérna, vorum náttúrulega frekar mikið reið.

En ég ætla að blogga um það aðeins seinna.

Kveðjur,
Lísa

2008-03-18T00:00:00.003Z

Hef ekki bloggað lengi. Var nóg að gera í síðustu viku.
Svo settist frekar svart andrúmsloft á okkur núna um helgina. Blogga um það síðar.

Annars eru mamma og pabbi hjá okkur núna og það er frábært.

kv.Lísa

2008-03-06T19:11:00.000Z

Stutt halló

Ekki er mikið búið að gerast hérna svosum, er bara að láta vita af mér.

Ég er búin að vera á fullu að vinna í tískulínunni í Mílanó stíl. Það gengur mjög vel. Sat og skissaði í allan dag. Gestakennarinn var mjög hrifinn af hugmyndunum mínum og var einnig mjög hissa á þeim. Af hans reynslu fannst honum íslenskir hönnuðir vera mikið í sérstökum víkinga-stíl, street-wear og fleiri í þeim dúr, en ekki svona “sensual” –einsog teikningarnar mínar þróuðust í dag. Honum fannst gott að ég gæti sett mig í spor ítalskrar tísku. Ég tek því bara sem mjög jákvæðu hrósi! En svo á ég nú alveg eftir að vinna úr skissunum mínum, ég er að stefna á að teikna 100 skissur, en ég er komin með 30.. ;p

Svo er ekki mikið annað að segja frá held ég. Ég er bara orðin mjög spennt fyrir Parísarferðinni og er búin að grafa upp Lærið Frönsku, tungumálanámskeið á dvd disk! Bara svona rétt aðeins til þess að rifja upp frönskuna mína, sem er búið að ganga vel finnst mér! ( ekki spyrja Dag) Ég ætla mér nefnilega að geta pantað á frönsku og kannski sagt e-ð smá frá mér eða e-ð þarna úti. Svo í dag vorum við að skrá okkur í herbergin á hótelinu sem við verðum á, við Andrea vorum nú fyrir löngu búnar að ákveða að vera saman, en svo ákváðum við að stela einasta 3ggja manna herberginu og buðum Lindu líka með. Svo að það verður bara íslendinga herbergið, aka partýherbergið, ekki slæmt! =)

Jæja en núna ætla ég að drulla mér í ræktina. Ég er svo dugleg!

2008-03-04T13:59:00.002Z

Það er bara kominn mars!

Ég get ekki bloggað mikið, er að gera stórt verkefni.

En nýjar fréttir eru þessar!

Margrethe skólinn minn ákvað að gera eitthvað í málunum og fengum við nýjan teiknikennara sem byrjar að kenna okkur núna strax á föstudaginn!

Er byrjuð á stóru verkefni með gestakennara –hanna collection útfrá tískuviku í Mílanó, setja upp professional og gera allt svaka fínt.

Hef fengið nokkur hrós í vikunni fyrir góða dönsku kunnáttu! ;)

Svarti kjóllinn minn-ásamt fleiri frá píunum úr bekknum verða kannski stillt út í Illum.

Við Dagur erum byrjuð full-power í ræktinni!

Styttist í páskafrí!

Tengdó kemur í eina nótt næsta sunnudag til okkar! Getum dundað okkur saman í einn dag eða svo, út að borða og kózýheit.

Mamma og Pabbi koma eftir tæpar 2 vikur!

Óðum styttist í Parísarferð mína með skólanum, 31.mars takkfyrir!

Himinháir reikningar skullu á okkur þessi mánaðarmót, en planið er að borða bara létt, hollt&gott, og tæma þurrfóðrið í skápnum okkar!

Sumarið er alveg að fara að láta sjá sig- allavega er vorið að kíkja á okkur!

Jæja, bara bestu kveðjur á klakann!

**Lísa**

2008-02-24T20:55:00.003Z

Fréttir af Köbenbúum

Hef ekki bloggað lengi. Seinasta 1 ½ vikan var svolítið þung og stressuð.
Kláraði verkefnið á fimmtudaginn. Þá kom “gesta-kennari” eða eiginlega bara hönnuður til þess að vera með og gefa okkur krítík (hvernig er hægt að segja þetta á íslensku?), sumsé þegar við vorum að sýna. Það var mjög fínt, kannski svoldið gróft sem hún sagði við alla, kannski ekki beint górft, hún var bara svolítið mikið hörð.

Ég fékk að heyra að vinnuteikningin mín væri ekki nógu góð, reyndar kom mér það ekkert á óvart, er ekki beint besta nákvæmnis manneskjan. Og Inspiration-textinn minn væri aðeins of langur. Skyrtan mín var svona hneppt á hlið og henni fannst ég hefði átt að hafa hana meira út á hlið en hún var, en því er ég ósammála.
Annars sagði hún að hönnunin bakvið skyrtuna væri mjög flott, flott snið, og töff efni. Það finnst mér nú skipta mestu máli. Þannig að ég var sátt við það. Aðrar tóku hlutina svolítið of mikið inn á sig og voru bara pirraðar útí þessa konu, en þannig virkar þessi bransi nú ekki, maður verður virkilega að geta tekið smá gagnrýni!

Aaallavega, þessi helgi er búin að vera mjög fín, laugardagur fór í að þrífa hjá mér, einsog svo oft, og Dagur var að læra á bókasafninu. En svo vorum við bara að chilla og spila saman.

Það er hætt að kveikja í gámum og byggingum, allavega í bili. Það var nú kveikt í einum gámnum bakvið blokkina hjá okkur seinustu helgi, þá fengum við alveg að þefa vel af reyknum í stofunni okkar. Svo bíð ég bara eftir að sólbaðstofurnar hérna í kringum okkur verða sprengdar í tættlur. Ótrúlegt hvað það er alltaf e-ð að gerast hérna úti.

En jájá, núna tekur við ein vika af Coupé de Paris hjá mér, sem er svona draping á gínum(búa til flíkurnar á gínunum). Er eiginlega ekkert svo spennt fyrir því, er fáranlega flókið fyrirbæri. Svo koma 2 heilar vikur með gestakennara sem mun kenna okkur Collections-opbyggning, s.s. búa til collection= fatalínu á hreinni íslensku. Mjöög spennandi.

Svo fer ég í páskafrí, og þá koma mamma og pabbi í heimsókn!!

Eftir það byrjum við á jakka-verkefni og förum svo til Parísar!! Jeij!

Svo er það bara jakkaverkefnið og svo byrjar stóra STÓRA verkefnið fyrir tískusýninguna, það er svona lokaverkefnið af fyrsta árinu. Það verkefni byrjar 1.mai og þurfum við að vera búnar að hanna og sauma 5 flíkur eða fleiri, ásamt kynningarmöppu og sýna það 10.júní fyrir einhverja dómara-hönnuði-gæja sem gefa okkur svo einkunn. Svo tekur við undirbúningur fyrir tískusýningu sem verður 23.júní, minnir mig.

Og þar sem ég er að tala um þetta núna, ætla ég að taka það fram bara strax, að því leiðinlegt og hart sem það muni hljóma, að þá verð ég að harðlega neyta því að taka á móti gestum á meðan á þessu stendur. Maí og júní verða algjörlega og gjörsamlega tileinkaðir þessu verkefni og mun ég ekki í neinum tilfellum nota orku mína í eitthvað annað en þetta verkefni. Þetta hljómar mjög illa, en þetta verkefni gæti tryggt mér vinnu í framtíðinni. Fyrir utan það þá fengum við aðeins að tala við kennarann okkar um þetta og einsog hún sagði þá er gert ráð fyrir því að við vinnum á næturnar, gistum upp í skóla og munum ekki stíga feti frá saumavélunum í þessa 2 mánuði. Við stelpurnar fengum allar alveg heiftarlega í magann þegar við heyrðum þetta, sérstaklega þær sem eru með börn og fjölskyldu eru alveg í áfalli. En það þýðir ekkert að væla yfir þessu, víst að þetta verður að fara svona fram þá verður maður bara að stilla sig inn á það.

En jæja núna er ég búin að blogga aðeins of mikið. Kveðjur úr køben.

2008-02-14T20:25:00.004Z

Visualisering og inspiration

Hef ekki bloggað soldið lengi, enda nóg af gera hjá kellingunni.
Stelpurnar fóru á mánudaginn. Það var svo geggjað að hafa þær hérna! Skemmtum okkur konunglega alla helgina! Sam's Bar í karaoke á föstudeginum og Live-music-meðsöngur á laugardeginum á Old English Pub! Það var bara snilld! Frábær tónlist og frábært fólk!-það vorum við. Við vorum svo vinsælar að fólk settist hjá okkur og bað okkur um að syngja íslensk lög. Mjög skemmtilegt. Svo á sunnudaginn fórum við aðeins að labba um borgina,svona til þess að hafa nú gert eitthvað annað en bara að versla og djamma. Þá löbbuðum við um Christiansborg, Svarta Demantinum og Islands Bryggju, svo löbbuðum við á Ítalíu og fengum okkur að spíse þar.
Á mánudaginn þurfti ég að fara í skólann kl.9 og komu stelpurnar með mér í bæinn til að versla. Fengum okkur saman mat í hádeginu og svo kaffi eftir skóla, og svo haldið áfram að versla, svakalegir þessir íslendingar! Svo var það stutt kveðjustund um kvöldið en mikill söknuður alla vikuna.. svona er þetta bara..
Að öðrum málum. Ég er búin að vera á hundraði að reyna að sauma þessa skyrtu, gekk vel í dag, enda var ég til kl.18 í skólanum, ein. Svo þarf ég núna að klára annað verkefni í Tegning og svo fer öll helgin í að gera möppu fyrir skyrtuverkefnið, auk þess að sauma.

Svo er annað málið á dagskrá og það er að PABBI ER BÚINN AÐ BÓKA FLUG OG ÆTLA MAMMA OG PABBI AÐ KOMA Í HEILA VIKU Í HEIMSÓKN Í PÁSKAFRÍINU!!!!!!!!!! :D JEEEIIIJJ!!!! Ég er ekkert smá ánægð með þig pabbi! Gvuð hvað ég hlakka til!! Þetta er bara eftir mánuð! Og svo var hann að pæla í því að leigja bíl og keyra kannski til Hamborgar og við myndum öll gista þar í 1-2 daga!!! þetta er bara snilld! hlakka svo til að fá þau! Sérstaklega Pabba því hann hefur ekkert komið hingað út til mín!

En svo ég fari ekki alveg að missa mig í gleðinni,. þá þarf ég að skrúa mig niður og kúpla mig í læri-gírinn, þó að ég sé drulluþreytt eftir þessa viku..

O jæja.. hérna eru nokkrar vel valdar og fallegar myndir af okkur fríðu dýrum frá seinustu helgi.

þema helgarinnar

Chandler svipurinn

Hulk?

so pretty

The Pancake-maker

2008-02-05T16:25:00.000Z

Bara 2 dagar í stelpurnar!

Hlakka svo til! Þær Elísa Hildur, Kristín og Heiða lenda víst kl.18:15 í Kastrup á fimmtudaginn. Get ekki beðið eftir að sjá þær! :D Á föstudaginn verður pínu partý í tilefni heimsóknarinnar þeirra. Það koma kannski nokkrar úr bekknum mínum og e-rjir úr skólanum hans Dags. Talandi um Dag, hann kom aftur heim til mín í gær! Það var æði! Hann átti mjög góðan tíma í Svíþjóð, ágætt fyrir hann að hafa farið eitthvert, þar sem hann hætti nú við skíðaferðina sína.

En annars er 'Mode-Messe' næstu helgi allstaðar í Kaupmannahöfn! Það er svona há-tísku-stór-hátíð sem fer fram í 3 risastórum íþróttahöllum frá fimmtudegi til sunnudags. Mjög spennandi, en við munum fá frí úr skólanum á föstudaginn og frítt inn í eina höllina, en eigum líka að fara og skoða allt og skyssa og svoleiðis. Veit ekki hvortað ég dragi stelpurnar með mér, en ég verð að fara allavega.

Svo er allt komið á fullt með skyrtu verkefnið. Vorum í gær að skyssa og skyssa og svo var farið í allar efnabúðir að fá efnisprufur, svo farið heim og skyssað meira. Í morgun gat ég svo með hjálp bekkjarsystra minna ákveðið hvernig skyrtan mín ætti að vera. Það ætti samt frekar að kalla þetta mussu. whatever. Ég skannaði inn teikninguna af mussunni, en bara framhliðina, á bakhliðinni verður stór slaufa úr bleika borðanum, ásamt öðrum details. Þema 'skyrtunnar' er augljóslega sumar/vor og ég, mjög ég-leg mussa.

Allavega join! Svo styttist í að ég setji inn gömul verkefni mín inn á linkinn "Verkefnin mín".. bara be patient ;)

2008-02-03T17:42:00.000Z

Á morgun er Bolludagurinn !

Jæja, núna er ég búin að vera ein síðan á fimmtudag. Mjög skrítið.
Á föstudaginn fór ég til bekkjarsystur minnar í hygge; chill.. hanging out, er til eitthvað íslenskt orð fyrir þetta? afslöppun? Jæja við allavega pöntuðum okkur pizzu, sem var ein sú besta sem ég hef smakkað hérna í Danmörku! Svo var bara spjallað og spjallað og svo horfðum við á The Devil wears Prada, ekta stelpumynd. Þegar klukkan var orðin 3 um nótt var ég nú ekki viss um að ég ætlaði að gista hjá henni eða fara ein heim, hún býr s.s. á Amager. Ég verð nú að virðurkenna að ég var pínu vör um mig, sérstaklega þegar ég labbaði frá strætóstoppinu á horninu og upp götuna í svarta myrkva þar sem ljósin í götunni virka ekki.. pínu scary, en ég lifði það af.
Svo daginn eftir svaf ég nú aldeilis til hádegis og dundaði mér bara hérna heima, aðeins að laga til, teikna, og svo bara horfa á sjónvarpið. Svo talaði ég við mömmu soldið lengi og þurfti svo að flýta mér aftur út á Amager í stelpukvöld, þegar ég kom voru stelpurnar, Jeanette og Kaia, bara búnar að elda og fékk ég bara æðislega gott kjúklinga-pasta. Svo aðeins fyrr en kvöldið áður, fór ég um miðnætti, enn og aftur örlítið stressuð, svona ein, en þetta venst, vona ég.
Svo er ég bara búin að slappa af í dag, teikna, horfa á sjónvarpið, lesa biblíuna,(Vogue), og tala við mömmu og pabba á Skype. Voðalega notalegt bara.
Svo kemur kallinn aftur á morgun. Hlakka alveg soldið til að fá hann aftur! Lendir um kl.15 held ég, vona að ég þurfti ekki að vera lengur í skólanum, en á morgun byrjar nýtt verkefni- Skyrta! Snilldar verkefni, örugglega það erfiðasta hingað til, það er hægt að gera svo rosalega margt og ég veit ekkert hvað ég ætla að gera. Kannski skyrtukjól, en ég hugsa meira um svona flotta mussu eða tunika. En það eru kröfur um kraga, ermar, ermalíningu, hnappa/-göt og e-ð fleira. Já það kemur í ljós, á morgun fer ég í mikla research vinnu, svo þarf að vinna efni og svo framvegis.

Svo styttist í krúttin mín! Fimmtudagur jeeiij! :D

Hej så!

2008-01-31T18:57:00.000Z

Home Alone

Í dag var evaluering: skil á buxnaverkefninu. Búin að vera frekar strembin vika.
Ég var sem betur fer löngu byrjuð á möppunni og átti þar af leiðandi mjög lítið eftir í henni. Ég reyndi að þróa tískuteikningarnar mínar svolítið, maður verður nú að hafa þetta flott. En því miður náði ég ekki alveg að klára að sauma buxurnar. Ég hefði mögulega getað klárað þær í gær, en það vildi svo til að ég var komin með það slæman verk í bakið að ég gat ekki setið í stól, og hvað þá að sauma! Ég fór semsagt bara heim eftir hádegi í gær, því að ekki gat ég gert mikið niðrí skóla.
Ég fór heim og kláraði að líma saman möppuna en tók ekki einu sinni upp saumavélina, meikaði engan veginn að setjast. Ég sleppti bara að segja frá því í dag og svo fattaði heldur enginn að það vantaði rassvasana á buxurnar! En þetta gekk annars bara vel. Vorum búnar fyrir hádegi og fórum nokkrar að borða saman hádegismat.

Núna er ég bara alveg alein fram á mánudag því að Dagur fór í morgun til Svíþjóðar. Þetta er frekar óvenjulegt fyrir mig að vera alveg ein svona lengi! Ég er samt búin að bjóða stelpunum í bekknum til mín annað kvöld og held ég að svona 2-3 ætla að kíkja. Bara øl og hygge held ég ;)

En núna verð ég eiginlega bara að laga til, vaska upp og þrífa smá. Mig langar helst út í göngutúr, mér fannst best að labba í dag, þá finn ég minnst til í bakinu, en ég verð að segja að ég þori ekki ein út hérna að kvöldi til.. Svo að ég bara labba um í litlu íbúðinni minni og þurrka kannski af í leiðinni ;)

Jæja, svo er bara 1 vika í stelpurnar mínar!!! Gvuð ég get ekki beðið eftir að fá þær! Það verður sko fjör!

Over and out

2008-01-27T22:23:00.000Z

..Stutt halló...

Já þá er ég bara búin að vera að læra á fullu alla vikuna. Sauma, teikna, photoshop'a. Var til kukkan 20:05 í skólanum á fimmtudaginn, Dagur var á Strikinu og kíkti upp í skóla. Beið þar svo í 2 klukkutíma eftir mér, hann spjallaði við bekkjarsystur mínar á meðan ég var á fullu að sauma. Á að skila næsta fimmtudag, pínu stress, eins og alltaf. En Dagur er búinn með prófin og kominn í vikufrí.
Hann ætlar að fara til Svíþjóðar með pabba sínum að heimsækja frænkur næstu helgi.
Svo að ég verð alein í 5 daga, í fyrsta skiptið frá því að við fluttum hingað út! En þar sem það hefur verið siður hjá stelpunum í bekknum að fara á kaffihús eftir svona stærri verkefnaskil er ég að spá í að halda kannski smá partý á föstudaginn.
En helgin er búin að vera mjög fín bara, þrif og lærdómur á laugardaginn. Nanna kíkti á okkur um kvöldið í kaffi og bjór, Danni kom líka rétt fyrir miðnætti. Það var spjallað um öll helstu heimsmálin eins og vanalega.
Svana, ömmusystir Dags, og Óli kíktu í kaffi, vöfflur og kósýheit til okkar í dag. Þau voru á árshátíð með vinnunni yfir helgina og fara aftur heim á morgun.
Svo styttist í snúllurnar mínar, Elísu, Kristínu og Heiðu, en þær koma til mín eftir 1 1/2 viku! =D
Það verður æði að fá þær aftur!

En núna er ég farin að sofa, langur dagur á morgun, og örugglega langir dagar alla vikuna.

Góða nótt.

2008-01-21T14:55:00.000Z

Já sæll

Ekkert merkilegt að frétta héðan svo sem. Byrjuð á fullu í verkefni í skólanum. Sparibuxur úr ullar efni. Ætla að gera þær soldið töff, í Chanel- stíl, hvítar og svartar. Fáum samt allt of lítinn tíma fyrir verkefnið, erum rétt svo að klára að gera sniðið perfekt-sem er búið að taka viku, og eigum að skila buxunum fullkomnum velsaumuðum á fimmtudaginn í næstu viku, takkfyrir! Veit ekki alveg hvernig þetta á eftir að koma út, efast pínu um að allir ná að klára þær á svona stuttum tíma! Svo er fullt af öðrum verkefnum í gangi sem ég vinn bara heima, hanna línu útfrá persónu úr bíómynd og fleira svoleiðis.

Helgin var mjög fín hérna hjá okkur. Á föstudaginn hittumst við bekkurinn á kaffihúsi eftir skóla og fengum okkur einsog eitt hvítvínsglas, eða tvö. ;) Endaði mjög skemmtilega, fór loksins á einn stað sem heitir Moose, sem er frekar sjúskaður en með mjög skemmtilega tónlist, þar voru veggirnir ekkert nema út krotaðir og mörg skilaboðin þar voru á íslensku.
Þar héngum við Hege, norska vinkona mín, og kærastar okkar, til klukkan níu um kvöldið.
Á laugardaginn var Dagur á bókasafni að læra á meðan ég lagaði loksins almennilega til hérna og gerði stór hreingerningar! Um kvöldið eldaði Dagur fiskibollur og horfðum við á Walk the line, æðisleg mynd. Svo ákváðum við nú að fara bara að spila, og vorum við í Monopoly til klukkan 2 um nóttina. Á sunnudaginn var bara lærdómur sem hertók íbúðina, en eldaði ég svo Fettucini Carbonara í fyrsta skipti í kvöldmatinn.

Núna er Dagur að fara aftur á bókasafnið og verður þar í allt kvöld. Ég ætla að læra á meðan hérna heima, maður þarf heldur betur að vera duglegur núna.

Jæja, farin að læra.

Blessó

2008-01-13T16:41:00.000Z

Ársannáll 2007 -löng og innihaldsrík færsla!

Janúar
Já Janúar byrjaði svo sem hægt, áramótateitið var heima hjá Heiðu.
Danmerkurpælingar voru komnar í fullan gang, spurningin var í hvaða skólum átti ég að sækja um?
Rúsínukossarnir mínir, þær Elísa Hildur og Kristín Ósk, yfirgáfu okkur stelpurnar og héldu til Afríku! En áður var náttúrulega haldið kveðjupartý.
Ég tók þá ákvörðun að vinna enn meira en ég gerði og fór að vinna flest kvöld og aðra hverja helgi í gömlu vinnunni minni, á Hróa Hetti, en á daginn, og helgarnar á móti, vann ég í 112% starfi sem deildarstjóri í Zara í Kringlunni.

Febrúar
Slæm flensa herjaði á mig og var álagið mikið í vinnunni.
Ég hafði samband við alla skólana í Kaupmannahöfn og komst að því að bara 2 komu til greina fyrir mig. Það voru Columbineskolen og Margrethe-Skolen, og sótti ég um hvorn tveggja.
Við Dagur fengum danskennslu í stofunni heima hjá mér, þar sem Bjartmar og Bjarma fóru í gegnum helstu danssporin fyrir Fiðluballið. Það var haldið í Iðnó og var alveg stórskemmtilegt! Hægt var að sjá mig dansa í tíufréttunum á RÚV!

Mars
Sara gamla hélt hress upp á afmælið sitt í heimahúsum, en ég gat bara stoppað stutt, vinnan..
Svo var það kveðjupartý, þar sem 2 telpur úr Zöru, Brynja og Sara Björg, voru að hætta.
Hringdi í stelpurnar í Afríku og fékk að heyra nokkrar spennandi sögur!
Svo var aðalfréttin sú að ég komst inn í skólann! Margrethe-Skolen bauð mig velkomna eftir að hafa skoðað umsóknina mína í varla 1 dag!

Apríl
Enn og aftur mikil flensa í gangi og ekkert nema vinnan í lífi mínu.
Stækkuninni á Álverinu í Straumsvík var hafnað, takk Hafnfirðingar!
Heiða átti afmæli og hélt lítið en flott matarboð heima hjá sér í Garðabænum.
Árshátíð Zöru, eða sumsé Sérvörusviðs Haga var haldin á Hótel Sögu, saumaði mér mjög sætan bleikan kjól úr handofnu hrásilki fyrir þessa svakalegu hátíð.

Maí
Snúllurnar mínar komu dökkbrúnar og sætar heim frá Afríku, og Elísa með dredda!
Við Dagur vorum ekki búin að finna íbúð í Köben, smá stress.
Evróvisjón og kosningar.
Ég pantaði bás í Kolaportinu, ásamt Elísu og Kristínu, og seldum allskonar drasl þar, samt aðallega föt, frá mér.
Allsherjar kveðjupartý var hjá okkur Zöru stelpum, þar sem við vorum svo margar að hætta á sama tíma. Það var svona “famous people” þema og mætti ég sem Dilana úr Rockstar, sem vakti mikla lukku!

Júní –langur mánuður
Dagur minn útskrifast úr MR! Hann var flottastur á sviðinu í Háskólabíóinu!
Það tók sinn tíma að pakka öllu okkar drasli, en komum því fyrir á tveimur brettum í gám og sendum með Samskipum til Danmerkur.
Við héldum ágætis kveðjupartý fyrir alla okkar vini og vandamenn á Norðurbrautinni gömlu góðu. Stelpurnar komu svolítið seint, eftir margra klukkutíma kveðjugjafar- undirbúning, gáfu þær mér albúm. Þær fengu mig til að hágrenja í partýinu..

Svo var það kveðjurúntur, kveðja ömmur og afa og fleiri. Mjög erfitt.
Kvaddi pabba heima og svo var ekkert eftir nema að keyra út á völl, tjékka sig inn og kveðja mömmu. Tilfinningarnar voru mjög blendnar á þeim tímapunkti.

Jæja, þá var parið komið í fyrsta skiptið í íbúð sína, 11.júní. Vorum hissa en samt sátt.
Svakalegur hiti var úti þá og héldum við að við værum á Spáni en ekki í Danmörku!
Kristín átti afmæli 12., ég var hjá henni í anda.
Fyrstu dagarnir í íbúðinni fóru í að laga til, þrífa og henda út gömlum húsgögnum eftir einhverja kellingu sem skildi allt eftir í rusli. Svo máluðum við og gerðum allt mjög fínt.
Keyptum margt nýtt í búið í IKEA og ferðuðumst með 30lítra málningardollur, skúringagræjur og margt, margt fleira á hjólum og í lestum um hálfa Kaupmannahöfn.
Skráðum okkur í Danaveldið og komumst að því hve sniðug tilboð eru!
Fyrstu gestirnir okkar, fyrir utan Anton og Danna, voru Mídía og Tóbías vinir okkar frá Þýskalandi. Þau gistu hjá okkur heila helgi í lok júní og var mjög gaman að hafa gesti.

..gestir ha..?

Júlí
Allt fór á flot og gáfust þær Magga, Gyða og Gugga upp á drullunni á Hróarskelduhátíðinni og flúðu til okkar og gistu hjá okkur yfir helgina.
Við Dagur vorum dugleg að fara út í sólböð og skoða borgina, stundum fengum við fólk með okkur í lið eins og hana Söruh litlu, vinkonu mína úr Zöru.
Hillur og gardínur voru settar upp í íbúðinni.
Fórum til Láru frænku í matarboð, eftir heilan dag í sólbaði við Hundige Stöndina.
Svo loksins kom tengdó með litla kútinn, hann Arnar Helga. Hún var hérna í viku og þá var farið í dýragarðinn, í Tívolí, í Fields, Christianiu, Íslands bryggju, Nyhavn og að sjálfsögðu Strikið. Fengum alveg dýrindis góðan mat öll kvöld þar sem hún var að splæsa! Svo var það flugvöllurinn og var frekar erfitt að kveðja þá.
En svo kom hann Auðunn, Svíinn, til okkar. Með honum fórum við á söfn, kaffihús, sáum litlu hafmeyjuna, Tívolíið og fórum að lokum til Svíþjóðar, takk fyrir!

Ágúst
Í Svíþjóð vorum við fyrstu í Linköping, heima hjá Auðunni, og svo í sumarbústaðnum, Gransjö, sem liggur við Austursjó. Húsið var gamalt hótel og minnti engan veginn á sumarbústað. Þar hertók mig gróðurofnæmi og var frekar kvefuð og ógeðsleg. Strákarnir fóru á tuðru á Speed-bát, sem ég fékk að keyra! Það var mjög skemmtileg upplifun og áttum við mjög góða viku með honum í Svíaralandi.
Þar smíðaði ég líka sjálf smjörhníf úr við og sendi pabba í afmælisgjöf.

Þegar við komum aftur heim var það bara að taka upp úr töskunni, þvo og pakka aftur. En þá héldum við til Þýskalands, nánar tiltekið Hamborg, á mínar æskuslóðir.
Þar áttum við þokkalega rólega, en mjög skemmtilega helgi með Mídí og Toby.
Fórum í Bier-Garten, í hjóla-bátsferð, settum bubble-bath í gosbrunna og fleira.

Svo var það aftur Köben, og þá kom hann Daníel Freyr, bróðir Dags, í heimsókn. Stuttu seinna kom pabbi bræðranna og var yfir helgi. Þá var farið í Tívolíið, um Nørrebronx og fleira skemmtilegt. Spilað fram á nótt og heimsmálin rædd.

Næstu gestir sem komu voru snúllurnar mínar þær Elísa og Kristín. Það var tekinn smá túristarúntur með bát en annars bara afslöppun og svo bara skemmtilegt djamm. Þær voru hérna þegar ég mætti fyrsta daginn minn í skólann, það bjargaði mér alveg að vissu leyti.
Já fyrsti skóladagurinn var 20. ágúst, þá stóð ég kl. 9 á Strikinu, með hjartslátt í kokinu, og stelpurnar villtar í að komast að versla. En ég rataði í skólann, smá vesen fyrst, örlítið örmagna eftir allar tröppurnar, en þetta var svo bara hið æðislegasta mál.
Þá kynntu sig allir, þar á meðal kennarar, sem voru þeir/þær einu sem ég skyldi. Þá kom mér samt á óvart hvað ég skildi mikla dönsku, en bara það sem kennararnir sögðu!
Svo kvaddi ég stelpurnar um kvöldið og daginn eftir varð ég 21 árs gömul. Dagur bauð mér mjög fínt út að borða og var það bara rólegt en æðislegt afmæli.
Svo komu þau Dabbi og Agnes að heimsækja okkur, þau gistu reyndar á hóteli, en við buðum þeim hingað í sænskar kjötbollur með makkarónum og tómatsósu, namm!
Kata Björg kíkti svo á okkur í eina nótt þar sem hún var að millilenda á leið sinni til Ungverjalands þar sem hún byrjaði að læra læknisfræðina.
Ég keypti mér svo loksins góða saumavél fyrir peninginn sem ég fékk í afmælisgjöf.

September
September var í heild sinni aðeins rólegri mánuður en hinir á undan.
Hann byrjaði þó með svakalegum látum þar sem hálft ár var liðið síðan að Ungdomshuset var rifið. Þá fóru allir þessir krakkar út á götu að kveikja í öllu, brjóta rúður, stela úr búðum, spreyja á allt og rifu þau upp götunar og gangstéttarhellur. Svakalegt að sjá þetta.
Stjáni kom til okkar yfir helgina en hann var að fara í skóla hérna úti.
Amma Ósk kíkti á okkur í nokkra daga, villtist í strætóum í borginni en átti samt fínan tíma hérna með okkur. Svo hittum við líka Gunna, en aðeins í hádegismat, á danska vísu.
Svo kom hún Sara mín líka í heimsókn. Það var mjög fínt að fá hana, bara rólegt og nice. Það var eldað og farið út að borða, pínu verslunarleiðangur og Tívolí á flugeldasýningu.
Heiða sæta og Andri trúlofuðu sig krúttin, en þau hafa verið heillengi saman.
Danska haustið heillaði hann Dag alveg upp úr skónum, fórum í marga göngutúra úti.
Vinnu-helgi var hjá okkur í blokkinni. Þar áttum við annaðhvort að þrífa kjallarann og laga til, eða henda dauðum dúfum og rusli af loftinu. Við lentum í báðum verkunum en misstum af rottunum sem hlupu um kjallarann daginn eftir. Kynntumst nágrönnum smá.

Október
Mamma og Pabbi fluttu inn í nýja húsið þeirra í Vogunum. Þau voru búin að vera að byggja þetta fallega hús í meira en 1 og hálft ár og er þetta kraftaverk sem þau hafa gert.
Í þessum mánuði var farið mikið í göngutúra. Haustveðrið var æðislegt. Á peysunni eða bolnum, í bænum eða í skógunum, það var labbað í góða veðrinu.
Í einum göngutúrnum okkar á laugardegi, sem nam um 4 klukkustundir, lentum við í miðri Ungdomshus-mótmæla göngu. Umferðin var lömuð, þyrlur í loftinu og lögreglubílar út um allt, allir tilbúnir í slaginn, en þessi mótmæli voru sem betur fer friðsæl.
Stór dagur var í skólanum hjá mér þegar við áttum að sýna fyrsta verkefnið okkar fyrir framan alla í bekknum. Allar voðalega stressaðar en gekk allt bara svakalega vel.
Haustfríið byrjaði og elsku besta mamma kom að heimsækja okkur! Það fór góður rúntur í Nørrebro og víðar, en bærinn er mömmu vel kunnugur. Dagur eldaði góðan mat að venju og var líka farið fínt út að borða. Í öll skiptin sem hún hafði komið til Kaupmannahafnar hafði hún aldrei komið til Christianiu, svo að það var farið með hana þangað og sýndum við henni það ríki. Svo fyllti mamma vel á hjá okkur, með tólum og tækjum en sérstaklega með mat. Áttum til fullt að borða í góðan tíma.
Svo viku seinna fékk ég hana tengdamömmu aftur í heimsókn, en þetta sinn sleppti hún Arnari Helga en tók Svenna í staðinn. Þau versluðu á daginn á meðan við vorum að læra. Svo var eldað og farið fínt út að borða bæði laugardag og sunnudag. Á laugardeginum var Nanna líka með okkur og voru teknir nokkrir drykkir og cockteilar í bænum. Mjög hresst!
Þynnka og tímabreyting einkenndi sunnudaginn. Fengum klukkutíma extra.

Nóvember
Mikill lærdómur hjá mér. Kláraði annað verkefnið mitt, regnkápa í Mary Poppins stíl.
Héldum lítið partý, stelpur úr bekknum mínum, Birna Katrín vinkona, Danni, Nanna frænka, norskar og ein dönsk stelpa kíktu til okkar. Rólegt en mjög skemmtilegt partý.
Helginn eftir buðum við aftur Birnu Katrínu, Nönnu og Danna í smá chill, bara næs.
Fyrsti snjór fellur í Kaupmannahöfn 11. nóvember.
Maggi stóri bró, Elísa Hildur snúllan mín og Ólöf Inga áttu afmæli.
Skólinn sendi allan bekkinn minn á tölvunámskeið í Hellerup, bara helmingurinn mætti.
Við Dagur kíktum á jólamarkaðinn í Nyhavn.
Polina, skólasystir Dags, bauð okkur og fleirum í skemmtilegt matarboð heima hjá sér.
Við Dagur bjuggum til nýtt útlit á síðuna mína.
Nanna bauð okkur í mat til sín og var spjallað lengi um heimsmálin á Old English Pub.

Desember
Brjálað að gera hjá mér í skólanum allan mánuðinn.
Mídía og Tobías kíktu í heimsókn yfir helgi, drukkin bjór, farið í Tívolíið og spjallað.
Mamma átti ammæli, fullt af fólki kom í nýja húsið og fékk ég að sjá það ‘live’ á Skype.
Ég fór í julefrokost upp í skóla, hlaðborð og vín. Allir að reyna að fylla mig, það tókst.
Amma Arna og Anna komu til okkar. Með þeim fórum við í jólahlaðborð á bát ásamt Nönnu, Önnu Jónu og Ævari. Æðislegur matur! Fórum líka út að borða í Tívolíinu.
Ég kláraði verkefnið black dress, hafði ‘óvart’ grennst og kjóllinn var aðeins víður á mig.
Pabbi Dags, hann Sævar, og unnusta hans, Daniella, kíktu til okkar frá Noregi yfir eina helgi. Ég var heima að læra allan tíman en Dagur fór með þeim í bæinn í jólastemmara.
Sturlun í skólanum hjá mér. Þriggja daga próf og allskonar brjálaði.
Í allri þessari brjálaði átti tengdó og svo hann Dagur minn afmæli. Ég var búin að kaupa afmælisgjafir löngu áður en tók ég mér smá frí frá lærdóm það kvöld og fórum við og bauð ég honum upp á sushi. Í eftirrétt fékk hann svo súkkulaði-fondue frá mér með fullt af jarðaberjum, konfekti og kaffi og fleira. Rosalega gott og skemmtilegt að borða svona. Svo var það bara pakka öllu á sólarhring og flýja úr þessari brjálæði til Íslands.

Ísland-Í stuttu máli
Við gistum hjá mömmu og pabba í húsinu út í Vogum. Við áttum varla til orð þegar við komum í húsið. Ég skil ekki hvernig þau gátu gert alla þessa vinnu sjálf. Þetta er hreinasta kraftaverk og geta þau verið virkilega stolt að þessu húsi, allavega er ég það fyrir þeirra hönd og mjög stolt af þeim.
Aðfangadagskvöld vorum við hjá tengdó og eldaði Dagur jólamatinn. Þar voru ekki bara Linda, Svenni, Daníel og Arnar Helgi, heldur voru líka Amma Ósk, Gunni og Harrý, og líka Arna og Sighvatur. Þetta var fínasta aðfangadagskvöld með fullt af pökkum fljúgandi um loftið og litli prinsinn vissi ekkert hvað hann átti að gera við allt þetta dót.
Þegar búið var að opna alla pakka og flestir að fara lögðum við líka af stað í Voganna og héldum áfram að opna pakka sem biðu okkur þar.
Jóladag og annan í jólum vorum við í veislum. Svo tóku við matarboð og allskonar skemmtilegar heimsóknir. Nóg að gera. Gamlárskvöld vorum við svo í Vogunum og átti maður varla til orð yfir sprengjugleðinni á þessum íslendingum. Það var svo mikið rok að raketturnar flugu láréttar um loftið og fengum við allavega eina í gluggann. Þetta var hið skemmtilegasta fjör sem hélt svo frekar rólega áfram. Dagur náði að fylla ömmu mína og afa með rommi og kók, eða Cuba Libré réttara sagt, og spjölluðu þeir Dagur og afi minn til klukkan 5 um nóttina í eldhúsinu á meðan restin hélt sig í stofunni að tala saman.

Það var mjög skemmtilegt að koma heim og þó að við búum hérna úti og munum gera það í mörg ár, þá mun alltaf heita, að fara til Íslands, að koma heim.

Ég náði ekki að hitta alla sem ég vildi hitta, því miður, en það verður bara næst þegar ég kem til landsins. Svo er fólk alltaf velkomið að kíkja til okkar í Danaveldið, kannski ekki í miðjum prófum, en annars, alltaf. =)

Að lokum ætla ég bara að þakka öllum kærlega fyrir hjálp og stuðning sem þið hafið veitt okkur. Þetta er búið að vera mjög skemmtilegt og lærdómsríkt ár fyrir okkur Dag.

2008-01-07T21:16:00.000Z

Komin heim, til Köben

Ég ætla nú ekki að koma með sérstaka ferðasögu af tímanum á íslandi en ég skrifa kannski einhvern smá ársannál 2007.
Við erum allavega komin heim í íbúðina okkar og lífið farið að snúast aftur eðlilega.

Við vorum komin heim í gærkveldi kl.22. og sáum að allt var í fínasta lagi hér, meiraðsegja bonsai-tréið mitt er á lífi, auk hinna plantanna minna! =D
Svo gleymdi ég að breyta klukkunni á símanum mínum, og fór á fætur hálf átta í morgun og tók mig til og svoleiðis, en þá var ég bara á íslenskum tíma. Þurfti að hlaupa út með tóman magann og hálfsofandi. Æði, kom fyrsta skóla daginn minn 20 min of seint.

Fyrsta verkefnið sem við erum að gera í skólanum er, finnst mér, mjög leiðinlegt. Við erum að gera allskonar skinn- og leðurprufur og þurfum í lok vikunnar að vera búnar að gera tösku eða belti eða e-ð. Það er svo erfitt að sauma í leður! :/
Svo í næstu viku byrjum við á næsta verkefni sem verða buxur. Þá erum við að fara að gera út janúar perfekt vandaðar og flóknar buxur á okkur sjálfar. Ég er ekki beint spennt fyrir því akkúrat núna, því að ég er ennþá ekki búin að ná á mig þeim kílóum sem á mig vanta, og ef ég geri buxur núna, verða þær of þröngar stuttu síðar. Ég er að spá í að gera bara náttbuxur! ;)

Jæja ég ætla ekki að blogga meira núna, snemma að sofa.

En ég ætla bara að segja við ykkur öll Takk æðislega fyrir mig :*

Lísa

2008-01-04T10:54:00.000Z

Stutt eftir

Já nú er bara stuttur tími eftir á Íslandi, en við fljúgum aftur til Köben á sunnudaginn.
Það verður nóg að gera þangað til.
Annars er búið að vera mjög fínt hérna yfir jólin og áramót. Fullt af jólaboðum og matarboðum og svo heimsækja fólk og svolleiðis.
En það verður ekki lengri blogg að svo stöddu.

Heyrumst fólk!

2007-12-21T21:28:00.000Z

Komin á klakann!

Já ég ætlaði bara að láta vita að við Dagur erum komin á klakann, síðan í gærnótt. Flugið var ágætt en Kastrup var soldið troðin. Við munum gista hérna í Vogunum hjá mömmu og pabba en verðum mikið á ferðinni um Reykjavík. Ég er með gamla íslenska númerið mitt og megið þið bara endilega bjálla í mig eða senda mér sms ef e-r vill hitta mig! Það er nóg á dagskránni en mig langar að hitta sem flesta á meðan ég hérna! ;)
Annars óska ég bara öllum Gleðilegra jóla! =)

Lísa, íslenski gsm: 847-3273

2007-12-14T16:15:00.001Z

2 verkefni búin, 2 eftir + 2 daga próf

Jæja þá er Black Dress verkefnið búið. Style verkefnið var í dag, og núna fer helgin í að læra undir Tilskæringsprófið og gera möppuna fyrir það, sem ég skila á miðvikudag. Ég hef ekki sofið mikið seinustu daga og borðað lítið, svo að ég hef bara eina setningu til að lýsa því best hvernig mér liður, I feel like shit! Svo eftir að vera búin að vera að sauma í heilan mánuð og gera allt í kringum þennan svarta kjól, heyrðu viljiðið vita fréttir?! Ég er búin að grennast svo að hann er alltof víður á mig!! Það sést ekkert svo vel, en það fer samt sem áður í taugarnar á mér. Ég verð samt í honum um jólin!

Ég var svona heldur svekkt. Sérstaklega þar sem ég er ekki í megrun, og þarf ekkert á því að halda. Já svona er þetta, en ég lofaði kennaranum mínum að ég myndi borða einsog svín heima um jólin og koma til köben í réttu stærðinni minni, þannig að ég myndi passa í kjólinn minn! Þetta er samt mjög fyndið þar sem flestar konur eru yfirleitt að grenna sig fyrir jól eða hvað sem er til þess að passa í kjólana sína, hjá mér er þetta akkúrat öfugt..

Já, annars er Sævar, pabbi Dags, og Daniella, unnusta hans, í heimsókn núna hjá okkur yfir helgina. Ég verð náttla ekki á miklu flakki um bæinn, en Dagur fer nú örugglega með þeim á Strikið og aðeins um bæinnn held ég. Þetta verður bara frekar afslappað, svona rétt fyrir utan lærdóminn hjá mér..

En já ég set hérna inn 2 myndir af mér í kjólnum, önnur er soldið upplýst.. en whatever.
Svo eftir jól set ég inn öll verkefnin mín á síðuna, þar á meðal líka fleiri myndir af kjólnum og regnkápunni og fl..

Svo á Dagur bara afmæli núna á þriðjudag, Linda tengdó á mánudag, og á fimmtudag ERUM VIÐ KOMIN TIL ÍSLANDS!!! Minna en vika í þetta. Ég bara trúi því ekki.. svo mikið sem ég á eftir að gera.. úff.. og ég var að byrja á túr .. hehe.. sorrý en ég þurfti að bæta þessu inn.. segir alveg til hvernig skapið mitt er þessa stundina.

Jæja.. þá hef ég ekki mikið meira að segja, en Sjáumst eftir viku!! =D

kveðja
Lísa úrvinda í Köben

2007-12-10T22:54:00.000Z

Crazyness!

Helgin var alveg hreint hin bestasta barasta.
Það var æðislega góður matur á bátnum sem við fórum í á laugardaginn, þar voru stödd Amma Arna, Anna, Anna Jóna, Ævar, Nanna og svo ég og Dagur. Stór og skemmtilegur hópur. Báturinn keyrði fyrst svolítið mikið í hringi en fór svo alveg að Islands Brygge og svo í hina áttina að Nordhavn. Æðislegur matur og flott útsýni! Svona á þetta að vera! ;)

Eftir matinn fór hópurinn um jólamarkaðinn á Nyhavn en ég hljóp heim að sauma og vera dugleg fyrir skólann. En ég hitti þau aftur um kvöldið í Tívolí og þar var rölt um í þessum svakalega fólksfjölda sem var nú örugglega um 70% íslendingar. Svo var það Café Georg og Grøften, kaffi og svo kvöldmatur, að sjálfsögðu allt inní Tívolíinu.

Á sunnudaginn héldum við Dagur okkur heimavið, læra og elda. Í kvöldmatinn voru giant bakaðar kartöflur með allskonar fyllingum, ódýr og góður matur sem ég gæti alveg hugsað mér að borða oftar!

Arna og Anna fóru í morgun svo að við kvöddumst og við tók hjá mér stanslaus saumaskapur frá kl. 9-15 og svo vesenast í búðum fyrir möppuinnkaup.
Við, í skólanum, erum nú allar orðnar svolítið stressaðar, maður sér ekki fyrir sér að geta klárað öll þessi verkefni, fara í 2 daga próf og svo beint til íslands. halelúja!

Já það eru nefninlega bara 10 DAGAR í að við fljúgum heim á rokrassgats klakann, blessaða! ;)

Hlakka til að hitta ykkur öll. =)

Kveðjur úr Køben.

2007-12-07T16:52:00.000Z

Brjálað að gera!

Ég afsaka bloggleysið, en það er búið að vera brjálað að gera hjá mér! Öll verkefnin að hrúgast á mann og skilafrestur á öllum á sama tíma, eða s.s.á næstu 2 vikum fyrir jól.

Ég er komin langt með svarta kjólinn, segi samt ekki að það gangi e-ð vel,.. það gengur bara...
Ég á eftir að sauma næstu daga, svo klára möppuna við kjólinn- "The little Black Dress". Svo þarf ég að búa til hárskraut og litla tösku til að fullkomna lúkkið!
Svo er það annað verkefni sem ég skila deginum á eftir þessu, þá þarf ég að skrifa um stíl, ég dró Safari/Kolonial... Ekki beint það sem ég hef áhuga á, og mjög erfitt að finna texta og myndir..
Svo þarf ég að skila teikni-möppunni, þar eru um 100 blýantsteikningar eða e-ð jafn klikkað og svo eru vatnslitateikningar og litafræði hinn helmingurinn af möppunni. Ég á sumsé eftir að endurteikna flestar vatnslitateikningarnar því að þegar ég geri þetta í skólanum þarf maður alltaf að flýta sér svo og það lítur ekkert flott og vandað út!
Svo þarf ég að skila 'tilskærings'-möppu, þar þarf ég að gera aftur öll snið mjög vandað í 1:4 skala og teikna upp flíkurnar og e-ð meira bull.. það á eftir að taka soldið langan tíma!

Já annars er amma Dags og frænka, Arna og Anna, að koma til okkar í kvöld og verða fram á mánudag. Á morgun förum við í julefrokost á bát, það verður spennandi held ég! Ég vona líka bara að ég geti farið, það er svo rosalega mikið sem ég þarf að gera fyrir skólann.

Í gær var ég annars í julefrokost upp í skóla, það var alveg snilld. Maturinn var alveg ágætur, ekkert geggjaður, en ég er sátt þegar ég fæ e-ð annað en pasta og vatnsþynnta tómatsósu að borða! Svo var alltaf vel fyllt í glasið mitt af allskonar vínum, svo að ég er ekkert búin að vera e-ð ofurhress í dag..

Jæja ég ætla að fara að sauma... Veit ekkert hvort ég hafi tíma til að tjá mig e-ð mikið meira hérna fyrir jól.. ég reyni samt..

PS: Fyrir það fólk sem vill e-ð hitta mig og Dag, eða bara mig, þegar við komum um jólin, þá endilega pælið í því tímanlega, því að við þurfum að skipuleggja tíman vel á meðan við erum á Íslandi!

(Dagar sem eru nú þegar fráteknir; 21., 22.,(23), 24., 25.,26., 29., (31.).. .. )

Heyrumst later

2007-11-30T17:20:00.001Z

Jæja folks

Stutt blogg bara.
Er búin að vera að læra mikið alla vikuna. Mjög mörg verkefni í gangi sem þarf að skila fyrir jól.
Gestir næstu þrjár helgar-eða s.s. allan desember þangað til við förum heim. Nóg að gera!

Fékk umsögnina mína tilbaka um 'Regnjakka'-verkefnið mitt.
Mjög jákvæð umsögn; brot á dönsku hér: ,,..Arbejder meget godt og selvstændigt... Meget højt niveau konstruktivt og syteknisk.. Modellen er meget personlig, kreativ og romantisk, men samtidigt brugbar... Modetegning flot og mappen godt udført og viser ånden i projektet.. "

Vona að allir skylji þetta, nenni ekki að þýða..

Fór ekki í skólann í dag. Svaf yfir mig því ég gat ekkert sofið um nóttina. Notuðum daginn til að laga til og þrífa. Mídía vinkona og Tobías eru að koma frá Þýskalandi í kvöld og verða yfir helgina.

Núna, fyrir utan að sitja við tölvuna, er ég að sníða fóðrið í svarta kjóla-verkefnið og vinna í möppunni. Ætla að reyna að sauma fóðrið saman í kvöld og svo get ég ekkert gert meira fyrr en eftir helgina.
Dagur er að búa til deig og pizzasósu fyrir morgundaginn. Þjóðverjarnir verða sáttir að fá heimatilbúna pizzu. En þau kaupa áleggin!
Þetta verður örugglega skemmtileg helgi.

Fengum pakka í dag frá íslandi, tengdó sendi okkur súkkulaði-möndlukaffi og suðusúkkulaði, að ósk Dags. Þetta er alveg æði. roosa gott! Takk ;)

Hérna eru myndirnar frá partýinu hjá Paulinu síðasta föstudag.. =)

Dagur og Emil, láta Tópas-ið ganga, mjög vinsælt.

Kvöldmaturinn sem varð til kl. 22:00

Ég og Paulina í "Chocolate-chill-out-room"

Bestu kveðjur heim í storminn!
Lísa S

2007-11-25T21:31:00.000Z

Nýtt og ferskt útlit!

Já nú erum við Dagur búin að vera seinustu daga að vinna í að breyta þessari blessaðri síðu minni og er ég mjög sátt með útkomuna!

Hún er svolítið bleik, en þeir sem þekkja mig eru örugglega ekki hissa. Ekki að ég klæðist alltaf bleikum fötum, alls ekki, ég er engin barbídúkka. En ég hef mjög gaman að vera með bleik smáatriði í því sem ég klæðist, svo hef ég nú líka verið með bleikt hár!

Dagur er náttúrulega snillingurinn á bakvið þetta, ég sagði honum bara þetta á að vera svona, þetta öðruvísi, ekki svona, meira svona, stærra þetta, minna hitt og svo framvegis..

Takk æðislega ástin mín! ;*

Annars var nú líka gaman hjá okkur um helgina, vorum ekki bara í tölvunni allan sólarhringinn. Við fórum í matarboð bæði föstudag og laugardag!

Skólasystir Dags, hún Paulina, bauð okkur heim til sín föstudagskvöldið, ásamt 5 öðrum krökkum úr skólanum hans.

Þetta voru allt mjög hressir krakkar, maturinn góður, nóg af víni og stemmingin alveg hin besta! Enda lifir hún Paulina fyrir því að skapa ,,the perfect moment”- og ,,perfect atmosphere”. Til dæmis var eitt herbergið í íbúðinni hennar tileinkað súkkulaði og sígarettum, það herbergi hét “the chocolate chill-out room”. Þar var súkkulaði á boðstólum, kertaljós, tímarit, sígarettur, ilmkerti, súkkulaði-bíómynd,-don’t ask, og það sem toppaði þetta allt var súkkulaði BJÓR! Já í alvöru, þetta var bjór sem smakkaðist eins og súkkulaði, örugglega kvenmaður sem fann þann upp!

Já svo fóru krakkarnir allir í bæinn eftir miðnætti, á einhvern tónlistarviðburð, en þar kostaði 60krónur inn, og höfum við Dagur nú ekki efni á því svo að við fórum bara heim að kúra ;)

Svo í gær vorum við í mat hjá Nönnu frænku, á Vesterbro. Þar fengum við sinneps-hunangs-gljáðar kjúklingabringur sem voru mjög góðar, ég veit sko alveg hvað Dagur mun elda í vikunni! Eftir cappuccino og desert sátum við heillengi að spjalla en ákváðum um ellefuleytið að kíkja út á kaffihús eða pöbb, og fórum við í góðan göngutúr um Vesterbro og Istedgade en enduðum á Old English Pub þar sem Nanna splæsti á okkur bjór og við sátum og görguðum á hvort annað með Live-music í “bakgrunni”. Það var æðislega gaman!

Jæja, þetta er nóg í bili, ég lofa að vera meira dugleg að blogga hérna á nýju sætu síðunni minni! Svo á ég eftir að setja inn “Verkefnin mín”, þar ætla ég að setja inn allt það sem ég hef verið að gera undanfarið. Mikið spennandi framundan!

Svo að endilega kommentið og segið mér hvernig ykkur finnst nýja lúkkið! =)

2007-11-21T18:01:00.000Z

Sjónvarpsgláp og röfl.. ;P

Já, ég hef nú ekkert svakalega spennandi að segja en maður verður nú að blogga svo fólk viti að maður sé á lífi.
Í dag fór ég ekki í skólan, var bara veik heima. Ætlaði samt ekkert að vera heima, fór alveg á fætur og tók mig til, fékk mér morgunmat og kaffi, þó að ég var ekkert sérstaklega hress. Svo 5 mínutum áður en ég hefði þurft að fara út sagði Dagur mér að vera bara heima, það var gott hjá honum, mér leið frekar ílla. Bara með e-ð kjaftæði í maganum, flökurt og slöpp og svolleis.. er samt skárra núna, bara e-ð þreytt.
Ég hef samt varla misst af miklu úr skólanum, eða sumsé tölvunámskeiðinu sem við erum í þessa vikuna. Vorum mán. og þrið. að læra Photoshop, mér hundleiddist því ég kunni flest allt sem var verið að fara í gegnum. Það var bara tvennt sem ég lærði nýtt. Þetta sýnir enn og aftur hvað ég er klár! Nei djók. Allavega var ég ekki sú eina sem hundleiddist þarna, helmingurinn af bekknum "fór til læknis" eftir hádegið í gær, voðalega margar sem fóru saman, á sama tíma. Kennarinn bara hló að því.

Svo í morgun sendi ég sms á nokkrar og spurði hvort þær ætluðu í skólann, og gætu þá tilkynnt þessum kennara að ég sé veik, en þá ætluðu allar að skrópa, eða "vera veikar" í dag.

Jájá, ég fer bara á morgun og læri þá á Illustrator, það er annað teikniforrit, sem ég kann ekki á.
Svo að það verður vonandi aðeins meira spennandi fyrir mig.

Annars notaði ég nú seinnipartinn í dag til þess að pæla í jólagjöfum.. erfitt að finna út hvað er hægt að gefa fólki sem manni þykir vænt um, þegar maður á ekki krónu. Ég hef nefninlega haft þann veikleika frá því að ég fór að þjéna pening, að kaupa alltaf mjög margar jólagjafir, því að mér finnst það bara svo gaman. En núna mun þetta líta soldið öðruvísi út. Mér finnst að LÍN ætti að gefa háskólanemum desemberuppbót. Þá gefa, ekki lána.!

Ég hef einmitt verið að spá svolítið mikið í peningum upp á síðkastið, ekki skrítið kannski, maður fer að pæla í þeim þegar maður þarf að passa hverja krónu sem maður á! Og það er svo allt allt öðruvísi að lifa svona fátækur, úti, að leigja, heldur en að vinna og búa hjá pabba og mömmu.
Það er svo rosalega margt sem maður getur ekki leyft sér, maður fattar það ekkert strax.
Ég verð stundum alveg vitlaus þegar allir þessir tilboðsbæklingar fljúga inn um hurðina okkar, stútfullir af hundódýrum hlutum sem við værum alveg til í að eiga, og sumt sem við þyrftum að eiga, en þegar maður þarf að passa svona peninginn sinn þá þýðir ekkert að kaupa sér eitthvað sem er ekki bráðnauðsynlegt.
Okkur dauðlangar í marga hluti, (soda-streamtæki, vöfflujárn, góða steikingarpönnu, kaffi-termókönnu, lampa, loftljós, mp3-spilara, dekk á hjólið og svo framvegis..!) og þetta eru hlutir sem maður myndi ekki einusinni vilja fá í jólagjöf, því við þyrftum að bera þá aftur hingað út, og fyrir utan það, er allt svona hvort sem er hægt að kaupa miiklu ódýrari hérna! Svo að svona dót verða bara að bíða.

En svo aftur á móti eru hlutir sem mig virkilega vatnar sem ég get svo ekki keypt, einsog til dæmis vantar mig kuldaskó, einhverja hluta vegna hef ég ekki átt kuldaskó í nokkur ár, en hérna úti kemst maður ílla upp með að vera ekki í hlýjum og góðum skóm. Ég geng bara í sokkabuxum, leggings, sokkum og þaryfir ullarsokkum, og þarf að kremja fæturna mína í eitthvað af þessum litlu ballerínu eða íþróttaskóm, þ.e.a.s. þegar ég nenni ekki að vera í gúmmi- eða hælastígvélunum mínum, sem er kannski altílagi inná milli.

En svo nenni ég ekki að fara heldur í búðir, t.d. skóbúðir, því að ég verð svo pirruð á því að ég get ekki keypt það sem mig langar í. Svo kaupi ég líka bara það ódýrasta sem ég finn, og það getur tekið tíma að leita...

En gvuðminngóður það er einsog ég sé ofurdekraða blondínan Cher í Clueless myndinni sem er þunglynd vegna þess að hún þyngdist um 300grömm eða týndi óvart kreditkorti pabba síns.!
Ég ætla að hætta þessu röfli og hjálpa Degi að elda, sumsé setja spaghetti á disk.. ;)

Hey do!

2007-11-18T16:48:00.000Z

Jólafílingur

Jæja já,. Ég hef nú ekkert merkilegt að segja svosum.. En ætla að byrja að óska stóra bró til hamingju með afmælið á miðvikudaginn og Elísu með afmælið á fimtudaginn, jú og Ólöfu líka með á miðvikudaginn!.. ;)

Í vikunni vorum við að byrja á nýju verkefni sem er Den Lille Sorte, eða the little black dress. Það á semsagt að vera stuttur svartur kjóll. Sá á að vera einfaldur en sérstakur.. svoað það er pínu krefjandi verkefni, samt gaman að fá bara svona ákveðinn ramma og svo þarf maður sjálfur að finna út hvað er mögulega hægt að gera.. en já ég er búin að teikna upp kjólinn sem ég ætla að gera og búin að finna efni í hann, sem eru nokkur mismunandi, en er ekki búin að kaupa efnin. Svo er ég búin að búa til sniðið og sauma upp prufu, en það þarf auðvitað alltaf að breyta og laga og svolleis áður en maður fer í alvöru efnið.

En allavega þá fór vikan mín soldið í þetta verkefni en vikan sem byrjar á morgun verður eytt í tölvunámskeið. Allur bekkurinn er sendur í viku Computerkursus í Hellerup. Þar munum við læra á Photoshop og Illustrator og kannski e-ð fleira. Ég kann nú slatta á Photoshop, en það er nú alltaf hægt að læra meira, segi ég. Þetta verður fínt.

Helgin er búin að vera mjög kózý hjá okkur Degi. Í gær fórum við niðrí bæ, þar er búin að setja upp fuullt af jólabásum við Nyhavn, sem munu standa þar til 22 dez! Og viti menn, við keyptum fyrstu 2 jólagjafirnar! Mjög gaman. Þetta var mjög huggulegt þarna. Hlakka líka til að kíkja í Tívolíið, því þar byrja náttla bara jólin! Svo keypti ég stóran poka með piparkökum á 8 krónur, og er það búið að fylgja með hverjum kaffibolla núna um helgina. Algjört æði!

Já ég verð eiginlega að segja að ég er í miklu meira jólastemmara núna í Danmörku í Nóvember heldur en ég hef verið seinustu ár um 24 dez á Íslandi, þó leiðinlegt sé að segja það. En það er bara satt. Sérstakt, en satt.
Gæti verið vegna þess að ég hlakka til að fara heim núna.. og er ekki að vinna einsog geðsjúklingur í Kringlunni eða einhverstaðar og hef varla tíma til þess að pæla í jólagjöfum og er bara að ergja mig á klikkuðum íslendingum sem eru með kaupæði og kreditkortstraujunaræði. flott orð.

Svolítið öðruvísi stemming bara.

En já, ég hef annars ekki mikið meira að segja, bara mér er kalt. Mér er alltaf kalt. óþolandi. Mig langar í húfu og trefil í jólagjöf, og vettlinga eða leðurhanska, og hlýja hlýja peysu. takk. ! =)
Ég sit núna við tölvuna, í 2 peysum, þar af önnur mjög þykk, 2 bolum þar undir, sokkabuxum og buxum, og ullarsokkum, og mér er kalt. :/

Ég tók þessar myndir með gemsanumm minum, svo þær eru ekkert sérstaklga góðar, en þetta er á jólamarkaðinum við Nyhavn.

Yesyes.
Bæ í bili ;)

2007-11-11T16:10:00.001Z

Regntøj

Ég og Kaia í regnflíkunum okkar

Sorrý hef ekki bloggað í viku, var líka að klára verkefnið mitt sem við sýndum svo á föstudaginn. Var alla vikuna á fullu að sauma og teikna og klippa út pinkulítil blóm úr vaxdúk.. svaka fjör

En já svona aðeins um verkefnið mitt, að þá áttum við að hanna regnflík/regnjakka, og mátti vera meira kreatív, heldur en nothæf.. Svo að ég gerði regnflík sem er meira einsog kjóll, með risastóra hettu, og hægt er að taka neðsta hlutinn, sumsé blúnduna, af og nota líka sem svona styttri 'sumarjakka'. Innblásturinn minn var soldið svona antík, rómantískt og feminín og að sjálfsögðu Mary Poppins, einsog kannski sumir munu finna út á myndinni. En allavega þá er ég bara mjög sátt við regnjakkann minn en svo fæ ég möppuna mína tilbaka eftir 1-2 vikur og þá kemur í ljós hvernig kennararnir mínir fíluðu þetta.

Já annars þá vorum við með smá partý á föstudeginum fyrir viku og bauð ég nokkrum stelpum úr skólanum, en bara ein komst, en hún tók með sér alveg slatta af skemmtilegum normönnum, hún er sumsé norsk. Svo kom Nanna líka, frænka Dags. Svo að þetta voru 6 norskar stelpur, 1 dönsk, 2 ísl og svo Dagur. hehe... en þetta var mjöög skemmtilegt. Ég veit ekki hvaðan ég fékk þetta svakalega áfengisþol altíeinu, því að ekki drekk ég nú oft undanfarið, en allavega þá náði ég að þola Tópas-skot, hvítvín, bjór og cocteila, en að sjálfsögðu var það ekki fyrr en daginn eftir sem að áfengið sagði til sín, ég var svo þunn að Dagur gerir ennþá grín að mér!

Svo í gær buðum við líka fólki í smá chill hjá okkur, Danni vinur Dags, Birna Katrín vinkona mín, og svo Nanna og vinkona hennar. Þetta var allt mjög afslappað og næs, en gaman.

Svo fórum við í góðan göngutúr í dag í góðaveðrinu, bara sólskín og logn, en pínu kalt samt. En núna, gott fólk. ER AÐ SNJÓA!!!!!!! Já í þessum skrifuðu orðum mínum er fyrsti snjórinn að falla í Kaupmannahöfn! Þetta er mjöög fallegur svona Ekta jólasnjór! En svo heyrir maður slökkvuliðsbílana og sjúkrabílana strax þjóta út úr stöðinni hérna beint á móti okkur...

Já núna fer að styttast í heimkomu okkar, en áður en það verður er nóg að gera í skólanum hjá okkur báðum, Og munum við hafa gesti hjá okkur allar helgar, frá og með þarnæstu, þangað til að við komum heim, svoað þetta mun líða hratt!

Helmingurinn af hópnum í regnjökkunum okkar á Strikinu- í rigningu!

2007-10-29T20:54:00.000Z

Klukkutími x-tra !

Jæja þá er ný vika byrjuð enn og aftur! En ég ætla aðeins að segja frá helginni!
Tengdó komu nebbla til okkar á föstudaginn og voru yfir helgina! Á föstudeginum hitti ég þau bara í bænum eftir að ég var búin í skólanum en skildum við Dagur þau nú eftir til þess að missa sig aðeins í búðunum! Það gékk vel hjá þeim, og hjá okkur gékk vel að undirbúa matinn. Það var ekkert annað en Villisveppasúpa í forrétt, Appelsínu Andarbringur í aðalrétt og Jarðaberja e-ð rjóma, marens, e-ð gott allavega í eftirrétt! Svo var að sjálfsögðu rauðvín með matnum og svo smá Tópas-Ópal smökkun seinna.

Á laugardag vöknuðum við öll snemma, helmingurinn (Linda-Svenni) fór að versla og restin (Lísa-Dagur) varð eftir heima að læra ;) Svo um kvöldið fórum við út að borða ásamt Nönnu á fínt steikhús og fengum öll alveg dýrindis mat og eftirrétt, rauðvín með matnum og Irish Coffee með eftirréttnum!
Svo héldum við af stað á mjög huggulegt kaffihús þarsem við gátum alveg setið úti án þess að frjósa og fengum okkur þar sitthvora drykkina. Sátum heillengi og spjölluðum en svo var víst verið að loka svo að okkur var hent inn til þess að klára drykkina okkar en svo héldum við bara af stað á næsta stað þar sem æðislegir Cocteilar tóku á móti okkur!
Svo vorum nú öll orðin voðalega hress og fjörug en héldum við heim um 2 leytið eða svo..
Það sem við vissum ekki þá var að akkúrat þessa nótt var verið að breyta tímanum yfir í vetratíma; sumsé færa klukkuna 1 klst tilbaka, og það bitnaði þokkalega ílla á Lindu og Svenna!

Þegar þau héldu næsta morguninn að klukkan væri 9:30 og drifu þau sig út til þess að sjá Liltu Hafmeyjuna og vaktaskiptin við Konungshöllina og svoleiðis, en svo klukkan 12 voru þau bara hissa að ekkert væri að gerast! En þá var klukkan bara 11 og greyin þurftu að finna sér e-ð að gera því að veðrið var ekki alveg að leika við þau, rok og kuldi barasta!

En það rættist úr þessu öllu og komu þau svo heim í pönnukökur og kaffi um 4 leytið og svo um 7 fórum við aftur út að borða á mjög fínan veitingastað! Svo vorum við öll svo pakksödd að við bara rúlluðum þarna út.

Í morgun fór ég svo með þau í strætó og eina stoppustöð í Metró og kvaddi þau þar en þau héldu áfram út á völl og upp í flugvél heim til Íslands, þar sem víst snjór tók á móti þeim! fjúff, ég væri ekki til í snjó núna. Ekki næsta mánuð bara!

En já, svo er ég bara búin að vera e-ð slöpp í dag og löt og pirruð, því að nú byrjar allt á fullu í næsta verkefni í skólanum en um helgina gat ég alveg gleymt þessu öllu því að ég skemmti mér svo vel! Byrjaði daginn með því að fatta að ég gleymdi öllum sniðunum mínum einhverstaðar heima og þurfti ég að fara aftur heim í strætó að sækja það, sem tók mig rúmar 30mín þá, en svo eftir að ég fékk mér eina brauðsneið að borða og hoppaði út í strætó var ég í 50 mín á leiðinni aftur í skólann!! Hel*** flutningabílar allstaðar að blokka allar götur!

Jájá, en svo er bara 1 1/2 mánuður þangað til við komum heim til íslands og er ég bara farin að hlakka mikið til!

Hey do!

PS: Fyrir alla- Núna er bara klukkutíma mismunur milli DK og ÍS. alright?

2007-10-20T12:49:00.000Z

Efterårsferie snart slut

Já, þá er mamma mín farin og bara 1 dagur eftir af haustfríinu góða.
Mamma kom til okkar laugardaginn s.l. og fór á fimmtudagskvöld. Það var alveg æðislegt að fá hana múttu mína í heimsókn, hef ekki séð hana í 4 mánuði takkfyrir!

Við gerðum alveg allskonar hluti með múttu hérna, fórum og sýndum henni hverfið, fórum í Nørrebro parken, Christianiu, Tívolí, Fields, Strikið og aðeins út fyrir bæinn í risastórt moll með byggingavöruverslunum, Bauhaus, þar sem hún þurfti að kaupa nokkur ljós, eða um 11, fyrir stofuna sína í nýja húsinu...

Svo fórum við út að borða, á Ítalíu og Rosie McGees, en vorum líka dugleg að elda góðan mat heima, eða sumsé Dagur var duglegur að elda heima. Fyrsta kvöldið var það andabringa, svo kína kjúlli og purusteik. Seinasta daginn fórum við svo og fengum okkur ekta danskt smørrebrød á PUK og hlupum svo á Café Ciao og skelltum í okkur einum Cappuccino áður en við þurftum að hlaupa í strætó til að fara heim og svo beint út á völl..

Já, ég hefði alveg vilja hafa mömmu lengur, það var svo fínt að hafa hana hérna. En ég verð bara að vera þolinmóð, ég kem nú heim um jólin og sé þá pabba líka og alla fjölskylduna náttla. Þetta er í fyrsta skipti í mörg ár þarsem það er komin e-r jólafílingur í mig og ég er farin að hlakka smá til jóla strax í október!

En núna þarf ég að fara að laga smá til og gera vikulegu þrifin hér á heimilinu mínu ;)

2007-10-11T19:29:00.000Z

Stór dagur

Já í dag var loksins 'evaluering' - sumsé sýndum við það sem við erum búin að vera að gera. Pilsið, peysan, mappa og svo styling. Slatti vinna, enda er ég búin að vera að læra á hverju kvöldi langt fram eftir núna í 2 vikur, eða svo ..! Já, þetta var semsagt þannig að við komum ein og ein öll uppdressed í dressinu sem við erum búnar að hanna og sauma og svo áttum við að stílesera það með fylgihlutum og svoleiðis. Mér gékk mjög vel, kennararnir hrósuðu mér fyrir sjálfstæði, styling og hversu vinnufús ég var og ekki kvartað þegar ég þurfti að rekja upp nokkra sauma alveg 3-4 sinnum..! Svo voru stelpurnar í bekknum mjög hrifnar af hattinum sem ég gerði. Ég set in myndir af mér very soon!
Eftir að við vorum allar búnar að sýna stuffið okkar fórum við allar saman á kaffihús og fengum okkur bjór og hvítvín. Það var alveg æði. Mjöög skemmtilegt að kynnast stelpunum aðeins betur!

Já annars er á morgun seinasti daguinn fyrir haustfríið. Á morgun förum við eftir hádegi í Royal Teatret og fáum að skoða allt á bakvið, búninga og spjalla við búningahönnuðina. Mjög spennandi. Þó svo að ég hafi nú alveg fengið að gera þetta nokkuð oft á íslandi, hvað þá þegar ég gerði lokaverkefnið mitt með þjóðleikhúsið.. þetta er nú samt örugglega nokkuð stærra en það.

Svo á laugardag kemur elsku besta mamma mín að heimsækja mig! Get ekki beðið! Hef nú heldur ekki séð hana í 4 mánuði. Já það verður gaman. Hún verður líka fram á fimmtudag, ágætis tími til þess að sýna henni hverfið og allt svoleiðis..

Jæja, ætla að slappa af og horfa á smá CSI.

ps: þetta eru myndirnar frá laugardeginum, stóóra göngutúrnum, og sunnudeginum, þá fórum við í skóginn... ;)
hejhej

2007-10-06T17:22:00.000Z

Göngutúrar í haustveðrinu

Já, rétt í þessu var ég að labba inn, eftir tæpa 4 klukkutíma útiveru! Við Dagur röltum af stað klukkan 3 í dag og ætluðum út í göngutúr í góða veðrinu. Það var bara blanka logn, heiðskýrt og sólskín. Það var of heitt tilað vera í peysu og löbbuðum við á bolnum um allt.

Fórum góðan hring í Frederiksberg og Frederiksberg Have, sem er æðislega fallegur garður, og keyptum okkur ís og löbbuðum meira og meira.
Svo þegar klukkan var að verða 17:30 ákváðum við að fara í strætó og kíkja í búð áður en við færum heim. Heyrðu neinei, er bara traffíkin alveg í rugli, er ekki enn önnur mótmælin hjá þessu
Ungdomshus liði. Svo að við sáum stóru löggubílana fulla með stormklæddum löggum með gasgrímur á sér, alveg tilbúnir fyrir brjálæðið.
Við fórum svo út á stoppustöðinni þar sem Ungdomshúsið var og yfirleitt mestu lætin eru, en það var bara ekkert að gerast þar. Þegar við ætluðum svo í strætó til þess að komast beint heim, gáfust við upp og héldum bara áfram að labba, og tókum fram úr öllum strætóum á leiðinni.

Þegar við vorum komin upp við Norrebro Station sáum við svo bara hópana af krökkunm svörtklæddum med græna fána. Svo kom á móti okkur bara heila gangan af þessu liði. Þau löbbuðu svona nokkuð friðsamlega niður götuna, syngjandi og öskrandi, með 3 pick-up trukka sem voru með allir með eins ólíka tónlist og hægt er, alveg í botni.

Já, svo kemur bara í ljós í fréttunum á morgun hvernig þetta hefur farið fyrir sig í nótt..

Annars er ég bara dauðþreytt eftir þennan sjúklega langa göngutúr, Dagur að elda og Danni kominn til þess að hjálpa honum með stærðfræðina eftir mat.

Ég ætla að nota kvöldið til þess að teikna. Þó að ég verð alltaf mjög eirðarlaus við þessar teikningar. Við erum sko búin að vera að teikna endalausar beinagrindur, með vöðvum og án, í allskonar stellingum og séð frá öllum áttum. Núna erum við að læra að teikna andlit, úr öllum sjónarhornum. Þetta er alveg gaman, en fáranlega erfitt, og krefst rosalega mikla einbeitingu!..

Svo eru þetta hérna myndir frá vikunni. Erum búin að fara mikið út að labba í görðum og skógum hérna í kring, enda búið að vera geggjað veður!

Svo set ég inn fleiri myndir af deginum í dag, þegar við erum búin að setja þær í tölvuna.

Vi ses

2007-09-29T16:38:00.000Z

Arbejds-weekend

Soldið langt síðan að ég bloggaði seinast, líka mjög langt síðan að ég fór í tölvu seinast.

Heimavinna hefur verið að aukast. Ég fékk 3 vikur fyrir fyrsta verkefnið mitt, sem var pils, en núna fæ ég bara 2 vikur fyrir annað verkefni sem er bolur/peysa og er ég að sauma í rauninni 2 boli og jakka. Soldið meira vinna.

Já en annars fór Sara frá mér á þriðjudaginn sl., það var svo gaman að hafa hana hérna. Hún er svona gestur sem þarf ekkert að hafa svo mikið fyrir, sem kemur sér vel hérna af og til. Það var bara svona fín kózýstemming alla helgina sem getur alveg best. Fórum í Tívolíið laugardagskvöldið og sáum flugeldasýninguna í fyrsta skiptið, hún kom bara mikið á óvart verð ég að segja! Svo þegar Tívolíinu var að loka röltum við upp strikið og fórum á eitt kaffihús og fengum okkur øl.

Svo vorum við vakin á slaginu kl.10 næsta morgun þegar amma Ósk og Gunni voru að koma frá Osló og ætluðu að kíkja með okkur Degi í brunch. Við sváfum eiginlega öll yfir okkur og var maður hálf ónýtur allan daginn. En þau tvö buðu okkur í Smørrebrød á PUK, svona ekta danskt. Rosalega gott.

Já annars er bara haustið hérna alveg æðislegt. Lauf út um allt og öll tré gul og rauð. Mjög fallegt. Svo er þessi helgi svona 'arbejds-weekend' í blokkinni og skiptum við okkur niður og vorum að þrífa háaloftið og kjallarann. Kynntumst aðeins nágrönnum okkar sem eru flest mjög hress og í yngri kantinum, við erum samt yngst.
Svo komumst við að því að húsið var byggt 1906 og að síðustu 6-7 ár hafa bara íslendingar búið í íbúðinni sem við erum í. Mjög sérstakt.
Við hittumst klukkan 10 í morgun og byrjuðum við Dagur ásamt 2 öðrum í kjallaranum, einsgott. Því upp á lofti voru dauðar dúfur og allt í skít og loftið lágt og allt í köngulóvef. Í kjallaranum er loftið ekki eins lágt, ég get labbað upprétt(Enda Ekki hávaxin!) en þar er miiikið ryk, köngulær og köngulóvef. Mjög hresst. Ég var svoo dugleg!
Svo um 12 leytið fóru allir út að anda að sér hreinu lofti og auðvitað var drukkinn bjór. Svo klukkutíma seinna komu pizzur fyrir alla og náttla meiri bjór á liðið. Svo var bara hygge í rúman klukkutíma og svo bara 30 min laga til og svo var farið í heiiita sturtu, allir í sínum íbúðum samt! ;)

Svo eru bara 2 vikur í mömmu mína, og GUÐ hvað ég hlakka til. Þá er ég líka komin í haustfrí. Heila viku, + 2helgar, snilld! Þetta verður æði.

Jæja þá ætla ég að fara að spá í kvöldmat..
hejhej

2007-09-20T16:20:00.000Z

The end of an era

Já, við vorum að horfa á seinasta þáttinn, í seinustu seríunni úr FRIENDS. Þetta var mjög sorglegt að kveðja þessa góðu vini okkar. Ég er ennþá með tárin í augunum.

Já en annars er allt gott að frétta héðan. Amma hans Dags, hún Ósk, er búin að vera hjá okkur síðan á þriðjudag. Vikan er búin að vera æðisleg, en fljót að líða. En svona er það þegar maður hefur nóg að gera!
Svo á morgun kemur Sara í heimsókn til mín og verður fram á þriðjudag! Ég verð að passa mig að fara ekki með henni í búðir því að vinkonur hafa alltaf þannig áhrif á mig að mér finnst alveg svaakalega gaman að versla og eyða pening.. sem ég ætti frekar að setja í sparibaukinn svo að við getum örugglega keypt í matinn fram á seinasta dag mánaðarins!

Svo er ég búin að vera dugleg og er að klára að sauma mér kjól hérna heima. Mamma lét ömmu Ósk fá heila tösku með efnum sem ég skyldi eftir heima á klakanum og á ég núna fullt af efni til þess að sauma mér fullt af fötum! Annars eru efnin hérna frekar ódýr og svo eru alltaf svona restar þar sem er kannski 1/2 til 1 metri af efni á slik og ekki neitt!

Annars eru nýjar fréttir að við erum búin að bóka ferð heim um jólin! Það gæti verið að Dagur þarf að breyta fluginu sínu, en það fer eftir því hvort hann þurfi að mæta í skólann á föstudeginum, annars er flugið okkar á fimmtudeginum 20. des og verðum til 6.janúar.

Svo eru þær nýju fréttir að Heiða vinkona og Andri voru að trúlofa sig! Þau eru nú búin að vera saman í nokkrar aldir og sá ég þetta nú alveg í framtíðinni ;) Innilega til hamingju með þetta elskurnar mínar!

En aðal fréttin í dag er þessa: MAMMA KEMUR TIL MÍN 13.OKTÓBER!!!JEIIIIJ!!!
Já loksins sér hún fram á að geta tekið sér frí, eftir 1 árs þrælkunarvinnu við húsabyggingar!
En mamma og pabbi flytja nú um mánaðarmótin í nýja húsið! Það verður gaman að sjá hvernig þetta lítur svo út um jólin! Þau tvö eru búin að vinna þrefalda vinnu seinasta 1 1/2 árið og eiga þau ekkert nema hrós skilið!

Jæja, núna þarf ég að leggja á borð, Dagur er búin að elda líka þetta svaaaka Pestó Pasta- þar sem hann var að búa til sjálfur pestóið, bakaði hvítlauksbrauð og sauð ferst Fettucini! Hann er gjörsamlega ofvirkur í þessari eldamennsku! Hann er meira að segja búinn að búa til síðu : www.matur.dagur.org

Heyrumst folks =)

2007-09-11T20:54:00.000Z

www.myspace.com/lisastefans

Já nýtt í fréttum er að ég er loksins búin að fá heimildina frá LÍN, svo að nú þarf ég ekki að hafa meiri áhyggjur í bili.

Ég er búin með fyrsta verkefnið mitt í skólanum, en klassik nederdel = klassískt pils. Út vikuna mun ég sumsé ekki hafa svo mikið að gera. En í næstu viku byrjum við á fullu í Coupe de Paris í heila viku og svo byrjum við á næsta verkefni sem er Overdel í Jersey- efrihlutur í jersey efni,-teygjuefni, sem á að mynda stíl við pilsið í verk.1.

Já annars er ég búin að búa til MySpace síðu, aðeins vegna hópþrýstings.. sem kom samt aðallega frá Kristínu!! En er ég búin að vera slatta dugleg að setja myndir þar inn frá seinustu vikum og mánuðum! >Fyrir það eðlilega fólk sem ekki veit hvað MySpace er; þá þurfið þið sjálf að fá ykkur svoleiðis síðu til þess að skoða myndir hjá mér, eða vinum.. Svo að, have fun..

Svo er ég lika búin að skrá mig á Þýska síðu sem er fyrir Háskólakrakka útum allan heim, samt eiginlega bara þýska, allavega er hún bara á þýsku. whatever. er að verða vitlaus á að hanga í tölvu meira.. farin að sofa.. já, klukkan er 23:05 og ég er farin að sofa. Svona er þetta hérna í Danmörku! Sofa snemma og vakna snemma!
Talandi um að vakna snemma; ég var alltaf týpan sem svaf eins lengi og ég mögulega komst upp með. Ég alveg taldi mínuturnar heima, en hérna fer ég á fætur meira en klukkutíma áður en ég þarf að leggja af stað, 1 1/2 klst þegar ég fer í sturtu, bara til þess að fá mér að borða, taka mig til, smyrja mér nesti, hella upp á kaffi og setjast aðeins niður við gluggann og horfa á allt brjálaða fólkið í bílunum í traffíkinni út á götu... Já og svo labba ég af stað í rólegheitunum út í strætóskýli, á leiðinni kemur alltaf sami strákurinn að hlaupa með nýjasta dagblaðið til mín. Svo er ég í strætó í svona 15-20min, að skoða fólkið í kringum mig eða lesa dagblaðið.

Ég bara verð að segja að mér finnst Þetta miiklu skemmtilegari aðferð til þess að nýta morguninn,og koma sér af stað í daginn, heldur en að hlaupa á fætur eftir að vera búin að snooze'a í klukkutíma, henda sér í föt, grípa í epli og hlaupa út í bíl og mála sig á leiðinni... nei ég kýs þá frekar danska kostinn.. ;)

jæja heyrumst folks.

2007-09-03T14:42:00.000Z

Ungdomshus

Já við urðum án efa aðeins vör við þessar óeirðir. Ekki samt beint í æð en samt, í æð.
Á föstudaginn sl. kom Stjáni til okkar til að gista yfir helgina. Hvorki á föstudagskvöld né laugardagskvöld fórum við út á lífið, einsgott!. Laugardagskvöldið, á meðan við vorum að spila þrjú saman í rólegheitunum í stofunni okkar brunuðu fram hjá okkur endalaust mikið af öllum tegundunum af 'babú-bílum' og kom eitthvað annað en mótmæli varla til greina.

Fyrr um daginn skelltum við okkur á 2 flóamarkaði, fyrst hérna í Nørrebro og svo við Nørreport en snérum snemma við vegna þess að við vorum soldið sein og liðið var farið að pakka saman öllu dótinu sínu.
Á leiðinni svo aftur í Nørrebro fórum við aftur framhjá fyrrnefnda flóamarkaðinum og fengum við alveg vægt sjokk, þá á svæðinu þar sem friðsæli flóamarkaðurinn stóð bara 30min áður var allt búið að fyllast af einhverju sem hægt er að líkja við Mansonista pakki, allir útúr-piercaðir, svartklæddir og með hárið út í loftið. Þetta voru örugglega nokkur hrunduð mansonistar samankomnir og sáum við þau taka út einhverja stóra svarta fána útúr einhverjum trukkum og leit þetta allt saman frekar scary út.

Svo var þetta bara það fyrsta sem ég fékk að heyra þegar ég vaknaði morgunin eftir, þá var þetta náttla enn ein mótmælin, mætti segja afmælismótmæli, þar sem að það var akkúrat hálft ár liðið síðan að Ungdomshúsið var rifið. Löggan bjóst eenganveginn við því að þetta myndi allt brjótast út í svona mikið kaos og var hún gjörsamlega undirmönnuð miðað við mannfjöldann, þetta voru yfir 1000 manns.

Myndirnar og video-upptökurnar sem sáum svo strax um morgunin voru svolítið ógnvekjandi og heyrðum við ennþá slatta af slökkvuliðs-löggu-og sjúkrabílum keyra fram og til baka götuna okkar.
Svo um 2 leytið lögðum við af stað í bæinn, þar sem Stjáni var að fara að taka lestina til Slagelse þar sem hann er að fara í skóla fram á jól, og urðum við heldur betur andstutt þegar við keyrðum framhjá þessu öllu. Svona í stuttu máli voru rúður brotnar í verslunum, bönkum og veitingastöðum, graffity Útum Allt, rusl útum allt, brunarústir, búið að rífa upp gangstéttarhellur, auglýsingaskilti í molum og fleira og fleira.. og þarna fer ég fram hjá á hverjum degi á leiðinni í skólann.. greyið fólkið sem á heima þarna í götunum í kring.!!

Já þetta lítur allt frekar óhuggulegt út núna, vonandi nær aumingja fólkið að þrífa og laga til búðirnar sínar án þess að allt fari aftur í rúst næstu helgi.

Jajá. Annars er allt fínt að frétta af okkur, mér gengur mjög vel í skólanum, fyrsta verkefnið mitt er að verða búið, þóað ég hafi rúmar 2 vikur í viðbót til að klára það. Ég verð bara pínu á undan, það er líka bara gott.
Svo skilst mér eins og er að ég hafi varla neina heimavinnu þar sem ef ég tæki e-ð með mér heim gæti ég klárað það á einu kvöldi, sem ég þarf ekki. Nema svo er alltaf teikning einu sinni í viku og er ég að læra allskonar aðferðir og anatomy, það er það eina sem ég er e-ð að æfa mig hérna heima, sem er líka bara ágætt, þá hef ég e-ð að gera á meðan að Dagur er að læra einsog brjálaðingur, en honum gengur líka þokkalega vel.

Jájá annars.., hérna er aðeins að byrja að hausta, samt ekki mikið, o ég hlakka svo til að sjá hvernig öll tré verða svona rauð, appelsínugul og rauðbrún og gul, það er svo fallegt!

Þegar ég var krakki í Þýskalandi lék ég mér alltaf í skóginum á haustinn í öllum laufunum sem lágu á jörðinni, svo bjó maður til svona laufahrúgur og henti sér í þær og lá bara og starði upp í himinninn, eða fór í laufastríð með vinunum og safnaði saman fullt af laufum og réðumst á og köstuðum í hvort annað. Svo fór maður heim og fékk sér heitt kakó með rjóma.. mmmh..
good times good times...sakna þín mamma! :*

Jamjam. kveðja á klakann

2007-08-27T19:37:00.000Z

Symaskine

Ég ætla að byrja þessa færslu með því að óska Guðbjörgu og Ágústi innilega til hamgingju með þessa gullfallegu dóttur þeirra, sem storkurinn færði þeim nóttina 26.ágúst! Alveg fékk ég tárin í augun þegar ég skoðaði myndirnar! Hún er æðislega falleg.

Já, svona er þetta, fólk að verða mamma og pabbi og aðrir að byrja í skóla og bjagast áfram á þessari dönsku. Þetta gengur alveg þokkalega en samt erfitt þegar kennarinn fer bara að svara manni á ensku þegar ég spyr hana á dönsku, ég kann ensku! -ég er að reyna að læra dönsku!

Annars gengur þetta bara allt vel, Dagur er í smá erfiðleikum með skólann hans, þarsem enginn segir honum hvert hann á að mæta og hvenær, alveg ömurlegt að týnast í risastórum skóla.
Annað er að segja um minn skóla! Ég fattaði nú alveg að þetta væri lítill skóli, en ég fattaði ekki að bæði 1.árs og 2.árs nemendurnir myndu vera saman á þessari hæð, með sama eldhúsið og fara á sama tíma í hádegismat! Þetta er ótrúlegt. Alveg skil ég ekki afhverju að skólinn sé svona dýr, Konungsfjölskyldan er sponsori og heldur skólanum uppi, maður heldur nú að þau gætu nú allavega keypt hæðina fyrir neðan til þess að hver nemandi gæti aðeins betur dreift úr sér, en nei, höfum þetta bara sjúklega lítið svæði!

Já svo er nú annað í sambandi við peninga, það er búist við því að maður sé gangandi hraðbanki með endalausa heimild! Á hverjum degi þurfum við að kaupa eitthvað nýtt sem við þurfum að nota fyrir námið, og þær eru víst að gera okkur þann greiða að selja þetta í skólanum svoað við þurfum ekki að vesenast út um allan bæ alla daga, en gvuðminngóður þá mega nú vera takmörk!

Svo í dag tók ég aftur rúnt og var að skoða saumavélar og fann loksins nákvæmlega svona týpu einsog mig langaði í, og gæinn í búðinni var í svakalegur spjall- og sölugír og talaði um Ísland og Margrethe-Skolen og ætlaði sko að selja mér þessa vél! Hann gaf mér upp verðið sem ég myndi fá hana á og það var með alveg svakalega góðum afslætti!! Svo að á fimmtudag fer ég að sækja hana -og borga fyrir hana og þá á ég loksins almennilega saumavél!jeij!

Samt þegar ég kom heim í dag og var að millifæra afmælispeninginn inn á danska reikninginn minn fattaði ég að ég ætti ekki krónu eftir í afgang, svoað það verður smá vesen að borga farsímareikninginn okkar núna í vikunni... :/ .. og alla hina reikningana næstu mánaðarmót..
Stundum sökkar að gera þessa fullorðins hluti..

Já annars var hún Kata hjá okkur í nótt(fyrrv.bekkjars. Dags), hún kom hingað í smá millilendingu þar sem hún er að flytja til Ungverjalands! Svo var seinasta kveldið þeirra Dabba litla og Agnesar í gær og buðum við þeim öllum í mat- sænskar kjötbollur með makkarónum og tómatsósu, svooo gooott!! Laugardagskvöldið komu þau skötuhjú hingað í smotterís partý og kíktum við í bæinn, 10krónabarinn og svo var það skinny dipping á Íslands Bryggju, Istedgade og fl., fjör og meira fjör! :D

Já núna verða það ekkert svo margir gestir á næstunni, Stjáni kemur hingað líka bara í eina nótt en hann er nú að flytja til Danmerkur. Svo kemur enginn alveg í 2 vikur eða svo! Það er bara það fyrsta skipti síðan við fluttum hingað út! Jæja, þá getur maður allavega einbeitt sér að náminu á meðan, og horft á Friends ;)

Jæja, núna er Dagur að læra og læra og ég er bara eirðarlaus þar sem ég nenni ekki að skyssa meira, þarf ekki að skila neinu inn fyrr en á fimmtudag, er að fara í Materiallære næstu tvo daga, spennandi að sjá hvernig það mun líta út.

Jæja, við heyrumst.. eða ekki. (ykkur er velkomið að hringja í mig hvenær sem er, 0045-2229-3273, ég sé ekki fram á það að vera e-ð að hringja í fólk, hvað þá á íslandi!) ;o)

Farvel

2007-08-22T18:57:00.000Z

Gamalmenni! ..eða þannig ;o)

Já þá er maður orðin gamalmenni, í gær. Takk fyrir allar kveðjurnar! :*

Seinustu helgi voru rassgötin Elísa og Kristín í heimsókn hjá okkur. Það var alveg æðislegt að fá að hafa þær hérna, og hefðu alveg mátt vera lengur..en jæja. Við gerðum nú ýmislegt á meðan þær voru hér, meðal annars; versla, labba um bæinn, fara á kaffihús, fara í bátsferð, Christiania, Tivoli, út að borða, elda heima, djamma, sjá Kristínu loksins haugafulla, spila, horfa á Friends, borða nammi, drekka kaffi og spjalla og hafa gaman saman!!

Svo byrjaði ég í skólanum á mánudagsmorgunn og fylgdu mér stelpurnar alla leið, fóru svo að versla í 5 tíma á meðan ég sat og hlustaði á kennara mína tala, á dönsku, í 5 tíma.

Já ég verð að segja að ég er mjög ánægð með skólann minn. Hann er mjög lítill og kósý, mjög góðir kennarar (2), mjög skemmtilegur og fjölbreyttur hópur: bekkurinn minn, sem eru 20 kvenmenn á öllum aldri (19-45 ára) og hann lofar mjög góðu námi!

Ég er alla daga frá kl.9-14.30 í skólanum, fögin skiptast mjög fjölbreytilega, á föstudögum er ég í 'Tegning' (- læra teikna,litir, tískuteikningar o.fl.), á miðvikudögum er ég í 'Syprøver og Tilskæring' (- læra allskonar sníða-og saumagerð). Svo hina daga er ég til skiptis í
'Coupe De Paris' (-búin að gera mína eigin gínu og læra að drape'-era) og 'Nederdel Konstruktion' sem er sumsé fyrsta verkefnið mitt, (:hanna pils,gera snið, prufur,sauma o.s.fr.v.)

Svo kemur næsta verkefnið og næsta og næsta og svo bætast við önnur fög einsog t.d. Styling..

Já þetta virkar mjög vel á mig, við erum 3 íslenskar, 3 norskar og rest danskar í bekknum og 2 kvenkyns kennarar. Ég er sú yngsta af íslendingunum, fjölskyldumæður um 12 og 20 árum eldri en ég og önnur þeirra hefur búið hér mjög lengi. Svo erum við um 8 eða svo á mínum aldri, rest yfir 25 og uppúr. Er ekki búin að tala mikið, samt smá!, aðallega við íslensku, en ég fer að blaðra um leið og ég verð sleipari í dönskunni.

Já í gær átti ég ágætis afmælisdag, fyrri hlutinn (skólinn) var svolítið þreytandi, löbbuðum um allan bæinn að skoða sauma- og efnavörubúðir og svoleiðis án þess að taka hlé- í 5 1/2 tíma!
Svo þegar við vorum búin labbaði ég inn í matvörubúð og keypti mér Sushi bakka sem ég tók heim og borðaði það af bestu lyst. Svo um kvöldið bauð Dagur mér út að borða á æðislega fínum stað í bænum. Við fengum okkur þriggja rétta Menu (Kálfa Carpaccio í forrétt, Önd í aðal og Cremé Brulée/Tiramisu í eftirr.) og svo kaffi og Baileys líka (sem var í boði hússins vegna þess að þjónarnir rákust á hvor aðra og misstu bakka með fullt af skeiðum á hausinn á Dag-sem meiddi sig ekki neitt- en voru svo miður sín þær vildu bæta upp fyrir það. En við vorum allavega pakksödd og mjöög sæl eftir þennan frábæra mat!

Fyrir utan matinn fékk ég líka Nintendo tölvu-elstu gerðina, í afmælisgjöf frá Degi! Ég er búin að vera að leyta ad Nintendo á öllum flóamörkuðum heillengi! Og loksins fékk ég í afmælisgjöf Jeij!
Svo er búin að fá líka slatta pening í afmælisgjöf frá Tengdó og Ömmu, og slatta frá Mömmu og Pabba náttla líka! =D Ég er búin að vera að skoða saumavélar á ebay og ætla að fjárfesta í einni ódýrri Overlock saumavél og góðri PFAFF saumavél sem ég ætla að fara að skoða betur út í búð á morgun. Þetta á að vera saumavél sem ég ætla að nota alla ævi. So she's better gonna be good!

Jæja þetta er nú gott í bili.

Kær kveðja á klakann, heh

ps: það er 23°C og yfir hérna og steikjandi sól! ;P

2007-08-10T18:22:00.001Z

Undskyld

Sorrý hvað er langt síðan að ég bloggaði seinast. Dagatalið okkar er alveg full-krotað. Allt of mikið að gera í sumarfríinu. ;) Allavega þá vorum við seinustu helgi í Þýskalandi -í Hamborg að heimsækja vini okkar. Við fórum ekkert á djammið heldur vorum bara að njóta þess að vera í þessu æðislegu landi. Fórum í stóran göngutúr á laugardeginum og keyptum Bubble-bath og settum í gosbrunna í svona fallegum garði og fylgdumst með hvernig gosbrunnurinn breyttist í froðu, svo grilluðum við í öðrum garði á sunnudagskveldinu. Svo var það bátsferð í svona hjólabát, mjög skemmtilegt allt saman. Það var geggjað veður allan tímann og eiginlega Of heitt! En svo tókum við þetta klikkaða veður með okkur heim til DK og er búið að vera svona heitt alla vikuna, og þar að auki mikil sól.

Núna er Daníel Freyr, bróðir hans Dags, kominn í heimsókn til okkar og verður hérna yfir helgi svo kemur pabbi þeirra bræðra hérna líka í nokkra daga. Það verður gaman að fara með honum í Tívolíið, kaupa dagspassa og fara í öll tækin! Hlakka mjög til!

Svo næsta föstudag koma englarnir mínir, Elísa og Kristín og verða fram á mánudaginn 20.ágúst ÞEGAR ÉG BYRJA Í SKÓLANUM!!!! Ekki að ég sé eitthvað stressuð, ég er mjög spennt að byrja loksins í þessum skóla og já ég er stressuð.

Jæja ég ætla að fara að verða gestgjafi.

Hey do!

2007-07-24T22:41:00.000Z

*Haf-mellan*

Jæja, já langt síðan að ég bloggaði seinast, Kristín, en það er líka búið að vera nóg að gera hjá okkur!
Mamma hans Dags og Arnar Helgi, lille bro, voru hjá okkur frá miðv.sl. til sunnudag s.l. svo í gær,mánudag kom Auðunn hinn Sænski og verður hjá okkur í vikunni.

Við gerðum alveg rosalega mikið með tengdó hérna, fórum í dýragarðinn hérna sem er alveg rosalega stór, fórum í Christianiu, Íslandsbryggu, Field's, Nyhavn, Strikið og meira og meira.. Rosalega gaman að gera svona mikið allan daginn, okkur Degi var nefninlega farið að leiðast hérna þegar við vorum bara að sofa út og hanga heima og gera ekki neitt. Svo að það er fínt að fá gesti svo að maður drífi sig á fætur og geri allskonar hluti hérna í Kaupmannahöfninni okkar!

Allavega er Auðunn kominn núna og við erum búin að fara með hann aðeins um bæinn, í Tívolí að borða og strákarnir skelltu sér í rússibana í gær. Svo í dag vorum við smá menningarleg og fórum í safn með munum úr Seinni Heimsstyrjöldinni og svo á útikaffihús og sátum þar heillengi að spjalla. Svo fórum við að heimsækja 'hafmelluna' einsog strákarnir kalla Litlu Hafmeyjuna.

Svo héldum við heim á leið en stoppuðum á leiðinni til að kaupa Kebab og fórum með heim, mjög gott. Svo var það bara chill með bjór, Hárið og svo Castro Bar. Þar fékk ég mér Cosmopolitan og Auðunn gat ekki hætt að tala um Sex and The City-vegna þess, og var það mjög forvitnilegt að spjalla við karlmann um allar persónurnar í þessum tiltekna stelpuþætti!

Núna erum við að hlusta á Jesus Christ Superstar og rökræða um fóstureyðingar, og ég er að borða TUC -kex með Paprikubragði.

Svo förum við öll saman til Svíðjóðar á föstudag og verðum þar yfir helgina og svo helgina eftir það förum við til Hamborgar, stuuuuð!

Jæja góða nótt

ps. þið getið lesið nánari lýsingu á seinstu viku á blogginu hans Dags- www.dagur.org

2007-07-16T20:09:00.000Z

Stracciatella

Seinustu dagar eru búnir að vera æðislegir. Steikjandi hiti og sólskín allan daginn, svo brjálað þrumuveður um nótt. Erum bara búin að hafa það gott (=erum sumsé vel sólbrennd). Erum búin að vera í ørsteds Parken, Hundige Ströndinni, Kongens Have, Islandsbrygge, og á fleiri stöðum. Vorum í matarboði hjá Láru frænku á sunnud. og var það líka æðislega gaman.
Núna erum við að byrja að laga soldið til og gera allt fínt áður en mamma hans Dags og litli brósi koma, á miðvikudag.

Ég nenni ekki að blogga meira; myndirnar segja allt. ;)

Skál!

Kærlig Hilsen;

Jeres Lisa

2007-07-12T14:50:00.000Z

Borvél, smorvél

Já, við vorum að reyna að setja upp hillu, sumsé bora göt í vegg, 4 stykki, og á seinasta gatinu drapst borvélin, þó hún sé búin að vera í hleðslu í alla nótt! Svona er þetta alltaf. Núna erum við aftur í pásu.

Áðan vorum við í Nørrebro Bycenter, það er svona lokal-moll með nokkrum tískufatabúðum, íþróttabúðum, byggingarvörubúð og kaffihús og fleira. En þangað fórum við til þess að a) kaupa skrúfur til þess að geta sett upp hillur í okkar bú, og b) til þess að kaupa á mig íþróttaskó.

Ég er nefninlega búin að vera að draga það að fara í ræktina með Degi, svo í fyrradag þegar ég var að pakka niður íþróttafötum í tösku, og ætlaði nú loksins að halda af stað, fattaði ég að íþróttaskórnir mínir væru nú líklegast enn þá í skóskápnum mínum á íslandi, frekar óheppilegt.

Svo að nú á ég skó, en Dagur er að fara á Kickbox æfingu í kvöld, og fer þessvegna nú ekki líka með mér í ræktina í dag. Og þar sem ég er svo mikill kálfur, fer ég nú ekki ein í fyrsta skiptið þangað. Svo þetta þarf að bíða enn einn sólarhringinn.

Núna í vikunni gerðum við nú ekkert svakalegt. Á þriðjudag kom Sarah mín í heimsókn, (hún var að vinna með mér í Zöru, og erað passa hérna í DK í sumar) og við 3 héldum af stað í göngutúr um Nyhavn, Konungshöllina (eða e-ð konungs e-ð einsog Dagur segir) og svo í Kongengs Have. Mjög fallegur dagur, gott veður, sól og hiti nema akkúrat þegar við sestumst á kaffihúsið í Kongens Have þá komu skríðandi nokkur ský yfir okkur og fóru að hrista úr sér nokkrar þrumur og meðfylgjandi rigningu, þó reyndar mjög litla.

Við skunduðum af stað eftir Belgískar Vöfflur og Café Latte (við sarah) og Bjór og Nachos (Dagur). Þá urðum við var við tónleika sem voru í hinum endanum í garðinum og var verið að spila á allskonar skrítin hljóðfæri og hljómaði einsog Afrískur ættbálkur. Mjög flott.

Veðrið snarbreyttist svo aftur þegar við komum út úr strætó og heim til okkar, þá varð aftur sól og blíða. æði.

Í gær settum við svo upp gardínur í stofunni, kemur mjög vel út. Svoo þrifum við gluggana, innan sem utan, og núna er bara mun bjartara í stofunni! Við meiraðsegja sjáum í næstu blokk!
Gluggarnir voru alveg sótsvartir að utan, ógeðslegt!

Jæja núna ætti borvélin að vera nógu vel hlaðin, ætlum að klára að koma upp þessari hillu í eldhúsinu.

PS: öllum er velkomið að hringja í heimsímann okkar; (0045) 35 11 34 25

vi ses

2007-07-09T16:53:00.000Z

Í sól og sumaryl

Já loksins er sumarið aftur snúið til Danmerkur eftir smá kaffipásu hjá Drottningunni.
Yfir helgina fengum við skyndilega gesti, 3 íslendinga sem gáfust upp á drullunni, í Roskilde.
Það voru þær Gyða, Magga og Gugga. Þær fengu að gista hérna í 2 nætur og var það bara hin skemmtilegasta uppákoma. Alltaf gaman að fá gesti!

Í gær fórum við með stelpunum í Christianiu og löbbuðum endalaust um svæðið, yfir vatnið og í skólann og lengra. Þá var komið alveg æðislegt veður nema það var smá rok, maður var pínu hræddur um að fjúka útí vatnið sko.

Eftir það fórum við í Tivolíið- Við Dagur erum búin að kaupa GULDKORT-árspassa fyrir 1+5 gesti! Svo að allir sem koma að heimsækja okkur fá frítt í Tívolíið!
En þar röltum við um, keyptum okkur ís og settum svo á uppáhaldsstaðinn minn þarna- Viften- (Stelpurnar mínar muna pottþétt eftir honum, þó þær voru frekar veikar þá-ofsalega kósý!). En við sátum þarna í næstum 4 klukkutíma að spjalla, sumir drukku bjór, sumir Irish Coffee, sumir hvítvín, sumir allt ofantalið.

Svo eftir það fórum við í 2 tæki, eitt ömurlegt en hitt æðislegt. Enduðum við kvöldið svo með því að fara á Strikið og á kaffihús..þá vorum við búin að vera á ferðinni frá kl.13 og vorum í bænum til klukkan 1!

Dagarnir þarna á undan voru ekkert merkilegir.

Í dag fórum við Dagur í Fisketorvet. Kallinn vildi finna sér almennileg regnföt. Við fundum þau, meiraðsegja nokkuð ódýr, og ég fann mér loksins stuttbuxur-sem er algjör nauðsyn hérna- ekki er hægt að hjóla allt í pilsi? nehei.!

Svo núna er hann á æfingu-og ég ætlaði að farað undirbúa kvöldmat, en fyrst kemur bloggið náttla! ;)

Fyrir þau sem vilja heimsækja okkur þá ætla ég að skrifa hérna hvenær við fáum núþegar heimsóknir i sumar:

18.-22.júlí - Mamman's Dags með Arnar Helga litla bró

(Auðunn kemur kannski?)

Verslunarmannahelgi,3.-5.ág.: Lísa+Dagur til Hamborgar

17.-20.ágúst: Elísa og Kristín koma, (jeiiiijj!!!!!)

Svo í September og Október koma fjölskyldur okkar e-ð..

Allir velkomnir á Hótel Dags&Lísu!
sérstaklega þú Pabbi, og Mamma líka!!!! =)

Þetta var búslóðin okkar!

Morgunmatur með Midi og Toby.kózý kózý !

Toby,Midi og Dagur við Christianiu

Allar myndir getiði sko skoðað á síðunni hans Dags:

www.dagur.org - linkar eru hægri meginn undir Myndir-2007 -Júní DK

hejhej alle sammen

2007-07-05T15:43:00.000Z

INTERNET OG HEIMASÍMI

Já loksins erum við komin með internetið heim og getum verið í almennilegu sambandi við umheiminn, án þess að þurfa alltaf að hlaupa niður á rabbabara net-café dæmið þarsem bara litlir strákar eru að leika sér í tölvuleikjum og gamlir kallar að reykja.

Já og við erum komin með heimasíma líka! Núna er ódýrt og gott að hringja og nú eiga allir að taka upp tólið og velja þetta númer;
síminn er (oo45) - 3511-3425

Já svo ætla ég bara að benda á það að Dagur er búinn að blogga rosalega mikið og geta allir lesið þar það sem er búið að vera að gera undanfarið hjá okkur. Hann er einnig á leiðinni að setja link með fullt af myndum héðan, en svona rétt áður en hann kemur ætla ég að setja inn nokkrar myndir hérna bara.

Heyrumst!

Svona var stofan okkar þegar við komum hingað fyrst. Allt í drasli!

Þetta var fataskápurinn sem kellingin skildi eftir- við bara hentum honum útúm glugann!

Þarna lá skáp urinn í tætlum (þetta er á bakvið)
Dagur ég og Tobías á Strikinu seinustu helgi

Tóby og Mídía við Froðu-Gosbrunninn um kvöldið, alveg snilld!

Jæja ég kveð að þessu sinni!

hejhej

2007-07-01T15:07:00.000Z

Hæ pabbi minn! :)

Tessi helgi er buin ad vera ædisleg! Midia og Tobias voru hja okkur herna i 2 nætur, komu nú reyndar ekki fyrren um 2 leytid føstudagsnótt. Tau keyrdu hingad fra thyskalandi og voru i 5 klst å leidinni! Tau týmdu ekki ad borga i ferjuna og keyrdu tessvegna alla leid upp å jódland og keyrdu yfir brúnna, sem reyndar lika kostadi sitt!

Vid fórum ekkert út føstudagskveldid, sátum bara heima ad drekka bjor og spjalla til kl.6. Å laugardag tokum vid tau svo a Strikid og i Cristíaníu. Eg fór nú med stelpunum til cristianiu fyrir 1-2 årum sidan en vid thordum ekki ad labba alveg um allt svædid, tad gerdum vid hinsvegar i gær og tad var alveg geggjad! Vid vorum lika svo heppin ad lenda a godum degi tarsem tad var hátid eda e-d og fullt af folki. Midi og Toby voru ad spå vid hvern tau gætu talad til tess ad fá ad búa tarna, voru mjøg ad fíla andrúmsloftid... ;)

Um kvøldid grilludum vid svo útí gardi, sumsé toby og dagur med øl úti og eg og midi vøskudum upp og løgdum a bord.. Kynjaskiptingin i lagi.

Eftir matinn komu svo Anton og Danni og fengu sér bjór med okkur. Svo tegar allir voru ordnir pinu ringladir skutladi stóri guli bíllinn okkur nidrí bæ og vorum vid tar í små tima, adallega vid gosbrunninn sem var bara froda, tarsem e-r hafdi sett bubble-bath såpu i hann, mjøg fyndid.

Allar myndir sem vid erum búin ad vera ad taka koma å netid um leid og vid fåum netid heim, sem er a fimmtudag.

Jæja ágætt í bili

Hejhej

2007-06-27T17:15:00.000Z

Ofnæmi

Ég er á Hovedbånegarden á Internetstadnum, varad heilsa og kvedja hana Óløfu mína. Hún var herna i hálft ár og kemur kannski i skola herna i køben i vetur. Hun var sumsé ad fara til islands nuna.
Annars er bara allt fint ad fretta. Ég er reyndar búin ad vera veik tessa vikuna. Kvef, hausverkur sløpp og svona vesen. Svo er gródurofnæmi lika alveg ad segja til sín hérna. Samt alveg tess virdi. Elska tré og blóm og Grænt gras útum allt!

En jåa, internetid kemur heim 5.júlí. Thá getur madur farid ad tala vid fólk a msn og endilega allir downloada Skype , thá er hægt ad spjalla saman i gegnum tølvuna og ekki borga rass fyrir!

Å føstudag koma svo loksins fyrstu alvøru gestirnir okkar, Mídía og Tobías fra Tyskland! Tad verdur stud!

Jæja núna ætlum vid Dagur heim ad elda. Keyptum 5kg af hrísgrjónum!

Vi ses

Lisa gsm: 0045 - 22293273

2007-06-21T11:22:00.000Z

Ný númer!

Vid Dagur erum komin med dønsk gsm númer=

Lisa= 0045 - 22293273

Dagur= 0045 - 22462975

Svo erum vid ad farad fá heimasimanumer og internet heim..vonandi sem fyrst!

Annars gengur bara allt vel, erum buin ad fá búslódina, svefnsofa og stol fra JYSK, thá er tad bara dynan i rumid okkar fra IKEA, tha verdur tetta almennilegt.

Endilega hringid og sendid sms!

Hej hej

2007-06-18T17:50:00.000Z

Nog ad gera!

Ja tetta verdur bara stutt færsla. Vorum ad klåra ad måla stofuna og erum thå buin ad måla i bili. Ætlum svo seinna ad måla lika ganginn, hurdarnar og gluggana.

Vid erum ørugglega ad farad panta okkur dønsk gsm-numer nuna og læt nu alla vita hvad tau verda. Thå getid tid øll hringt i okkur dag og nott! Tad mun samt taka um 2 vikur ad få numerin.

Annars er bara allt gott ad fretta. Eyddum soldid miklum pening i dag i allskonar græjur fyrir heimilid. Svakaleg UDSALG tilbod allstadar og brjalad ad gera i budum um leid og tær opnudu!
-keyptum t.d. sitthvorn kassann ad bjor a 79dkr og skelltum a bøgglaberana og reyddum hjolin heim. Vid forum allt i allt 2 ferdir i Føtex, 1 i Silvan (byggingarvøru e-d) og 1 ferd i JYSK (rumfatalagerinn). Svo vorum vid alveg buin a thvi eftir tessa tørn og hentum okkur a uppblåsnu dynuna og sofnudum strax!

Jåjå, fint i bili.
Kær kvedja frå Nørrebronx

2007-06-15T15:39:00.000Z

Folk-Registreret

Jæja ja, eg ætla ad vera afram dugleg ad blogga! Eg sit nuna ein i svona internet cafe sem er bara i sømu blokk og vid erum i. Herna er 4-5 araba strakar ad lana, med thvilik læti og leidindi. Er pinu stressud tarsem eg er bara ein. Dagur for ad skoda likamræktarstødina eda ithrotta stød sem Anton fer alltaf ad æfa. Daxa langar ad komast i kikkboxid aftur.

En ja annars er ad fretta ad vid erum buin ad mala meirihlutann af svefnherberginu, eigum eftir ad fara eina umferd af rjomanum. Ogedsleg tessi sur-blåa himinn-pæling sem var tarna. Ja svo svåfum vid fyrstu nottina i ibudinni okkar, a uppblåsinni queen size dynu i stofunni, sem vid fengum lånada fra Tona. Tetta var fint.
Komumst reyndar ad tvhi ad tad bua fleiri i blokkinni,høfum hingadtil bara sed 2 straka, en tau voru ad blasta tonlistina i gærkveldi. Fint samt, tå thurfum vid ekki ad vera med samviskubit tegar vid verdum med party -tegar tid komid! ;)

I gær fengum vid okkur i fyrsta skipti vin, sidan ad vid fluttum hingad. Keyptum 3 hvitvinsfløskur a tilbodi i føtex- å 100dkr!
Svo kom Anton og bordadi med okkur pasta og hellti i sig hvitvin og topas- vid keyptum eina topas og eina opal fløsku -sem tid megid lika endilega koma med!

Ja, svo i dag skrådum vid okkur i landid! Erum komin med danska kennitølu!!jeij!

Ja svo vorum vid ad panta simanumer og internet heim til okkar, vona ad hægt se ad treysta tessu! En tad kemur bara i ljos.

Vedrid er nu ekki neitt svakalegt i dag, tad var vist rigning i morgun, thå svåfum vid nu enntå.
Samt agætt ad få små golu, madur kemur hvortsem er alltaf sveittur heim af øllum tessum hjolaferdum!

Jæja, nog i bili! -er samt mjøg ånægd med kommentin! megid alveg halda tessu åfram!

kær kvedja fra nørrebro

2007-06-13T20:44:00.000Z

Maler-tape

Jam, tad er buid ad vera nog ad gera hja okkur. Ekkert stopp! Og thannig verdur tad örugglega lika næstu vikur hja okkur! Erum buin ad kaupa hvíta malningu fyrir loftid, kappana og hurdarnar. Svo turfum vid ad kaupa e-rn fallegan lit a veggina i stofunni og i svefnherberginu. Vid ætlum ekki ad mala eldhusid, en tad er lika fallega gult a litinn og einn veggurinn, litill stubbur, er svartur og notadur sem krítartafla! Kemur ser alveg ad godum notum sko!

Svo nádum vid ad hoppa i IKEA i kvöld( hvad eg meina med hoppa; hjóla á lestarstödina Nørrebro, bida, taka lest i 10-15 min, skipta svo um lest, bida,-15-20 min, vera svo kominn útí algjöra eydimörk og ekkert vita hvert a ad fara, finna stræto sem keyrir framhja IKEA, -sem var 1, sem keyrir a klukkutimafresti, og einsgott bidum vid bara i 10min, svo keyrdum vid um i bussen i godan tima um svona storfyrirtækjaborg og svo loksins sáum vid IKEA og löbbudum svo loksins thar inn-og viti menn! Tetta var bara næstum eins og er heima! Nema tetta var a 3 -4? hædum og slatti stærra. En Allavega, i IKEA i kvöld, Vid gatum keypt rumm og dynu, eda sumse seng og madrass, fataskap, sæng og kodda og allskonar meira dot. ø Svo bara hentum vid tessu öllu i einn gæja og hann sér um ad skutla tessu heim til okkar a morgun!

Jæja já, annars er buid ad vera mjög gott vedur, allt hefur einkennst(?) af hjóla-og lestarferdum, bera allskona thungt dot og HJOLA med allskonar THUNGT dot, og borda rugbrød med salami!
Hjolamenningin herna er sko ekkert grin! Tad eru muuun fleiri hjol a ferdinni herna allan daginn en bilar! Svo eru 'hjola-göturnar-stigurinn' lika hevi stor og er thvilik umferdin!

En ja, tad verdur sko nog ad gera framundan! Tad sem er serstaklega gott vid tetta allt saman, er ad madur er ad komast i mjög gott form, alltaf ad labba langar leidir, hjola hjola hjola og bera tungt dot! Gæti ekki verid betri likamsrækt! ;)

Jæja, meira en nog i bili!

dagur bloggar lika(reyndar eru stafirnir hans i fokki!?) http://www.dagur.org/

Vi ses

2007-06-12T11:13:00.000Z

Flutt!

Já í gær varð nú loksins af því og erum við Dagur flutt til Danmerkur, nánar tiltekið Kaupmannahöfn-Nørrebro. Það var ekkert grín að koma sér útúr flugvellinum þarsem við vorum með 3 stórar ferðatöskur, 1 gítar, nokkra poka og 2 hjól! En það hafðist og tókum við náttla taxi heim.
Úti var líka þessi svakalegi hiti, um 30°stig og sá maður ekkert nema fólk úti að hjóla í stuttbuxum. Smá vesen var þegar við ætluðum inn í nýja heimilið okkar, en lyklarnir voru e-ð að stríða okkur. Póstur lá útum allt, bæði fyrir utan íbúðina og fyrir innan. Svo komumst við að því að kellingin sem bjó þarna á undan, sem var íslensk, var ekkert smá mikil drusla. Ekki bara það að hún hafði fyllt íbúðina af gömlum, ELDgömlum Ljótum húsgögnum, heldur hafði hún líka stolið sófanum sem átti að vera þar! Svo var allt í rusli í öllum hornum, eða í kössum á miðju stofugólfinu!
En þetta bara verður vinnan okkar næstu dagana, þrífa og henda drasli. En annars er nú íbúðin sjálf alveg í góðu lagi, ætlum reyndar að mála veggina og laga þá e-ð. Svo er planið að fara að kíkja í IKEA bráðlega til þess að kaupa rúm,skáp og svefnsófa. Við fengum að gista hjá Láru frænku í nótt og er ég í tölvunni hennar nú-íslenskir stafir-takið eftir.

En allavega þá stendur Dagur fyrir aftan mig og erað reka á eftir mér, þurfum að gera slatta í dag.

Heyrumst!-(er ennþá með númerið mitt!)

Nýja heimilisfangið okkar er:

Elísabet Stefánsdóttir/Dagur Snær Sævarsson
Frederikssundsvej 96a 1.t.h.
2400 København
Danmark

-Dagur bloggar líka á www.dagur.org

2007-06-05T10:17:00.000Z

6 Dagar!!!

Aðeins 6 dagar til stefnu! Erum að loka seinustu kössunum og svo förum við í Samskip með allar eigur okkar! Svo munum við liggja eftir í galtómu herbergi fram á mánudag nk!!!

Kveðjupartý verður heima hjá mér á laugardag, ekki föstudag einsog áður var planað. ALLIR AÐ MÆTA OG KVEÐJA OKKUR!!!!!!!!!!!!!!!!!

2007-05-21T19:03:00.001Z

21.maí=21 dagur í Danmörk!!!!!

Já þetta líður svo sannalega hratt! Sérstaklega hef ég haft mikið að gera undanfarið svo að þetta er búið að vera mjög fljótt að líða!

Á laugardag sl. vorum við Elísa og Kristín í Kolaportinu að selja allt draslið okkar +föt frá tengdó og tengdaömmu! Samt bjóst ég við að græða meira.. ég allavega græddi 20.þús en stelpurnar aðeins(slatta) minna.. Fólk var svo nískt það vildi bara borga 50 eða 10 krónur fyrir mjög vönduð og flott föt!! En þetta var samt alveg þess virði! (sérstaklega þegar ég hugsa til næstu afborgun af skólanum mínum-400.000kr! takk fyrir) Svo fer ég með restina af fötunum bara í rauða krossinn..

En já svo um kvöldið var nú þetta líka svakalega kveðjupartý í vinnunni (zara) og var Famous people þema og tókst það mjöög vel verð ég að segja! Ég þurfti ekki að leggja neitt mikið í 'búningin' minn, nema skellti loksins aftur elsku bestu bleiku strípurnar í mig og mætti ég sem Dilana á svæðið! Svo var bolla og bjór og Tinna litla á rassgatinu! Hún flytur á morgun til Lúxemborgar en hitti ég hana Vonandi í sumar!!!

Svo verður seinasti dagurinn minn 31.maí og eftir það tekur við útskrift Dags, djamm, djamm og pakka niður!

Jú svo verðum við með kveðjupartý 8.júní (alveg 99%) og þar skulu allir vinsamlegast mæta sem okkur þekkja og kveðja með stæl því að við erum ekkert á leiðinni aftur heim næstu áratugi!!
Very nice very nice

2007-05-07T18:57:00.000Z

35 Dagar!!!

Já í alvöru, 35 dagar þangað til við Dagur flytjum út til Köpen! Það er ennþá smá íbúðarvesen en þetta fer að reddast! Hlakka svoo til að komast út!!! Svo eru loksins elsku sólbrenndu rúsínurnar mínar komnar frá Afríku!!Vá það var svo gaman að sjá þær! Báðar svo brúnar og sætar! PLÚS það að Elísa fékk sér ekkert annað en DREDDA!!!
Ég er svo stolt af henni að gera þetta! Enda líka búin að tala um þetta mjög lengi!

Við hittumst á föstudaginn síðasta heima hjá mér og mættu bara allir og fengum við að heyra allar sögurnar og allt slúðrið frá Afríku! Svo seinnipartinn kíktum við Elísa og Sara niðrí bæ og vorum að skemmta okkur, þartil að öllum stöðum lokaði!

Svo er á dagskrá að fara að pakka. Eurovision á fimmtudag og laugardag (ég erað spá í að bjóða ykkur aftur til mín og pabbi ætlar að grilla! Getum svo öll horft á keppnina saman með bjór í hendi!
Svo er ég búin að panta bás í kolaportinu laugardaginn 19.maí og ætla Elísa og Kristín með mér að losa sig við gamalt drasl og græða peningaaa!!
Annars er það ennþá bara vinna vinna vinna, en sumarið er komið í mig og held ég þetta alveg út í 1 mánuð í viðbót svona! ;)

2007-04-16T18:17:00.000Z

Saumaskapur og Árshátíð

Já á laugardag sl. var loksins hin geysistóra Árshátíð Sérvörusviðs Haga á Hótel Sögu!

Hún byrjaði með fordrykk kl. 19:30 eða semsagt 20:30 og maturinn átti að byrja 20:30 sem þýddi sumsé 21:30. Í forrétt fengum við æðislega góða humarsúpu, aðallréttur var hálf lifandi lamb og eftirréttur var þurr frönsk súkkulaðikaka með þó mjög góðum vanilluís. Skemmtiatriði voru ýmis, þar á meðal Carlos Salsakennari sem kenndi Jóhannesi í Bónus að dansa Salsa fyrir framan alla, svo var það hljómsveitin Karma sem spilaði þó nokkuð góða tónlist og hélt sér mín mestan tímann á dansgólfinu með fullt af skemmtilegu fólki!

Um 12 leytið,minnir mig, héldum við svo niðrí bæ og röltuðum aðeins milli staða og e-ð.. Mjög gaman bara! En um 4 gat ég ekki lengur staðið í fótana, búin að vera á þvílíkum hælum í 8 klst. enda voru/og eru!! fæturnir mínir ennþá bólgnir!

Föstudagskvöldið einkenndist reyndar aðallega af saumaskap, þar sem ég var að rembast við að klára að sauma kjólinn fyrir árshátíðina,.. sem tók mig í allt tæpa 3 daga..

En annars er það bara vinna vinna vinna og koma mamma og pabbi heim frá kanarí á morgun! Vonandi með e-ð gott með sér!

(í fordrykknum í kjólnum sem ég saumaði ;o) )

2007-04-02T18:49:00.000Z

Verkjatöflur og hor

Já ekki mikið annað en veikindi hafa drifið mína daga. Var orðin mjög slöpp á föstudag en píndi mig til þess að vinna til 5, fór svo heim og dó. Átti að vinna á laugardag en var dauð, svo ætlaði ég að vinna fyrir 1 stelpu á sunnudag því hún var að fara í fermingu, og ég hélt ég væri orðin skárri og fór á sunnudag að vinna, kemur þá ekki bara í ljós að 3 stelpur úr minni deild voru veikar og ég var bara ein þar, sjálf með óráði, til kl.18. Svo í dag er ég einsgott í fríi, en veikindi mín fara bara versnandi.. Hausverkur frá helvíti, mjög mikið kvef,hor í hausnum,slappleiki og svimi, hiti og smá beinverkir, flökurt ef ég borða ekki og magakrampar þegar ég borða.. alveg æðislegt..

Ég get ekki einusinni sofið, 1) ég vakna alltaf upp af hausverknum og þrýstingnum í hausnum
2) mig dreymir bara martraðir, bara geimverur og allskonar crap..

ég nenni svo ekki að vera svona!Vill einhver skipta? Það er bara mánuður síðan að ég var með flensuna!Þetta er óréttlátt!

PS: Djöfull er ég ánægð að Stækkuninni á Álverinu í Straumsvík var hafnað!
Það hefðu munað 89 atkvæðum ef ég hefði ekki verið veik! æði.

2007-03-12T20:00:00.000Z

í fréttum er þetta helst þessa vikuna..

ÉG KOMST INN Í MARGRETHE-SKOLEN Í KAUPMANNAHÖFN!!!!

Umsóknin barst skólanum bara á föstudag s.l. FYRIR Hádegi, og EFTIR Hádegi fékk ég e-mail frá skólanum að þeim litist bara mjög vel á mig og ég væri VELKOMIN Í SKÓLANN, SEM BYRJAR 20.ÁGÚST!!!!!!!!!!!!!!!!!!!!!!!!!

Ég átt bara bágt með að trúa þessu! Þetta gekk svo hratt fyrir sig að ég er enn að melta!!!

Ég er svo rosalega sátt ég get ekki lýst því! Svo er ég líka með veruleikasjokk! Því nú er þetta allt 100% dæmi!

1.mai byrja ég að borga skólagjöldin sem eru um 350.þús íslenskar þá,svo meira seinna. Einsgott að vinna bara og vinna, ha! Ég er allavega farin að gera það, Zara á daginn, Hrói á kvöldin.. money money money!

Önnur mál:

Ég hringdi í Telpurnar mínar í Afríku (á föstudag, heima frá Dabba, en hann fattaði það eftir svona 1 mínutu og sleit símann í sundur!híhí, úps ;p) en svo aftur á laugardag, eftir vinnu á hróa, og spjallaði betur við þær þá. Æj hvað ég sakna þeirra! en samt gott að heyra í þeim!

Fyrir þau sem vilja skoða síðu nýja skólans míns þá er hún www.margrethe-skolen.dk

Takk og takk og takk fyrir mig! Mjög gott pestó pasta!

2007-03-05T15:18:00.000Z

Jæja já; í fréttum er þetta helst.

-Lísa var með slæma flensu í meira en viku en er loksins búin að jafna sig á henni.
-Skólaplön eru búin að breytast og sækir Lísa nú um í Margrethe Skolen, sem er einn mjög virtur en líka mjög dýr skóli, og í Columbineskolen. Hinir skólarnir krefjast þess að hún komi í viðtal, en það finnst henni bara of mikill kosnaður.
-Í seinustu viku fóru Dagur&Lísa á fiðluballið í MR og skemmtu sér konunglega á dansgólfinu í Iðnó. Var Lísa í sviðsljósinu þegar RÚV var að taka upp var hægt að sjá hana dansa í tíufréttunum á miðvikdaginn.
-Á föstudag hélt Sara upp á afmælið sitt í heimahúsum, við Unnarstíg, og var þar mjög notaleg en skemmtileg stemming, þurfti Lísa að fara snemma heim á leið vegna þess að hún þurfti að mæta eldsnemma í vinnu daginn eftir, en hinir skemmtu sér áfram.
-Á laugardag var kveðjupartý í vinnunni, þar sem Sara B. og Brynja voru að hætta, en er Brynja einnig að flytja til Barcelona núna í vikunni.
-Lísa er í fríi í dag og erað nota tímann til þess að útbúa eina umsókn, sem gengur, en þó mjög hægt.

Þar til seinna...

2007-01-30T20:07:00.000Z

Elsku dúllurnar mínar eru farnar til Draumalands og land getnaðar míns, Afríku!

Soundar frekar weird, en satt. Kveðjudjamm var á laugardag sl. og var það hið fínasta. Hittumst 6 heima hjá Heiðu og héldum svo 4 niðrí bæ. Núna eru Kristín og Elísa komnar til Capetown, held ég alveg örugglega. Þeirra á eftir að vera sárt saknað en halda þær aftur heim á klakann 1.mai. Þær fara að vinna í Þjóðgarði, fara í Safaríferð og ferðast um nokkur lönd í Syðri hluta Afríku, hægt er að fylgjast með þeim, Vonandi!!, á www.blog.central.is/kokerboem .

Annars er bara vinnan að frétta einsog vanalega, og reyndar tvöfold. Ætla að vinna fríhelgi mína á hróa til þess að spara ennþá meira pening!

Skólapælingin hjá mér einsog er er að sækja um í 3 skólum, get sent út sömu umsókn- og möppu ef skólarnir vilja. Í fyrsta sæti hjá mér er Danmarks Design, þetta er víst ríkisrekinn skóli, (held ég alveg örugglega!) og þessvegna eru ekki svona há skólagjöld í honum. Í öðru sæti er Kobenhavns Mode-og Designskole og í þriðja Fashion Design Akademiet. Ég hitti á Ásdísi kennara í leikhúsi á föstudag og sagði hún mér að það sé sjúklega erfitt að komast í Danmarks Design, en hélt að ég ætti góða möguleika útaf reynslu minni. Þetta sýnist mér vera 5ára skóli en hinir eru aðeins 2 ár. Ég er samt alveg til í að vera í honum í 5 ár, sérstaklega vegna þess að Dagur er hvortsem er í 6 ár í grunn í læknisfræðinni svoað ég er bara vel sett að vera í pottþéttu og viðurkenndu námi í 5 ár!

Jæja, allir eru alveg að tapa sér hérna frammí stofu, ísland-danmörk erað keppa í handbolta og hef ég bara engan áhuga að fá magapínu og hausverk af látunum og stressinu þarna frammi! Fólk næstum skítur í buxurnar það er svo spennt og upptrekkt yfir þessum leikjum!

Farvel ! =)